IMAMAT 1:10 - Tanou Moonsoi Timugon

¹⁰ Amon ru mapataak ulun no ra sanginan intor ra domba kapoam kambing nano, bibiag no musiti' ungkuyon am kalo najamaran.

IMAMAT 1:10 ပူးပေါင်းရင်းမြစ်များ

KASAUKAN 4:4

I Abil pana nangalap boo ra sanginan anak domba ondo' anak kasaa' intor ra domba nano am simbaluyo' no, am io pana nampataak ra tayar ondo' moonsoi kaga' ra Tuhan. Naansayan Tuhan ri Abil am taak nano,

KASAUKAN 8:20

Nambaal i Nuu ra altar koson ra Tuhan. Pangalap io intor ra moonong salinut ru susuit am bibiag ondo' mapasau am pataako' no boo ngaangai' no koson ra taak simbalui.

KAINGKUALAN 12:5

Pampilion kau ra sanginan domba kapoam sanginan kambing, kaa' musiti' gawayan bibiag no ondo' umur no sambilor, am ondo' kolondo' maruol nano.

YEHEZKIEL 43:22

Susuab no, musiti' kou mangalap sanginan kambing gawayan ondo' kalo najamaran, am pataakon ginio koson ra taak simbalui koson mangampun ra tula. Kapasawo' altar no ra raraa' ru kambing gawayan no koson ra ondo' binaal muno ra raraa' ru anak sapi' gawayan no.

IMAMAT 14:10

Paat orou ra kabalu', musiti' io magibit ruo ngainan anak domba gawayan am sanginan anak domba ruandu' umur no sambilor, ondo' ngaangai' no kalo najamaran, am niayuk talu ngakilo tapung ondo' naratok ra umau jaitun am niayuk sampitalu ngalito umau jaitun.

IMAMAT 16:3

Makaumpos io ra ralalom ru Lamin Matulai Kaga' ra io mopongo ayuk magibit ra sanginan sapi' gawayan mamulok tayar ru taak simbalui koson mangampun ra tula am sanginan domba gawayan tayar ru taak simbalui koson mapabansuk ra guang ru Tuhan.”

IMAMAT 16:5

Musiti' ulun ru Israil manaak ri Arun ra ruo ngainan kambing gawayan tayar ru taak simbalui koson mangampun ra tula, am sanginan domba gawayan tayar ru taak simbalui koson mapabansuk ra guang ru Tuhan.

IMAMAT 22:19

Musiti' bibiag no ungkuyon ondo' kalo najamaran, maa' raginio apuon.

IMAMAT 23:12

Paat ra orou akau mapataak ra barli no, musiti' kau mapataak niayuk ra sanginan domba gawayan ondo' sambilor umur no am kalo najamaran no, koson ra taak koson mapabansuk ra guang ru Tuhan.

IMAMAT 3:1

Paat ra sasangulun mapataak sanginan intor ra sapi' nano koson taak simbalui koson makibarakat ra Tuhan, sapi' no gawayan kapoam ruandu', kaa' kalo najamaran no.

IMAMAT 4:23

mapandayan no ayuk tula nano, musiti' io mapataak ra sanginan kambing gawayan ondo' kalo najamaran no.

IMAMAT 4:3

Amon ru makatula Tingganai Maayo Imam, saboi mangkinibit ra ngaangai' ulun ru Israil makasala, musiti' io mapataak ra Tuhan ra sanginan sapi' gawayan mamulok ondo' kalo najamaran no, maa' raginio ampunon tula nano.

IMAMAT 5:15

Amon ru kalo singonon ru sasangulun mambaal ra tula sabap ra kalo nakasugut manaak ra tayar ra taak ondo' inaru' ra tayar ru Tuhan, musiti' ulun no magibit ra taak simbalui koson mambayar ra kalubatan ra Tuhan. Taak simbalui no musiti' sanginan domba gawayan kapoam sanginan kambing gawayan ondo' kalo najamaran. Logo no musiti' maya' ayuk ra logo ondo' inaru' giu' ra Kim ru Tuhan.

IMAMAT 9:2

Indagu i Musa ri Arun, “Alapo' sanginan sapi' gawayan ondo' mamulok am sanginan domba gawayan, am karuo-ruo no kalo najamaran no, pataako' boo karuo-ruo no koson taak simbalui ra Tuhan. Sapi' gawayan no tayar ru taak simbalui koson mangampun ra tula, am domba gawayan no tayar ru taak simbalui koson mapabansuk ra guang ru Tuhan.

MALIAKI 1:14

Kaulas noyo ulun mamparuung ondo' nampataak ra bibiag ondo' kolondo' onong Raki', kaa' mokoondo' io ra bibiag ondo' moonsoi ra ngaangai' ru bibiag tinambiag nano ondo' binantu' nano Raki'; Aku noyo Raja' ondo' maayo, Tuhan Ondo' Maayo Kaga' Kuasa', am ngaangai' bansa' mangurumat Raki'.”

UNTABAN 19:2

manaak ra aturan ragitio ra ulun ru Israil. Sanginan sapi' ruandu' ra malia' ondo' kalo najamaran am kalo igondo' pinakai ra mangandoi musiti' pataakon ri Musa am i Arun.

UNTABAN 6:14

am mapataak ra talu ngainan bibiag ondo' kalo najamaran no ra Tuhan: Sanginan anak domba gawayan ondo' umur no sambilor tayar ra taak simbalui koson mapabansuk ra guang ru Tuhan, sanginan anak domba ruandu' umur no sambilor tayar ru taak simbalui koson mangampun ra tula, am sanginan anak domba gawayan koson taak simbalui koson makibarakat ra Tuhan.

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

1 PITRUS 1:19

kaa' ondo' mologo toojo no, ioginio raraa' ri Kristus. Io sinauk ra rondo' taak, mogondo' ra anak domba simbaluyon ondo' kolondo' noyo kalaatan kapoam sala.