IMAMAT 10:11 - Tanou Moonsoi Timugon

¹¹ Musiti' min ilaan ulun ru Israil ra ngaangai' ukum ondo' tinaakan Ku noyo ramuyun ondo' pinabala' galing ri Musa.”

IMAMAT 10:11 ပူးပေါင်းရင်းမြစ်များ

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

MALIAKI 2:7

Imam-imam musiti' toojo mangila' ra atan ondo' motopot intor ri Aki Kapuuno'. Mamagun musiti' matong ra imam-imam koson makapandai ra kasagaan Kuno sabap ilo ulun sinusub ru Tuhan Ondo' Maayo Kaga' Kuasa'.

NIGIMIA 8:8

Pinabala' nilo Taurat ri Aki Kapuuno' no ra sinusui am nambala' ra liliwaan maa' raginio maratian ru mamagun.

NIGIMIA 8:2

Ginio ra inibit ri Ijra kitab no ra saang ru ngaangai' ulun ondo' natitimung. Ilo no ungkuyon, ruandu' am lalaing-lalaing ondo' makarati' ra suang ru kitab no.

JIRIMIA 18:18

Kon boo ru ulun, “Ibok no paguguum takau manggal ri Jirimia sabap itakau galama' mokoondo' ra imam ondo' makapangani' ra pangilaan, ulun mapintar makapangani' ra bilin, am nabi ondo' makapampasaboi ra tanou ri Aki Kapuuno' masalok soroi. Ibok no ibito' takau panguwan ri Jirimia, am lumonggo' mangkirongog ra ragu-ragu nano!”

SAGULION 24:8

Paat ra akau marualan ra maruol ru kungkung ondo' makalalaa', baalo' ra matanda' atan ondo' panusuban ramuyun ru imam bansa' ru Liwi. Bayaa' noyo panuluan-panuluan ondo' pinataakan ku noyo risilo.

1 TISALONIKA 4:2

Sabap ra napandayan min ra nanuluan maili ramuyun intor noyo ra kuasa' ru Tuhan Jisus.

RINALATAN 20:27

Kalo igondo' aku nompoloso ra kandoi kutu koson mambala' ramuyun ra ngaangai' kasagaan ri Aki Kapuuno' no ramuyun.

SAGULION 33:10

Mangila' ilo ra ulun Muno am gumagaya' ra Ukum Muno; Mapataak ilo ra taak simbalui giu' ra rasawat ru altar Muno.

JIRIMIA 2:8

Kalo nangkuot imam-imam, ‘Ati boo Tuhan?’ Imam-imam Kuno pana kalo nakaulig Raki'. Panguasa'-panguasa' giminuor Raki'; nabi-nabi minindagu ralalom inggalan ru Baal am sinamba sinungkalalaing ondo' kolondo' onong.”

2 TUNUNG RU BANSA' ISRAIL 30:22

Nongompor Raja' Gijkia ra ulun ru Liwi ra katasikan nilo maningganai ra sambayang ra Tuhan. Kopongo tulu' ngoorou ilo nakasia' ra akanon ru pangiantakan am niayuk nampataak ra taak simbalui koson maringkuanang ra Tuhan, i Aki Kapuuno' nilo,

2 TUNUNG RU BANSA' ISRAIL 17:9

Inibit nilo kitab Ukum ru Tuhan, am nariput ra ngaangai' bandar ru Jiuda am nangila' ra mamagun ra giu' no.

SAGULION 17:10

Mamatas ilo ra baal raginio, am musiti' baalon min ra matanda' atan ondo' raguon nilo ramuyun.

SAGULION 17:11

Apuo' noyo kapatasan nilo am baalo' noyo atan ondo' inaru' nilo saboi ra baal ra toboborok.

2 TUNUNG RU BANSA' ISRAIL 15:3

Nabuoi noyo Israil kalo nangandoi ayuk ri Aki Kapuuno' ondo' motopot, kolondo' imam-imam ondo' mangila' risilo, am kolondo' ukum.