IJRA 9:6 - Tanou Moonsoi Timugon

⁶ Indagu aku, “Iou i Aki Kapuuno' kuno, mauyu' aku kaga' tumungar ra saang Muno. Tula mai nansusunu' giu' ra rasawat ru ulu saboi ra limbowon.

IJRA 9:6 ပူးပေါင်းရင်းမြစ်များ

KASAUKAN 13:13

Giu' ra bandar Sodom no inayanan ru ulun ondo' mangalaat kaga' am makatula ra Tuhan.

1 RAJA'-RAJA' 8:47

rongogo' noyo ulun Muno. Amon ru tumalikur ilo intor ra tula am makiasi' Rirun ra pagun no, am niayuk mangiou ra makatula ilo am mambaal ra malaat, rongogo' noyo pakiasian nilo, iou Tuhan.

2 TUNUNG RU BANSA' ISRAIL 28:9

Sangulun nabi ru Tuhan ininggalanan ri Odid minayan giu' ra bandar Samaria. Nakauma' io ra saujor ru Israil ondo' siminaguli' nagibit ra ulun rinakop intor ra Jiuda. Paat ra saujor-saujor sumubol ra bandar, kon ri Odid risilo, “Tuhan, i Aki Kapuuno' ru kinamatuaan min, siminangit ra mamagun ru Jiuda. Ginio boo ra nompoloso io ramuyun nangala risilo. Kaa' nokorongog Io noyo ra mapara' laat min namatoi risilo.

IJRA 9:13

Raino nangukum Kou ramon sabap ra ngaangai' tula am inanggalan mai ra ukum Muno. Kaa' nakapandai akai iou Aki Kapuuno' mai, ra ukuman Muno mamaan poyo kaga' intor ra ondo' binaal mai; am Okou pana namayag ramon.

IJRA 9:15

Iou Tuhan, i Aki Kapuuno' ru Israil, matimpok Kou kaga'. Kabalu' pana koon raginio, nangiou Kou ramon maayag. Mangiou akai ra tula mai. Kalo maaya' akai matong ra saang Muno.”

NIGIMIA 1:6

Ilai' aku, iou Tuhan, am rongogo' pakiasian kutu, tatanga' aku makiasi' orou am rondom koson ra bala ru ulipon-ulipon muno, ulun ru Israil. Mangiou aku ra akai ti, ulun ru Israil, makatula noyo. Kinamatuaan kuli am aku makatula noyo.

AYUP 40:4

“Minindagu aku koson ra ulun sasambungon, iou Tuhan. Taam ra atan kia ondo' pataakon kuno? Kolondo' boo ondo' masaga' kuno paraguon.

AYUP 42:6

Ginio ra mauyu' aku sabap ra ngaangai' ragu kuno, am ra guang pansagulian manturung aku ra ralalom ru tana' am kaau.”

MAZMUR 38:4

Sabap ra sangit Muno narualan malanjag aku; sabap ra tula kuno ngaangai' ru inan kuno mangaruol.

MAZMUR 38:5

Nolosor aku ra liur ru tula kuno; tula kuno maagat kaga' raki'.

KAINGKUALAN 32:31

Saguli' i Musa uma' ra Tuhan am indagu, “Nambaal ulun raginilo ra tula maayo. Nambaal ilo ra tuhan intor ra mas am sinamba nilo.

JISAYA 1:18

Indagu Tuhan, “Ibok noyo salasayo' takau baal ragitio. Kabalu' pana mapaang kinalia' min sabap ru tula mino, baguin Takamin saboi akau masauk mapulak koson ra gapas. Kabalu' pana maagat am masuang tula min, akau totopot ampunon Ku.

JISAYA 59:12

Masuang kaga' kalaatan mai Rirun; tula-tula mai manguu' ramon. Topot-topot mai malimanan kalaatan mai, am makapandai ra tula-tula mai.

JIRIMIA 3:3

Ginio sabap ra rasam kalo rumatu', am rasam paat ra mambusak kalo matong. Nansalu kou ra ulun mantalan ra inan; mailo kou ra mauyu'.

JIRIMIA 31:19

Timinalikur akai intor Rirun, kaa' pansagulian akai ra binaal raginio. Kopongo ra Okou nangukum ramon, parikuku' ulu mai sabap ra mangiluk guang. Nauyu' akai am inasaban sabap ra makatula akai paat ra kinamuloko'.’

JIRIMIA 51:9

Ulun bansa' ra bokon ondo' minayan ra giu' no minindagu, ‘Nangkinam akai nangindangan ra Babilonia, kaa' nakatawos. Iruani' Babilonia am ibok no muli'. Nangukum noyo i Aki Kapuuno' ra Babilonia ra maagat am mamuso riso ra lingonon.’ ”

JIRIMIA 6:15

Mauyu' ilo kia sabap ra nambaal ra makauyuyu' ti? Kalo, totopot noyo kolondo' kauyuan nilo; nanangkapal bulos nilo. Ginio sabap ra maratu' ilo koson ra ulun bokon; bayag nilo pupusin paat ra Aku mangukum risilo. Aku, Tuhan nakaindagu noyo.”

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

SULABOI 3:42

“Iou Tuhan, makatula akai noyo am giminuor Rirun, am kalo poyo nangampun Kou ramon.

YEHEZKIEL 16:63

Ampunon Ku ngaangai' kasalaan muno, kaa' karaan mu boo ginio am totopot mauyu' saboi kalo baani kou mangukab ra kabang.” Tuhan Raja' nakaindagu noyo.

IMAMAT 26:40

“Kaa' papag mino mangiou ra tula nilono am tula ru kinamatuaan nilono ondo' minanggal Raki' am giminuor Raki',

LUKAS 15:21

Indagu anak i, ‘Ama', makatula aku ri Aki Kapuuno' am niayuk rirun. Kalo boo sama' sabiton aku ra anak muno.’

LUKAS 18:13

Kaa' mampalulur ra cukai no giu' ayuk ra tinaulian am kalo makakau' mantingaa' ra suruga'. Luntugo' no kubab sabap ra mangiluk guang nali liliwa' minindagu, ‘Aki Kapuuno', pakaasi' no raki' ulun makatula ti!’ ”

ROMA 6:21

Ragili kolondo' onong no ra akau nampaugar ra baal-baal ondo' raino mampakauyu' ramuyun. Baal-baal raginio mangkinibit ra kapatayan.

PINAINTALANG 18:5

Sabap ra tula nilo natuntur noyo suku' ra limbowon, am kalaatan nilo makara' ri Aki Kapuuno'.