IMAMAT 1:4 - Tanou Moonsoi Timugon

⁴ Musiti' ulun no mapabanta' ra kalindu' nano ra tampak ru ulu ru sapi' no maa' raginio taak nano apuon ru Tuhan koson taak simbalui koson mangampun ra tula nano.

IMAMAT 1:4 ပူးပေါင်းရင်းမြစ်များ

KAINGKUALAN 28:38

Musiti' pakapiton ri Arun ra rabas nano. Ralan ragitio Aku Tuhan mangapu ra ngaangai' pataakon ondo' taakin ru ulun ru Israil Raki', kabalu' pana nambaal ilo ra kasalaan paat ra mapataak ra taak no.

KAINGKUALAN 29:10

“Mopongo ginio ibiton sapi' gawayan ra saang ru Kim Kuno. Susubon i Arun am anak-anak nano mapabanta' ra kalindu' nilo ra tampak ru ulu ru sapi' gawayan no.

KAINGKUALAN 29:15

“Alapon sanginan intor ra domba gawayan no, am susubon i Arun am anak-anak nano mapabanta' ra kalindu' nilo ra tampak ru ulu ru domba no.

KAINGKUALAN 29:19

“Alapon sanginan poyo domba gawayan iono domba paat ra upacara patimpokon. Susubon i Arun am anak-anak nano mapabanta' ra kalindu' ra tampak ru ulu ru domba gawayan no.

KAINGKUALAN 29:33

Musiti' akanon nilo atan ondo' pinakai ralalom upacara pangampunan ra tula paat ra patimpokon risilo. Imam ayuk mangakan ra akanon no sabap ra akanon no mapasau.

JISAYA 56:7

“Ibiton Takamin ra Sion, bulur Kuno ondo' matulai, am bansukon Ku baloi sambayangan Kuno. Taak-taak simbalui ondo' pataakon min ra altar Kuno apuon Ku. Baloi Kuno sabiton ra baloi pakiasian ru nansalinut bansa'.”

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

IMAMAT 16:21

Musiti' i Arun mapabanta' ra karuo-ruo kalindu' nano ra rasawat ru ulu ru kambing no am mangiou ra ngaangai' kalaatan, tula am ginuaran ru ulun ru Israil. Ginio noyo ra ngaangai' tula ru ulun ru Israil patapikon ra rasawat ru ulu ru kambing no. Musiti' kambing no anjungon boo giu' ra tana' kaagisan ru sangulun ondo' sinusub noyo mapaugar raginio.

IMAMAT 16:24

Musiti' io mariu' giu' ra rondo' intok ondo' inaru' ra mapasau, bayangon no boo bayang nano galama'. Mopongo raginio musiti' io mingkual, mampataak boo ra taak simbalui koson mapabansuk ra guang ru Tuhan, tayar ru mamuso ra tula nano galama' am tula ru ulun ru Israil.

IMAMAT 22:21

Paat ra sasangulun no mapataak ra taak simbalui koson makibarakat ra Tuhan, ondo' kia tayar manugut ra nazar kapoam koson taak simbalui ondo' pataakon ra kalo kibayarin, bibiag no ondo' kalo najamaran, maa' raginio apuon.

IMAMAT 3:13

Musiti' io mapabanta' ra kalindu' nano ra rasawat ru ulu ru kambing no, am simbaluyon ginio ra saang ru Kim ru Tuhan. Pawason ru imam-imam raraa' no ra kaapat-apat sapapa' ru altar,

IMAMAT 3:2

Musiti' ulun no mapabanta' ra kalindu' nano ra rasawat ru ulu ru sapi' no, simbaluyon boo ginio ra saang ru kulobon ru Kim ru Tuhan. Pawason raraa' ru sapi' no ru imam-imam ra papag ri Arun ra kaapat-apat sapapa' ru altar,

IMAMAT 3:8

Musiti' io mapabanta' ra kalindu' nano ra rasawat ru ulu ru domba no am simbaluyon boo ra saang ru Kim ru Tuhan. Pawason ru imam-imam raraa' no ra kaapat-apat sapapa' ru altar,

IMAMAT 4:15

Tingganai-tingganai ru ulun no musiti' mapabanta' ra kalindu' nilo ra rasawat ru ulu ru sapi' no, am simbaluyon boo ra giu' no.

IMAMAT 4:20

Baal pinamakuan no ra sapi' no nogondo' koson ra pinamakuan no ra sapi' gawayan tayar ru taak simbalui koson mangampun ra tula. Koson ragitio noyo Tingganai Maayo Imam no mapataak ra taak simbalui tayar ru tula ru ngaangai' ulun, am ampunon ilo boo ru Tuhan.

IMAMAT 4:24

Musiti' io mapabanta' ra kalindu' nano ra rasawat ru ulu ru kambing no, am simbaluyon boo ginio ra tampilon ralayo ru altar, giu' ra intok panimbaluyan ra bibiag tayar ru taak simbalui koson mapabansuk ra guang ru Tuhan. Gitio noyo taak simbalui koson mangampun ra tula.

IMAMAT 4:26

Musiti' io monolob ra ngaangai' lomok ru kambing no giu' ra rasawat ru altar, koson ra io monolob ra lomok ru bibiag ondo' simbaluyon tayar ru taak simbalui koson makibarakat ra Tuhan. Koon raginio ralan ru imam mapataak ra taak simbalui koson mangampun ra tula ru sangulun tingganai, am ampunon boo tingganai no ru Tuhan.

IMAMAT 4:29

Musiti' io mapabanta' ra kalindu' nano ra rasawat ru ulu ru kambing no, am simbaluyon boo ginio ra tampilon ralayo ru altar, intok manimbalui ra bibiag tayar ru taak simbalui koson mapabansuk ra guang ru Tuhan.

IMAMAT 4:31

Musiti' io boo mapasuai ra ngaangai' lomok ru kambing no, koson ra io napasuai ra lomok ru bibiag tayar ru taak simbalui koson makibarakat ra Tuhan. Kopongo raginio, musiti' io monolob ra lomok no ra giu' rasawat ru altar. Owou ru taak simbalui no mapabansuk ra guang ru Tuhan. Ginio noyo ralan ru imam mapataak ra taak simbalui koson mangampun ra tula ru ulun no, am ampunon boo ulun no ru Tuhan.

IMAMAT 4:33

Musiti' ulun no mapabanta' ra kalindu' nano ra rasawat ru ulu ru kambing no, am simbaluyon boo ginio giu' ra tampilon ralayo ru altar, intok panimbaluyan ra bibiag tayar ru taak simbalui koson mapabansuk ra guang ru Tuhan.

IMAMAT 4:35

Musiti' io mapasuai boo ra ngaangai' lomok ru domba no, koson ra io napasuai ra lomok ru domba ondo' sinimbalui tayar ru taak simbalui koson makibarakat ra Tuhan. Musiti' io monolob ra lomok no ra rasawat ru altar pabayaan ra taak ra akanon ondo' pataakon ra Tuhan. Ginio noyo ralan ru imam mapataak ra taak simbalui koson mangampun ra tula ru ulun no, am ampunon boo ulun no ru Tuhan.

IMAMAT 4:4

Tingganai Maayo Imam no musiti' magibit ra sapi' gawayan giu' ra kulobon ru Kim ru Tuhan, pabantaan no kalindu' nano rasawat ru ulu ru sapi' no, am simbaluyon ginio ra saang ru Kim.

IMAMAT 5:6

Koson ra ukuman ru tula nano, musiti' ulun no mapataak ra Tuhan ra sanginan domba ruandu' kapoam kambing ruandu'. Musiti' imam mapataak ra taak simbalui no koson mangampun ra tula ru ulun no.

IMAMAT 6:7

Musiti' imam no mapataak ra taak simbalui koson mangampun ra tula ru ulun no, am ampunon boo ulun no ru Tuhan.

IMAMAT 8:14

Kopongo raginio pagibit i Musa ra sanginan sapi' gawayan mamulok ra tayar ru taak simbalui mangampun ra tula, pabantaa' boo ri Arun am anak-anak nano kalindu' nilo ra rasawat ru ulu ru sapi' no.

IMAMAT 8:18

Kopongo raginio pagibit boo i Musa sanginan domba gawayan koson ra tayar ru taak simbalui koson mapabansuk ra guang ru Tuhan, am pabantaa' boo ri Arun am anak-anak nano kalindu' nilo ra rasawat ru ulu ru domba gawayan no.

IMAMAT 8:22

Kopongo raginio pagibit i Musa ra sanginan domba gawayan poyo tayar ru patimpokon ra imam, pabantaa' boo ri Arun am anak-anak nano kalindu' nilo ra rasawat ru ulu ru kambing no.

IMAMAT 9:7

Indagu i Musa ri Arun, “Ongoi no ra altar am papataak ra taak simbalui koson mangampun ra tula am taak simbalui koson mapabansuk ra guang ru Tuhan, maa' raginio ampunon tula muno am tula ru ngaangai' ulun ti ru Tuhan. Baalo' gitio koson ra nanusuban ru Tuhan.”

UNTABAN 15:25

Mapaugar imam ra upacara pamasawan tayar ru ulun. Koson raginio noyo ilo ampunon sabap ra kasalaan raginio binaal ra kalo siningon, am taak simbalui koson mangampun ra tula tayar ru taak akanon pinataak noyo ra Tuhan.

UNTABAN 15:28

Imam musiti' mapaugar ra upacara pamasawan giu' ra altar maa' raginio kapasawon ulun no intor ra tula nano am ampunon io.

UNTABAN 25:13

Sabap ra kalo pinoloso no Israil siminamba ra tuhan ra bokon, am naparatong io niayuk ra pangampunan ra tula ra tayar ru ulun raginio, io am papag nano masauk ra imam ra sabuoi-buoi no.”

UNTABAN 8:10

Ulun ru Israil musiti' mapabanta' ra kalindu' ra rasawat ru ulu ru ulun ru Liwi,

UNTABAN 8:12

Mopongo raginio ulun ru Liwi musiti' mapabanta' ra kalindu' ra rasawat ru ulu ru karuo-ruo sapi' gawayan no; sanginan pataakon tayar ru taak simbalui koson mangampun ra tula am ondo' sanginan poyo tayar ru taak simbalui koson mapabansuk ra guang ru Tuhan. Ralalom ru upacara raginio noyo ulun ru Liwi kinapasau.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 3:25

Ginio ra i Jisus Kristus pinataak ri Aki Kapuuno' ra potoyon maa' raginio ra pinatayan Nano, tula ru ulun ampunon amon ru mangintopot ilo Riso. Binaal ri Aki Kapuuno' ginio koson manulu' ra kinabanis ru guang Nano, sabap ra galing i mataan guang Nano ra tula ru ulun saboi kalo nangukum risilo.

ROMA 5:11

Sala' ka ginio ayuk, kaa' maansukan takau poyo ri Aki Kapuuno' ralalom ri Jisus Kristus Tuhan takau, ondo' raino magibit ritakau mabubukat ri Aki Kapuuno'.

PILIPI 4:18

Am raino suang ru pinataak min raki' i, mauli' poyo toojo intor ra kaukapan kuno. Am ngaangai' no pinasuku' noyo raki' ri Ipaproditus. Ondo' pinataak mino raginio, mogondo' ra taak maamis owou, am koson ayuk ra taak simbalui pataakon ri Aki Kapuuno' ondo' mampakatasu' ra guang Nano.

IBRANI 10:4

Sabap ra sotopot no raraa' ru sapi' gawayan am kambing gawayan kalo noyo makapangiru' ra tula.

1 JUANIS 2:2

I Jisus galama' pabansayan ra tula takau. Sala' ka tula takau ayuk, kaa' tula ru ngaangai' ulun.