IMAMAT 10:15 - Tanou Moonsoi Timugon

¹⁵ Musiti' ulun ru Israil magibit ra paa am kubab ru bibiag no paat ra ilo mapataak ra lomok no koson ra taak akanon ra Tuhan. Tayar ragitio longgom muno am anak-anak muno ra sabuoi-buoi no, koson ra nanusuban ru Tuhan.”

IMAMAT 10:15 ပူးပေါင်းရင်းမြစ်များ

KASAUKAN 13:15

Pataakon Ku rirun am papag muno ngaangai' tana' ra nakito muno. Masauk ginio ra okou tatangan ra sabubuoi no.

KASAUKAN 17:13

Ginio ra musiti' moonong ungkuyon sunatin am sunat ti masauk ra tatandu' ru inan ondo' mapakito ra nabantuan Kuno rirun mantilayun.

KASAUKAN 17:17

Igulatur boo i Abragam, kaa' masuatan io paat mangkara' ra, “Kalo noyo lair sangulun ungkuyon ondo' makaumur maatus ngambilor makaanak poyo? Kalo noyo lair maganak i Sara ra kinatuo nano ra siam ngoopor ngambilor?”

KASAUKAN 17:8

Manaak Aku rirun am papag muno ra tana' ragitio, intok inayanan muno raino ti koson ra ulun bansa' ru bokon. Titikop tana' ru Kanaan masauk ra longgom ru papag muno ra sabubuoi no am Aku masauk ri Aki Kapuuno' nilo.”

KAINGKUALAN 29:27

“Ralalom upacara patimpokon ru imam, kubab am paa ru domba gawayan ondo' pakayon ralalom upacara patimpokon no musiti' pataakon Raki' koson taak paluntukon am pasuayon tayar ru imam-imam.

KAINGKUALAN 29:28

Gitio noyo kapatasan Kuno ra kalo boo makulau: Paat ra matong ulun Kuno mapataak ra taak simbalui koson makibarakat ra Tuhan, musiti' kubab am paa ru bibiag no pataakon ra imam-imam. Tampilon raginio noyo taak intor ra ulun Kuno Raki', Tuhan.

IMAMAT 2:3

Suwo ru taak simbalui koson paringkuanangan ra Tuhan no iono longgom ru imam-imam. Taak ti matulai kaga' sabap ra inalap intor ra akanon ondo' pinataak noyo ra Tuhan.

IMAMAT 3:17

Lomok kapoam raraa' kalo noyo toojo maakan ru ulun ru Israil. Aturan ragitio musiti' suguton ru ngaangai' ulun ru Israil ra sabuoi-buoi no, ra ati ayuk ayanan nilo.

IMAMAT 7:34

Kubab am paa ra pamiris ru bibiag no iono taak lilion ondo' alapon ru Tuhan intor ra ulun Nano koson taakin ra imam-imam. Tayar ragitio noyo ondo' musiti' taakin ru ulun ru Israil ra imam ra sabuoi-buoi no.

UNTABAN 5:9

Koson niayuk ra moonong indangan luntukon ondo' pataakon ru ulun ru Israil ra Tuhan; indangan no masauk ra imam ondo' mangapu no tatangan.