IJRA 8:28 - Tanou Moonsoi Timugon

²⁸ Indagu aku risilo, “Akau ti timpokon ayuk ra tayar ru Tuhan, i Aki Kapuuno' ru kinamatuaan takau. Koon raginio niayuk ngaangai' kuliamos intor ra pirok am mas ondo' pinataak koson ra taak lilion ayuk ra Tuhan ayuk.

IJRA 8:28 ပူးပေါင်းရင်းမြစ်များ

1 TUNUNG RU BANSA' ISRAIL 23:28

Musiti' ilo mangindangan ra imam-imam papag ri Arun ralalom kandoi upacara sambayang giu' ra Baloi ru Tuhan, magalung ra liliut am lamin giu' ra Baloi ru Tuhan, am niayuk magalung ra ngaangai' ondo' pinatimpok noyo ra Tuhan maa' raginio kalo masauk ra majamol.

1 TUNUNG RU BANSA' ISRAIL 26:20

Ulun ra bokon ralalom bansa' ru Liwi inanian ra kandoi manalingapu ra kuliamos ru Baloi ru Tuhan am gudang pambulian ra ondo' tinaakan-tinaakan ra tayar ri Aki Kapuuno'.

2 TUNUNG RU BANSA' ISRAIL 24:14

Kopongo boo ngaangai' kandoi no, suwo ru mas am pirok no pinataak ra raja' am i Joyada. Mas am pirok no pinakai koson mambaal ra kuliamos-kuliamos ra Baloi ru Tuhan: kuliamos-kuliamos koson upacara sambayang am koson ra taak simbalui koson mapabansuk ra guang ru Tuhan, am niayuk mangkuk-mangkuk, am niayuk kuliamos-kuliamos ra bokon. Buoi ri Joyada naayag, taak simbalui koson mapabansuk ra guang ru Tuhan masalok pataakon giu' ra Baloi ru Tuhan.

KAINGKUALAN 35:29

Ngaangai' ulun ru Israil ondo' moogot am masaga' mangani' ra atan pana, magibit ra taak nilono ra Tuhan koson ra kandoi ondo' nanusuban Nano ri Musa.

JISAYA 52:11

Ugar no! Iruani' noyo bandar Babil, akau ondo' nagibit ra kuliamos ru baloi ri Aki Kapuuno'! Pai' kau kambong ra kuliamos ondo' majamol no, tulayo' min inan mino ra kalo poyo mintor kau.

SAGULION 33:8

Intor ra bansa' ru Liwi, indagu io, “Iou Tuhan, pabalaa' noyo kasaga' Muno ralalom ru Urim am Tumim, ralalom ru ulun ru Liwi, ulipon Muno ondo' gumagaya'. Nangkinam Kou noyo risilo giu' ra Masa, am napainono' ra gagaya' nilo giu' ra taur ru timug Miriba.