IMAMAT 10:1 - Tanou Moonsoi Timugon

¹ Paat ra sangarawan, anak-anak ri Arun, i Nadab am i Abigu, nagibit ra intok ru apui nilo sigagama' am suangi' ra baa ru apui. Anii' nilo ra kaminyan rasawat ru baa no, am pataako' ginio ra Tuhan. Kaa' kalo mapasau apui no, sabap ra kalo nanusub Tuhan risilo mapataak raginio.

IMAMAT 10:1 ပူးပေါင်းရင်းမြစ်များ

1 RAJA'-RAJA' 18:38

Kopongo raginio nampatuun Tuhan ra apui intor ra limbowon am nonolob ra taak simbalui no nabaya' ra luton, batu am tana' saboi timug giu' ra parit no mapua'.

MAZMUR 141:2

Apuo' noyo pakiasian kutu koson ra rondo' taak ra kaminyan, am apuo' noyo kalindu' ra patunuyon kutu koson ra taak ra rondom.

KAINGKUALAN 24:1

Indagu boo Tuhan ri Musa, “Pagaloi ra gunung mongoi uma' Raki', mabaya' kou ri Arun, Nadab, Abigu am tulu' ngoopor tingganai ru Israil, am samba Raki' intor ra maalur.

KAINGKUALAN 24:9

Kopongo raginio i Musa, Arun, Nadab, Abigu am tulu' ngoopor ngaulun tingganai no nagaloi ra gunung,

KAINGKUALAN 27:3

Baalo' noyo paliuk ru kaau makaumau, am pambaal niayuk ra panuuk, mangkuk, garapu' am intok ru apui; musiti' ngaangai' ru kuliamos no baalon intor ra gangsa'.

KAINGKUALAN 28:1

“Piawo' noyo maayo muno i Arun am anak ungkuyon nano i Nadab, Abigu, Iliajar am i Itamar. Timpokon ilo intor ra popolos ulun ru Israil, maa' raginio mangandoi ilo Raki' koson ra imam.

KAINGKUALAN 31:11

umau upacara am kaminyan ondo' maamis owou tayar ru Lamin Pansunuran. Musiti' baalon nilo ngaangai' no topot koson ra susuban Kuno rirun.”

KAINGKUALAN 37:29

Pambaal niayuk i Bijalil ra umau upacara ondo' mapasau, am kaminyan kopoyo ondo' maamis owou, ondo' pinaratok koson ra umau maamis owou.

KAINGKUALAN 38:3

Pambaal io niayuk ra ngaangai' kuliamos ru altar no: Paliuk, sukup, mangkuk, garapu' am intok ru apui. Pambaal io ra ngaangai' kuliamos no intor ra gangsa'.

KAINGKUALAN 40:27

am solobo' no kaminyan ondo' maamis owou, koson ra nanusuban ru Tuhan.

KAINGKUALAN 6:23

I Arun nagandu' ri Ilisiba, anak ruandu' ri Aminadab; i Ilisiba pabukat ruandu' niayuk ri Nagason. Naganak i Ilisiba ri Nadab, Abigu, Iliajar am i Itamar.

KAINGKUALAN 8:27

Musiti' akai mongoi ra tana' kaagisan galur no talu ngoorou pangkiralanan koson mapataak ra taak simbalui ra Tuhan i Aki Kapuuno' mai, koson ra nanusuban Nali.”

JIRIMIA 19:5

Binaalan nilo i Baal ra altar maa' raginio makapampataak ilo ra anak-anak nilo koson ra taak simbalui ondo' solobon. Kaa' kalo igondo' Aku panusub risilo mambaal raginio, am poyo kalo igondo' baal raginio soroi ra pangkaraan Kuno.

JIRIMIA 32:35

Nambaal ilo ra altar-altar ra Baal giu' ra Limayak Ginom, am nampataak ra anak-anak nilo ra Dewa Molok. Sotopot no, kalo igondo' Aku nanusub risilo mambaal raginio, am poyo kalo igondo' tabual ralalom ru pangkaraan Kuno ra baalon nilo baal malaat raginio am nangkinibit ra ulun ru Jiuda makatula.”

JIRIMIA 44:15

Masuang kaga' boo ulun minatong raki', iono ngaangai' ungkuyon ondo' nakapandai ra andu' nilo nampataak ra taak simbalui ra dewa, am ngaangai' ruandu' ondo' minigor ra giu' no, nakaaya' ulun ru Israil ondo' minayan giu' ra tampilon rabugus ru Misir. Konilo raki',

JIRIMIA 44:8

Kua pasingkualo' min sangit Kuno ra siminamba ra sinungkalalaing am nampataak ra taak simbalui ra dewa giu' ra Misir, intok inayanan min raino? Binaal min kia ginio koson mamuso kau ra inan min galama', saboi ngaangai' bansa' ra tana' ti magasab ramuyun am mamakai ra inggalan min koson ra pagulasan?

JIRIMIA 7:31

Nambaal ilo rondo' altar ondo' ininggalanan ra Topit giu' ra Limayak Ginom. Giu' ra rasawat ru altar no nonolob ilo ra anak-anak nilo, ungkuyon am ruandu', koson ra taak simbalui. Sotopot no kalo igondo' Aku panusub risilo mambaal raginio, am niayuk kalo igondo' baal raginio miningkual intor ra pangkaraan Kuno.

IMAMAT 16:1

Kopongo minatoi ruo ngaulun anak ungkuyon ri Arun sabap ra nampataak ra apui ondo' kalo kasagaan ru Tuhan, indagu Tuhan ri Musa,

IMAMAT 16:12

musiti' io magibit rondo' intok ru baa ondo' nototop ra baa ru apui intor ra altar am ruo ngogonggom kaminyan malumot, ibiton boo ngaangai' no mumpos ralalom ru Lamin Matulai Kaga'.

IMAMAT 22:9

“Musiti' ngaangai' imam gumagaya' ra aturan raginilo ondo' tinaakan Kuno. Amon ru kalo, makasala ilo am matoi sabap ra manggal ra aturan ra mangapasau no. Aku noyo Tuhan am Aku noyo napapasau risilo.

IMAMAT 9:24

Pulali' ru Tuhan papatuun ra apui, am nonolob ra ngaangai' taak simbalui koson mapabansuk ra guang ru Tuhan, am niayuk tayar ra mokolomok ondo' soroi giu' ra rasawat ru altar. Pakakito ulun ru Israil raginio, panganggak ilo am igulatur samba ra Tuhan.

UNTABAN 16:46

am indagu boo i Musa ri Arun, “Alapo' intok ru baa muno am suangi' ra baa ru apui intor ra altar, am suangi' ra kaminyan ra baa ru apui no. Ibito' intok ru baa ru apui no ra ulun no ra mataki', am baalo' upacara pamasawan risilo. Ribaki'! Sangit ru Tuhan nasimbulukan noyo am maruol tumapik tumalimpuun noyo.”

UNTABAN 26:61

I Nadab am i Abigu minatoi paat ilo napataak ra apui ondo' kalo kasagaan ru Tuhan.

UNTABAN 4:18

“Pai' polosoo' bansa' ru Kigat matoi

SAGULION 12:32

Baalo' noyo ngaangai' ondo' nanusuban ku noyo ramuyun; pai' ruangi' kapoam irurui' atan-atan ra susuban raginio.

SAGULION 17:3

am niayuk susuban ru Tuhan sabap ra ilo siminamba am nangandoi ra tuhan-tuhan ra bokon, kapoam ra mato ru orou, kapoam ra sila', kapoam ra bibiag-bibiag.

SAGULION 4:2

Pai' ruangi' sanganu pana am pai' irurui' sanganu pana ra atan ondo' nanusuban kuno. Gagayaa' noyo susuban ru Tuhan i Aki Kapuuno' min ondo' pinasaboi ku noyo ramuyun.

IBRANI 9:4

Giu' no mokoondo' panalaban ra kaminyan ondo' binaal intor ra mas, am poyo Kaban Nabantuan ondo' inangkupan ra mas. Ralalom no mokoondo' rarapu' mas boborok makasuang ra akanon inggalanin ra manna, am poyo jujuga' ri Arun ondo' nanalantar ragili am ruo ngampila' batu ondo' tinulisan ra mopor panusuban.