IJRA 9:3 - Tanou Moonsoi Timugon

³ Pokorongog aku ra baal raginio, rinilak ku bayang sabap ra mangiluk toojo guang. Kinaur ku abuk am jangut, am panturung ra guang natutuk.

IJRA 9:3 ပူးပေါင်းရင်းမြစ်များ

NIGIMIA 1:4

Pokorongog aku ra ngaangai' no, panturung aku am pantangi'. Kukula' ngoorou buoi ra aku nanulaboi am kalo nangakan ra atan pana. Pakiasi' aku ri Aki Kapuuno',

JOSUA 7:6

Rinilak ri Josua am tingganai-tingganai ru Israil bayang sabap ra mangiluk guang, am kubu ra saang ru Kaban Nabantuan ru Tuhan saboi palunggai'. Pinatauk nilo niayuk kaau ra rasawat ru ulu koson mapakito ra kangilukan nilo.

MIKA 1:16

Mamagun ru Jiuda kau ngai', lomporo' noyo abuk mino koson tatandu' mangulir ra lalaing-lalaing katagaman mino. Lingono' min buluti' abuk, sabap ra ngaangai' anak min patirin intor ra pagun.

DANIL 8:27

Malawo aku am narualan buoi kukula' ngoorou. Kopongo raginio sukal aku am saguli' nambaal ra kandoi ondo' pinataak ru raja'. Magalabo aku mangkara' ra pinaintalang no am kalo makarati' raginio.

DANIL 4:19

I Danil, ondo' niayuk ininggalanan ri Biltsajar, nakatigog kaga' koson sangkinolor saboi kalo nakaindagu. Kaa' indagu raja', “Okou Biltsajar, pai' pagalabo sabap ra inupi no am arati' no.” Taam i Biltsajar, “Okou raja' kuno, sotopot no malansan aku ra inupi no am niayuk arati' no intor ra pantula' muno, am sala' ka intor rirun.

YEHEZKIEL 7:18

Mambayang ilo ra konoon karung am ngaangai' inan nilo monontol. Abuk nilo lamparin, am ilo ngaangai' tauyuon.

YEHEZKIEL 3:15

Pakasaboi aku boo giu' ra Til-Abib giu' ra kiing ru Sungoi Kibar, intok inayanan ru ulun pinatiran. Buoi tulu' ngoorou aku minayan ra giu' no, am nakasioro' sabap ra ngaangai' ondo' nakito ku noyo am norongog ku noyo.

JIRIMIA 36:24

Kaa' raja' kapoam pagawai-pagawai ondo' nokorongog ra ngaangai' no kalo malaa' kapoam nampakito ra pansagulian guang.

JIRIMIA 7:29

Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

JISAYA 15:2

Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

MAZMUR 143:4

Intor raginio guang kuno malawo, kolondo' lulu' kuno.

MAZMUR 66:3

Indagu kano ri Aki Kapuuno', “Ngaangai' binaal Muno makaimuag toojo! Maayo kaga' kuasa' Muno saboi pantula' kumuku' malaa' ra saang Muno.

AYUP 1:20

I Ayup pana minigor boo am rilako' no bayang nano sabap ra mangiluk guang. Linompor no abuk nano am igulatur.

NIGIMIA 13:25

Nansawai aku ra bala ru ungkuyon no am nagulas risilo. Linamba' ku ilo am namubul ra abuk nilo. Aku pana nanusub boo risilo nagibot ralalom inggalan ri Aki Kapuuno' ra totopot ilo kapoam anak-anak nilo kalo boo magandu' ra ulun bansa' ra bokon.

2 RAJA'-RAJA' 18:37

I Iliakim, i Sibna am i Joa pana namparilak boo ra bayang nilo sabap ra mangiluk. Pinabala' nilo ragu-ragu ru pagawai ru Asyur no ra Raja' Gijkia.

IMAMAT 21:5

“Kalo iowon sangulun imam mangaur ra ati pana tayar ra ulu nano, kapoam mopolompor ra jangut nano, kapoam mamilat ra inan nano koson mapakito ra mangulir io.

2 SAMUIL 1:11

Pokorongog raginio, rinilak ri Daut bayang nano ra mangiluk guang. Ngaangai' ru ulun nano nambaal niayuk raginio.

MAZMUR 119:53

Sumangit aku toojo ra ulun malaat bulintok ra ilo manggal ra Ukum Muno.