IJRA 8:34 - Tanou Moonsoi Timugon

³⁴ Ngaangai' kuliamos no inuntob am tinimbang, am tinulisan ngai' ondo' binaal paat raginio niayuk.

IJRA 8:34 ပူးပေါင်းရင်းမြစ်များ

IJRA 8:29

Alungi' kuliamos-kuliamos raginio ra matanda' saboi ra akau makasuku' giu' ra Baloi ru Tuhan. Giu' no ra maagu no, giu' ra lamin ru imam, timbango' noyo ngaangai' kuliamos raginio am pataako' noyo ra tingganai-tingganai ru imam, ulun ru Liwi am tingganai ru bansa' ru Israil giu' ra Jirusalim.”

IJRA 8:33

Paat ra orou kaapat, siminubol akai ra Baloi ru Tuhan, am nanimbang ra pirok, mas am kuliamos ra bokon. Kopongo raginio pinataak mai ginio ra Imam Mirimot anak ri Uria ondo' tinainuan ri Iliajar anak ri Pinigas am ruo ngaulun Liwi, ilo no i Jojabad anak ri Jisua am i Noaja anak ri Binui.

IJRA 8:35

Paat ra orou raginio niayuk, ngaangai' ulun ondo' minuli' intor ra pamatiran, nampataak ra taak simbalui koson mapabansuk ra guang ru Tuhan, i Aki Kapuuno' ru Israil. Nampataak ilo ra 12 ngainan sapi' gawayan ra tayar ru ngaangai' ulun ru Israil, 96 ngainan domba gawayan am 77 ngainan anak domba. Nampataak ilo niayuk ra 12 ngainan kambing ra tayar ru taak simbalui koson mangampun ra tula nilo galama'. Ngaangai' bibiag no sinolob koson ra taak simbalui koson ra Tuhan.