IMAMAT 1:17 - Tanou Moonsoi Timugon

¹⁷ Susuit no musiti' binsangon ra puun ru kawo, kaa' kalo pandakon kawo no. Musiti' boo solobon susuit no ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 1:17 ပူးပေါင်းရင်းမြစ်များ

KASAUKAN 15:10

Ibito' boo ri Abram ngaangai' bibiag no ri Aki Kapuuno', moonong bibiag no tinata' no piruoo'. Pinantaluma' ri Abram banta' ra tinata' no ra ruo ngatinting, kaa' ruo ngainan ra susuit i binainan no.

KASAUKAN 8:21

Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

MAZMUR 16:10

sabap ra kalo polosoon Mu aku matoi; ulun ondo' tagamin Muno kalo polosoon Mu mapuso.

IMAMAT 1:13

Musiti' ulun no mambagu' ra kalabuat am paa ru bibiag no. Musiti' imam-imam boo mapataak ra ngaangai' taak simbalui no ra Tuhan, am niayuk ngaangai' no solobon ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 2:2

Ulun no musiti' magibit ra taak nano ra imam-imam papag ri Arun. Imam ondo' mapataak ra taak simbalui no musiti' mangalap ra sogonggom tapung am niayuk umau no am ngaangai' kaminyan no, am solobon ngaangai' no ra rasawat ru altar koson tatandu' ra kasalingai' no pinataak noyo ra Tuhan. Owou ru taak ra akanon no mapabansuk ra guang ru Tuhan.

IMAMAT 3:5

Imam-imam musiti' monolob ra ngaangai' no pabayaan ra taak simbalui ra bokon no ra rasawat ru altar. Owou ru taak ra akanon no mapabansuk ra guang ru Tuhan.

IMAMAT 5:8

Musiti' io mapataak ra susuit-susuit no ra imam. Musiti' imam no mapataak galing ra susuit ondo' inaru' tayar ra taak simbalui koson mangampun ra tula. Musiti' imam no mamilos ra liog ru susuit no, kaa' pai' masaboi mauntas ulu ru susuit no.

IMAMAT 6:14

Gitio noyo aturan intor ra taak simbalui koson paringkuanangan ra Tuhan. Musiti' sangulun imam papag ri Arun no mapataak ra taak simbalui no giu' ra saang ru altar.

IMAMAT 9:13

Pataako' ru anak-anak ri Arun no riso ulu am tayar ra bokon ru bibiag no, am solobo' ri Arun ginio giu' ra rasawat ru altar.

UNTABAN 15:3

Tayar ru taak simbalui koson mapabansuk ra guang ru Tuhan, kapoam taak simbalui koson manugut ra nazar, kapoam taak simbalui toojo ayuk, kapoam taak simbalui paat ra pangiantakan ra kaindalaman, makapanaak kau ra bibiag ragitio ra Tuhan: Sanginan sapi' gawayan, sanginan domba gawayan, sanginan domba kapoam sanginan kambing. Owou ru taak akanon no mapabansuk ra guang ru Tuhan.

UNTABAN 28:8

Anak domba tayar ru taak simbalui tampilon ra mai' ti, pabayaan ra taak simbalui wain musiti' pataakon ra ralan nogondo' koson ra taak simbalui tampilon ra susuab ti. Taak simbalui ti iono taak akanon ondo' owou no mapabansuk ra guang ru Tuhan.

MATIUS 27:50

Igondo' poyo i Jisus giminolok, am kaampus boo painawo Nano.

JUANIS 19:30

Kainum ri Jisus wain i, indagu Io, “Nopongo noyo!” Kuku' Io boo am kairui' Io ra painawo.

ROMA 4:25

Ginio ra i Jisus no pinataak ra potoyon sabap ra tula takau, am binayag Io saguli' koson itakau mobonsoi saguli' ri Aki Kapuuno'.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.