IJRA 9:8 - Tanou Moonsoi Timugon

⁸ Kaa' raino, koson ra sangkinolor, Okou iou Tuhan, i Aki Kapuuno' mai, bagu ayuk pakaasi' ramon am nampalabus ra kukula' ngaulun ra gino ngai' mai intor ra pangulipanan, am niayuk nangani' ramon ra kaayagan ondo' mamimio giti ra intok pinaluntuk ti. Nangani' Kou ramon ra kaayagan ondo' bagu.

IJRA 9:8 ပူးပေါင်းရင်းမြစ်များ

2 RAJA'-RAJA' 19:4

Nanusub raja' ru Asyur ra pagawai masawat kaga' nano koson magasab ri Aki Kapuuno' ondo' maayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' mindagu raginio. Ginio ra pakiasi' no ri Aki Kapuuno' koson ra mamagun takau ondo' lakat poyo maayag.”

IJRA 9:9

Kalo nangiruan Kou ramon paat ra akai lakat poyo ra pangulipanan. Binaal Mu raja' ru Pirsia naansayan am nangiou ramon maayag am niayuk nambaal saguli' ra Baloi Muno ondo' nalunsai no. Nangani' Kou ramon ra sindungan giu' ra Jiuda am giu' ra Jirusalim.

NIGIMIA 1:11

Ginio ra, rongogo' noyo pakiasian kutu am pakiasian ru ulipon-ulipon Muno ra bokon, ondo' moogot mangurumat Rirun. Anii' ra kaindanganan Muno maa' raginio paat ra orou raiti' ulipon Muno makasugut makaalap ra pakimasian intor ra raja'.” Paat raginio, aku ti mampasulung ra inumon ru raja'.

NIGIMIA 9:31

Kaa', sabap ra Okou maayo kaga' guang makaasi', kalo nangiruan Kou kapoam namuso risilo. Okou i Aki Kapuuno' ondo' motogom am makaasi'!

AYUP 33:30

maa' raginio makapamayag Io ra ulun, am mangani' ra kaansukan ralalom ru kaayagan nilo.

MAZMUR 13:3

Kula' buoi ra aku musiti' mansaan ra kapaganan am mangiluk guang ra orou rondom? Kula' buoi ru pantula' kuno manguasa' raki'?

MAZMUR 13:4

Ilai' aku no, iou Tuhan, i Aki Kapuuno' kuno am taamo' noyo pakiasian kuno. Kaligago' inan kuno; pai' polosoo' ra aku matoi.

MAZMUR 138:7

Bulintok ra aku natiu' ra kapaganan, alungin Mu aku; anggalon Mu pantula' kuno ondo' malaat, am bayagon Mu aku ra kuasa' Muno.

MAZMUR 34:5

Makiasi' aku ra Tuhan am iniou No pakiasian kuno, pinalabus No aku intor ra nansalinut kalaanan.

MAZMUR 85:6

Sabuoi-buoi kia Okou sumangit ramon? Kalo kia mapandai malulu' sangit Muno?

AMSAL 29:13

Ulun musikin am ulun ondo' mangimpai riso no nogondo' ayuk: Tuhan nanaak ra mato risilo karuo-ruo.

MAMPATANOU 12:11

Rinagu ru ulun mapintar koson ra jujuga' malarom ondo' pinakai ru magagalung koson mantamung ra domba, am santimungan ra amsal maikang koson ra paku' ondo' pinatansok ra malandom kaga'. Ngaangai' no tinaakan ri Aki Kapuuno', rorondo' ayuk Magagalung ritakau.

JISAYA 1:9

Amon ru Tuhan Ondo' Maayo Kaga' Kuasa' kalo nangiou ra kukula' ulun maayag, Jirusalim no mapuso noyo koson ra Sodom am Gomora ra galing i.

JISAYA 14:3

Langgain ru Tuhan karualan am kaimbalaan ru ulun ru Israil. Palabuson No ilo intor ra kandoi maagat ondo' pinajajal risilo.

JISAYA 56:5

inggalan muno pana karaan ra ralalom ru Baloi Kuno am ginio ngai' ru bansa' Kuno. Ginio moonsoi poyo ka makaanak ra ungkuyon am ruandu'. Inggalanin Takamin ra mantilayun ondo' kalo lilianin.”

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 6:13

Poyo amon ru mokoondo' sangungulun intor ra mopor natatang ra pagun no, io pana pusoon. Masauk io koson ra tuor ru puun oak ondo' tinagar. Tuor no tatandu' ra talimpuunan bagu ru ulun ri Aki Kapuuno'.”

JIRIMIA 42:2

Indagu ilo raki', “Pangindangan no ra iowo' kitaakon mai. Pakiasi' no ra Tuhan, i Aki Kapuuno' takau ra bala mai. Pakiasi' no ra bala mai ngaangai' ondo' naayag. Ragili masuang akai, kaa' raino ilai' noyo, kalo boo masuang akai.

JIRIMIA 44:14

Kolondo' sangulun pana intor ra ulun ru Jiuda ondo' minayan giu' ra Misir makapagiru' kapoam maayag. Kolondo' sangulun pana makauli' ra Jiuda, intok namagunan ondo' moondom ilo koson ra intok ayanan. Kolondo' makauli' ondo' ayuk am kukula' ngaulun nakapagiru'.”

YEHEZKIEL 14:22

Amon ru mokoondo' osoi ayuk ondo' makalabus intor ra ukuman no am niayuk makasugut mamayag ra anak-anak nano, ilai' noyo ilo paat ra ilo matong rirun. Ilai' mapara' boo laat nilono am pangintopot no ra ukuman Kuno ra Jirusalim matimpok.

GOSIA 6:2

Mopongo ruo kapoam talu ngoorou babason No itakau am maayag takau giu' ra saang Nano.

ABAKUK 3:2

Iou Tuhan, nokorongog aku no ra intor ra binaal Muno, guang kuno natikop ra imuag. Gama' ru baalon Mu poyo binaal Muno ondo' makaimuag ra paat maiti. Pakaasi' no ramon kabalu' pana sumangit Kou.

JIPANYA 3:12

Ulun ondo' asabin am ondo' minggana' guang polosoon Ku mayan ra giu' no. Matong ilo makiindangan Raki'.

JAKARIA 10:4

Mampili' Aku ra ulun manguasa', tingganai am panglima intor ra ilo po ngai' koson mamarinta ra ulun Kuno.

JAKARIA 8:12

Mampatias ilo ra sampug ra kaansayan. Puun ru anggur nilo mangkawa', tana' mangani' ra ampos, am rasam rumatu'. Mangani' Aku ra ngaangai' ru barakat ti ra ulun intor ra bansa' ti ondo' lakat poyo naayag.

JAKARIA 8:6

Baal raginio kalo makaimuag ra ulun ondo' lakat poyo naayag intor ra bansa' ragitio, kaa' kalo makaimuag Raki'.

ROMA 9:27

Kon poyo ru nabi Jisaya intor ra ulun ru Israil, “Kabalu' pana suang ru ulun ru Israil no koson ra agis ru raat, kaa' sanganu ayuk bayagon,

PINAINTALANG 3:12

Osoi ayuk mangala ra kuasa' ru kalaatan, baalon Ku io ra lugu' ralalom Baloi ri Aki Kapuuno' Kuno, am mantilayun io ra giu'. Patulison Ku riso inggalan ri Aki Kapuuno' am inggalan ru bandar ri Aki Kapuuno', ioginio bandar Jirusalim bagu ondo' tumuun intor ra suruga', intor ri Aki Kapuuno' Kuno. Am inggalan ra nakabagu Kuno niayuk patulison Ku riso.

1 SAMUIL 14:27

Kaa' kalo nakapandai i Jonatan ra ama' nano nopololob noyo ra mamagun ra ulas raginio; ingkualo' no boo jujuga' ondo' inibit nano, am patujoko' ra ralalom ru tambaloi ru maningot no, am niayuk nangalap ra ruu' maingot no am inakan no. Pulali' no nakaliman ra moonsoi am gumaai maikang.

1 SAMUIL 14:29

Taam i Jonatan, “Mapara' boo najanjayan binaal ru ama' kuno ra bansa' takati! Ilai' noyo, baal ku raino ti moonsoi poyo nalupus ra aku nangakan ra sanganu ruu' maningot.