IMAMAT 1:3 - Tanou Moonsoi Timugon

³ Amon ru mapataak io ra sanginan intor ra sapi' nano koson taak simbalui koson mapabansuk ra guang ru Tuhan, musiti' io mapataak ra sapi' gawayan ondo' kalo najamaran. Sapi' no musiti' ibiton no ra kulobon ru Kim ru Tuhan maa' raginio maansayan Tuhan ra ulun no.

IMAMAT 1:3 ပူးပေါင်းရင်းမြစ်များ

KASAUKAN 22:13

Pulolowo' boo i Abragam libung no am kakito no sanginan domba gawayan ondo' sangau no nakasangut ra malalaat. Ongoyo' boo alapo' ri Abragam domba no am pataako' ra Tuhan, koson taak simbalui suali ru anak ungkuyon nano.

KASAUKAN 22:2

Indagu i Aki Kapuuno' riso, “Ibito' anak ungkuyon langkuir muno i Isak, ondo' tagamin muno am ongoi ra tana' Moria. Giu' no makagunung ondo' patuluon Kuno rirun, pataako' anak muno koson taak simbalui Raki'.”

KASAUKAN 22:8

Taam i Abragam, “I Aki Kapuuno' galama' momongo ra anak domba no.” Parayus ilo boo ugar.

KASAUKAN 8:20

Nambaal i Nuu ra altar koson ra Tuhan. Pangalap io intor ra moonong salinut ru susuit am bibiag ondo' mapasau am pataako' no boo ngaangai' no koson ra taak simbalui.

2 TUNUNG RU BANSA' ISRAIL 29:32

Nagibit ilo ra 70 ngainan sapi' gawayan, 100 ngainan domba gawayan, am 200 ngainan anak domba koson ra taak simbalui koson mapabansuk ra guang ru Tuhan.

2 TUNUNG RU BANSA' ISRAIL 35:12

Tinayar nilo bibiag-bibiag raginio ra tayar ru taak simbalui koson mapabansuk ra guang ru Tuhan, ra moonong pulalai ru sasambaloi, maa' raginio makapampataak ilo raginio sumugut ra kaulayan ru Ukum ri Musa.

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

MAZMUR 40:8

Ginio sabap ra aku tumaam, “Gitio aku ti; panusuban Muno raki' natulisan ralalom ru kitab ru Ukum.

KAINGKUALAN 12:5

Pampilion kau ra sanginan domba kapoam sanginan kambing, kaa' musiti' gawayan bibiag no ondo' umur no sambilor, am ondo' kolondo' maruol nano.

KAINGKUALAN 24:5

Panusub boo i Musa ra kukula' ngaulun mamulok koson mapataak ra taak simbalui koson mapabansuk ra guang ru Tuhan am niayuk mapataak ra kukula' ngainan sapi' koson ra taak simbalui koson makibarakat ra Tuhan.

KAINGKUALAN 29:18

Solobon ngaangai' domba gawayan no rasawat ru altar koson taak akanon.

KAINGKUALAN 29:4

“Ibito' i Arun am anak-anak nano ra kulobon ru Kim Kuno am paugaro' upacara pambaguan ra inan risilo.

KAINGKUALAN 29:42

Koson ra mantilayun, taak simbalui koson mapabansuk ra guang Kuno musiti' pataakon ra saang Kuno giu' ra kulobon ru Kim Kuno. Giu' no tumuum Aku ra ulun Kuno am mindagu rirun.

KAINGKUALAN 32:6

Ra susuab toojo ru suabon no ibito' nilo kukula' ngainan bibiag koson ra pataakon ra simbaluyon, am kukula' ngainan poyo taak simbalui koson makibarakat ra Tuhan. Turung ilo ra mangakan am manginum, am ingkakat ra rumamai ra jajajou.

KAINGKUALAN 35:21

am moonong ulun ondo' makaguang magibit ra taak ra Tuhan koson mambaal ra Kim ru Tuhan. Pagibit ilo ra ngaangai' kuliamos ondo' gogoton ra sambayang am koson mambaal ra bayang ru imam.

KAINGKUALAN 35:29

Ngaangai' ulun ru Israil ondo' moogot am masaga' mangani' ra atan pana, magibit ra taak nilono ra Tuhan koson ra kandoi ondo' nanusuban Nano ri Musa.

KAINGKUALAN 35:5

Ibito' taak ra Tuhan. Osoi ondo' moogot mangani' ra taak musiti' mapataak ra mas, pirok kapoam gangsa';

KAINGKUALAN 36:3

Anii' ilo ri Musa ra ngaangai' ondo' pinataak ru ulun ru Israil koson kandoi mambaal ra Kim ru Tuhan. Kaa' lakat ayuk poyo marayus bansa' ru Israil magibit ra taak ri Musa ra moonong susuab ti.

KAINGKUALAN 38:1

Pambaal i Bijalil rondo' altar intor ra tataun akasia koson intok monolob ra taak simbalui. Baal ru altar no apat persegi, gawar no 2.2 ngamito, pila' no 2.2 ngamito am sawat no 1.3 ngamito.

JISAYA 1:11

Indagu Tuhan, “Pai' min karaa' ra maansukan Aku ra taak simbalui ondo' rayusin min pataako' Raki'! Nasuraan Aku noyo ra domba ondo' pinataak mino koson ra taak simbalui koson mapabansuk ra guang Kuno,

YEHEZKIEL 20:40

Giu' ra tana' ru Israil, giu' ra tampak ru bulur Kuno ondo' matulai, akau ngaangai', ulun ru Israil sumamba Raki'. Maansayan Aku ramuyun, am mangapu ra taak simbalui, taak ondo' moonsoi kaga', am taak ondo' mapasau intor ramuyun.

YEHEZKIEL 40:39

Giu' ra tampilon ra tingganai no mokoondo' apat mija', ruo tampilon ra pamiris am ruo tampilon ra kait. Giu' ra rasawat ru mija'-mija' no panimbaluyan ru ulun ra bibiag ondo' pataakon koson ra taak simbalui koson mapabansuk ra guang ru Tuhan, kapoam taak simbalui koson mangampun ra tula, kapoam taak simbalui koson mambayar ra kalubatan.

IMAMAT 1:10

Amon ru mapataak ulun no ra sanginan intor ra domba kapoam kambing nano, bibiag no musiti' ungkuyon am kalo najamaran.

IMAMAT 14:10

Paat orou ra kabalu', musiti' io magibit ruo ngainan anak domba gawayan am sanginan anak domba ruandu' umur no sambilor, ondo' ngaangai' no kalo najamaran, am niayuk talu ngakilo tapung ondo' naratok ra umau jaitun am niayuk sampitalu ngalito umau jaitun.

IMAMAT 16:7

Musiti' io magibit boo ra ruo ngainan kambing no giu' ra kulobon ru Kim ru Tuhan.

IMAMAT 17:8

Paat sangulun Israil kapoam sangulun bansa' ru bokon ondo' minayan ra popolos ru ulun ru Israil mapataak ra taak simbalui koson mapabansuk ra guang ru Tuhan, kapoam taak simbalui ra bokon

IMAMAT 17:9

ra Tuhan, musiti' io mapataak raginio giu' ra saang ru kulobon ru Kim ru Tuhan. Amon ru mapataak io raginio giu' ra intok ra bokon, kalo boo karaan io ra ulun ri Aki Kapuuno'.

IMAMAT 23:12

Paat ra orou akau mapataak ra barli no, musiti' kau mapataak niayuk ra sanginan domba gawayan ondo' sambilor umur no am kalo najamaran no, koson ra taak koson mapabansuk ra guang ru Tuhan.

IMAMAT 23:18

Pabayaan ra ruti' no, musiti' ulun ru Israil mapataak ra tulu' ngainan anak domba ondo' makaumur sambilor, sanginan sapi' gawayan, am ruo ngainan kambing gawayan. Ngaangai' bibiag no kalo najamaran. Pataako' noyo ngaangai' no ra Tuhan tayar ru taak simbalui mapabansuk ra guang ru Tuhan, pabayaan ra taak simbalui koson paringkuanangan am taak simbalui wain. Owou ru taak no mapabansuk ra guang ru Tuhan.

IMAMAT 3:1

Paat ra sasangulun mapataak sanginan intor ra sapi' nano koson taak simbalui koson makibarakat ra Tuhan, sapi' no gawayan kapoam ruandu', kaa' kalo najamaran no.

IMAMAT 4:15

Tingganai-tingganai ru ulun no musiti' mapabanta' ra kalindu' nilo ra rasawat ru ulu ru sapi' no, am simbaluyon boo ra giu' no.

IMAMAT 4:23

mapandayan no ayuk tula nano, musiti' io mapataak ra sanginan kambing gawayan ondo' kalo najamaran no.

IMAMAT 4:3

Amon ru makatula Tingganai Maayo Imam, saboi mangkinibit ra ngaangai' ulun ru Israil makasala, musiti' io mapataak ra Tuhan ra sanginan sapi' gawayan mamulok ondo' kalo najamaran no, maa' raginio ampunon tula nano.

IMAMAT 4:32

Amon ru mapataak sasangulun no ra sanginan domba koson mangampun ra tula nano, musiti' domba no ruandu' am kalo najamaran no.

IMAMAT 5:15

Amon ru kalo singonon ru sasangulun mambaal ra tula sabap ra kalo nakasugut manaak ra tayar ra taak ondo' inaru' ra tayar ru Tuhan, musiti' ulun no magibit ra taak simbalui koson mambayar ra kalubatan ra Tuhan. Taak simbalui no musiti' sanginan domba gawayan kapoam sanginan kambing gawayan ondo' kalo najamaran. Logo no musiti' maya' ayuk ra logo ondo' inaru' giu' ra Kim ru Tuhan.

IMAMAT 5:18

Koson ra taak simbalui koson mambayar ra kalubatan, musiti' io magibit ra imam ra sanginan domba gawayan kapoam sanginan kambing gawayan ondo' kalo najamaran. Logo no musiti' maya' ayuk ra logo ondo' inaru' noyo giu' ra Kim ru Tuhan. Musiti' imam no mapataak ra taak simbalui koson mangampun ra tula ru ulun no ondo' kalo singonon nano, am ampunon boo ulun no ru Tuhan.

IMAMAT 6:2

Amon ru makatula sasangulun ra Tuhan sabap ra marara' mapasaguli' ra kuliamos ondo' pinabulian riso ru ulun gino ngai' ru Israil, kapoam sabap ra namparuung ra ulun, kapoam nantakou ra kuliamos ru ulun no, kapoam sabap ra nagibot ra kalo nakatuum ra kuliamos ondo' natatak, musiti' ulun no mapataak ra taak simbalui ra Tuhan.

IMAMAT 6:8

Panusub Tuhan ri Musa

IMAMAT 7:16

Paat ra sasangulun mapataak ra taak simbalui koson makibarakat ra Tuhan, ra kuayan manugut ra nazar nano kapoam koson ra taak ondo' pataakon no ayuk toojo, kalo pana akanon ngaangai' taak simbalui raginio paat ra orou papataakan ra taak simbalui no. Suwo no maakan ra suabon no.

IMAMAT 8:18

Kopongo raginio pagibit boo i Musa sanginan domba gawayan koson ra tayar ru taak simbalui koson mapabansuk ra guang ru Tuhan, am pabantaa' boo ri Arun am anak-anak nano kalindu' nilo ra rasawat ru ulu ru domba gawayan no.

IMAMAT 9:2

Indagu i Musa ri Arun, “Alapo' sanginan sapi' gawayan ondo' mamulok am sanginan domba gawayan, am karuo-ruo no kalo najamaran no, pataako' boo karuo-ruo no koson taak simbalui ra Tuhan. Sapi' gawayan no tayar ru taak simbalui koson mangampun ra tula, am domba gawayan no tayar ru taak simbalui koson mapabansuk ra guang ru Tuhan.

JAKARIA 13:7

Mindagu Tuhan Ondo' Maayo Kaga' Kuasa', “Tirong no, okou ilang, am bulunsaro' magagalung ondo' mangandoi Raki'! Potoyo' io maa' raginio domba sampanon nano mantutuliar. Bulunsaron Ku ulun Kuno,

MALIAKI 1:14

Kaulas noyo ulun mamparuung ondo' nampataak ra bibiag ondo' kolondo' onong Raki', kaa' mokoondo' io ra bibiag ondo' moonsoi ra ngaangai' ru bibiag tinambiag nano ondo' binantu' nano Raki'; Aku noyo Raja' ondo' maayo, Tuhan Ondo' Maayo Kaga' Kuasa', am ngaangai' bansa' mangurumat Raki'.”

UNTABAN 15:3

Tayar ru taak simbalui koson mapabansuk ra guang ru Tuhan, kapoam taak simbalui koson manugut ra nazar, kapoam taak simbalui toojo ayuk, kapoam taak simbalui paat ra pangiantakan ra kaindalaman, makapanaak kau ra bibiag ragitio ra Tuhan: Sanginan sapi' gawayan, sanginan domba gawayan, sanginan domba kapoam sanginan kambing. Owou ru taak akanon no mapabansuk ra guang ru Tuhan.

UNTABAN 15:8

Paat ra sanginan sapi' gawayan pataakon ra Tuhan tayar ru taak simbalui koson mapabansuk ra guang ru Tuhan, kapoam tayar ru taak simbalui koson manugut ra nazar, kapoam tayar ru taak simbalui koson makibarakat ra Tuhan,

UNTABAN 19:2

manaak ra aturan ragitio ra ulun ru Israil. Sanginan sapi' ruandu' ra malia' ondo' kalo najamaran am kalo igondo' pinakai ra mangandoi musiti' pataakon ri Musa am i Arun.

UNTABAN 23:19

I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

UNTABAN 23:27

Indagu Raja' Balak, “Ibok no, ongoi takau intok ra bokon. Maaru' lair giu' no, mangiou i Aki Kapuuno' rirun magulas ra ulun ru Israil ra tayar kuno.”

UNTABAN 23:3

Indagu boo i Biliam ra Raja' Balak, “Bigor ra sapapa' ru taak ondo' pataakon muno. Liliwa' raginio mongoi aku pagilong ru matong Tuhan no tumuum raki' kapoam kalo. Mambala' aku rirun ra ngaangai' no ondo' paraguon ru Tuhan raki'.” Ugar i Biliam sangulun giu' ra tampak ru rondo' bulur,

UNTABAN 23:30

Sinugut ru Raja' Balak kinitaak ri Biliam, am napataak ra sanginan sapi' gawayan am sanginan domba gawayan giu' ra rasawat ru moonong altar.

UNTABAN 28:11

Papataak noyo ra taak simbalui koson mapabansuk ra guang ru Tuhan paat ra orou kasaa' ra moonong sila', ondo' ginio ruo ngainan sapi' gawayan mamulok, sanginan domba gawayan, tulu' ngainan anak domba gawayan ondo' umur no sambilor am kalo najamaran.

UNTABAN 28:19

Papataak noyo ra taak simbalui koson mapabansuk ra guang ru Tuhan, tayar ru taak akanon Riso: ruo ngainan sapi' gawayan mamulok, sanginan domba gawayan am tulu' ngainan anak domba gawayan ondo' umur no sambilor. Ngaangai' no kalo najamaran.

UNTABAN 28:31

Ngaangai' ru taak no pabayaan ra taak simbalui wain iono paruangon ra taak simbalui koson mapabansuk ra guang ru Tuhan am taak simbalui koson paringkuanangan, ondo' pataakon ra moonong orou.

UNTABAN 29:13

Paat ra orou ra kasaa' no, pataako' noyo taak simbalui koson mapabansuk ra guang ru Tuhan. Taak simbalui raginio iono mopor am talu ngainan sapi' gawayan, ruo ngainan domba gawayan am mopor am apat ngainan anak domba gawayan ondo' umur no sambilor. Ngaangai' no kalo najamaran. Owou ru taak akanon no mapabansuk ra guang ru Tuhan.

UNTABAN 29:2

Papataak ra taak simbalui koson mapabansuk ra guang ru Tuhan. Taak simbalui no iono sanginan sapi' gawayan mamulok, sanginan domba gawayan am tulu' ngainan domba gawayan ondo' umur no sambilor. Ngaangai' no kalo najamaran. Owou ru lisun ru taak simbalui no mapabansuk ra guang ru Tuhan.

LUKAS 1:35

Taam malaikat no, “Matong Ambiluo ri Aki Kapuuno' rirun am kuasa' ri Aki Kapuuno' sumoroi rirun. Ginio sabap ra anak ondo' anakon muno sabiton Anak ri Aki Kapuuno' ondo' matulai.

JUANIS 1:36

Kakito no ra i Jisus nansail, indagu io, “Ilai', ginio noyo Anak Domba ri Aki Kapuuno'!”

JUANIS 10:7

Ginio ra indagu poyo i Jisus, “Balain takamin toojo: Aku noyo kulobon ru domba.

JUANIS 10:9

Aku noyo kulobon. Osoi ayuk mangintopot Raki', bayagon io; mingkual am sumubol am poyo makaakanon io.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.

2 KORINTUS 9:7

Pangani' kano sumugut ra ondo' inaru' mino. Pai' min paginduoon guang min mangani', kapoam koson ra jajalin kau, sabap ri Aki Kapuuno' motogom ra ulun ondo' mangani' intor ra guang maansayan.

IPISUS 2:18

Sabap ra binaal ri Kristus am ru Ambiluo ri Aki Kapuuno' ulun ru Jaudi am sala' ka Jaudi niayuk makasamba ri Ama'.

IPISUS 5:27

Koson raginio noyo, ralalom pagilangan ri Kristus, ilo moonsoi, mapasau am niayuk matanda', am kolondo' boo malaat risilo.

SAGULION 12:27

Giu' no pataako' noyo taak simbalui koson mapabansuk ra guang ru Tuhan, giu' rasawat ru altar ru Tuhan. Pataako' niayuk taak simbalui ondo' kual no akanon min, am pasasaro' raraa' nano ra rasawat ru altar.

SAGULION 15:21

Amon ru bibiag no najamaran koson kimpo', bolou, kapoam najamaran ra bokon ondo' mapaja', pai' pataako' bibiag no koson ra taak simbalui ra Tuhan i Aki Kapuuno' min.

SAGULION 17:1

“Pai' papataak ra sapi' kapoam domba ondo' najamaran ra Tuhan i Aki Kapuuno' min; masisang Tuhan ra baal raginio.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.