IJRA 8:22 - Tanou Moonsoi Timugon

²² Manangguang aku makitaak ra pulalai mangkuda intor ra raja' koson magalung ramon intor ra pamulunsaran ru pantula' ralalom ru pangkiralanan. Binaal ku koon raginio sabap ra mambala' aku ra raja' ra i Aki Kapuuno' takau nambarakat ra moonong ulun ondo' lumansan Riso, kaa' sumangit Io am mangukum ra osoi pana ondo' kalo gumagaya' Riso.

IJRA 8:22 ပူးပေါင်းရင်းမြစ်များ

1 TUNUNG RU BANSA' ISRAIL 28:9

Ri Salomo boo, indagu Raja' Daut, “Okou anak kuno, musiti' i Aki Kapuuno' ondo' sambaan ru ama' muti, iowon mu koson ri Aki Kapuuno' muno. Musiti' kau mangandoi ayuk Riso ra kabanisan ru guang am guang ra masaga' toojo, sabap ra Io nakapandai ra ngaangai' karaan am kasagaan ru guang takau. Amon ru maguyum kou Riso, moowot mu Io, kaa' amon ru iruanin mu Io, impayin No okou ra sabubuoi no.

2 TUNUNG RU BANSA' ISRAIL 15:2

io pana minongoi uma' ra Raja' Asa. Kono, “Rongogo' aku, okou Raja' Asa, am akau ngaangai' mamagun ru Jiuda am Binjamin! Tuhan mabaya' ramuyun buoi ra akau mabaya' Riso. Amon maguyum kau Riso, Io pana mangiou am matuum min. Kaa' amon mangiruan kau Riso, Io pana mangiruan ramuyun.

2 TUNUNG RU BANSA' ISRAIL 16:9

Tuhan magail magalung ra titikop ru tana' ti am mangani' ra kaikangan risilo ondo' gumagaya' Riso. Sasambungon binaal muno, ginio ra intor raino magail kou mangayou.”

IJRA 7:28

Mabaya' ra indangan ri Aki Kapuuno', kasagain aku ru raja', ulun-ulun maminson nano am niayuk ngaangai' pagawai mangaatang nano. Tuhan i Aki Kapuuno' kuno nangani' raki' ra kabaanian saboi makimaitan ku masuang tingganai ru bansa' ru Israil muli' ra Jirusalim mabaya' raki'.”

IJRA 7:6

I Ijra sangulun ondo' nakaigigila' am mapandai am makatutun toojo ra Ukum ondo' tinaakan ru Tuhan, i Aki Kapuuno' ru Israil ri Musa. Nangani' Raja' ri Ijra ra atan ayuk kinitaak no sabap ra binarakat i Ijra ru Tuhan, i Aki Kapuuno' nano. Paat ra bilor katulu' ra pamarintaan ru Raja' Artasasta, minugar i Ijra intor ra pagun ru Babilonia minongoi ra Jirusalim nababaya' ra santimungan ulun ru Israil, nakaaya' kukula' ngaulun imam, ulun ru Liwi, ulun maririmbai, am niayuk ulun magalung ra kulobon ru Baloi ru Tuhan am ulun-ulun mangngandoi.

IJRA 8:31

Nangiruan akai ra Sungoi Agawa paat ra orou koopor am ruo ra sila' kasaa' am minongoi ra Jirusalim. Ralalom pangkiralanan, i Aki Kapuuno' mai nabaya' am nanindung ramon intor ra awangin am bulunsaron ru pantula'.

NIGIMIA 2:9

Nanusub raja' ra kukula' ngaulun pagawai ru saujor am sampulalai saujor nangkuda koson mamaya' raki' ralalom pangkiralanan kuno mongoi ra Iprat Kalasaan. Pakasaboi aku ra giu', pataako' ku surat-surat ru raja' ra gabenor-gabenor.

MAZMUR 20:8

Mokoondo' niayuk ulun malansan ra kurita' kuda nilono, mokoondo' niayuk bokon lumansan ra kuda nilono, kaa' itakau malansan ra kuasa' ru Tuhan, i Aki Kapuuno' takau.

MAZMUR 34:22

Ulun ra malaat matoi sabap ra kalaatan nilono; ulun ondo' masisang ra ulun motopot no ukumin.

MAZMUR 90:11

Osoi kia nakaili' ra sangit Muno moporos kaga'? Osoi kia makatutun ra kinibit ru sangit Muno?

SULABOI 3:25

Tuhan moonsoi ra moonong ulun ondo' mangintopot Riso.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

1 KORINTUS 9:15

Kabalu' pana koson raginio, kalo poyo igondo' ku pasalulaa' kuasa' raginio koson makitaak ra atan ayuk pana. Am raino pana, aku nanulis ra surat ti, sala' ka mapasalula' aku ra rondo' pakitaakan. Moonsoi poyo matoi aku galing ka matatakan ra kaansukan kutu raginio.

2 KORINTUS 7:14

Nokopongompor aku no alia ramuyun ra saang nali, am maansayan aku ra kalo tupo nampakauyu' kau raki'. Ngaangai' ragu mai ramuyun motopot ayuk, mogondo' niayuk ra ompoporon maili ri Titus i pana motopot.

IBRANI 10:38

Ulun Kuno ondo' gumagaya' ra kasagaan Kuno, mangintopot am maayag ilo, kaa' osoi ayuk lumugut, kalo maansayan Aku riso.”

JOSUA 22:16

Tayar ra bala ru ngaangai' ulun ru Tuhan, indagu ilo, “Kua kia pambaal kau ra baal ondo' malaat ti ri Aki Kapuuno' ru ulun ru Israil? Binaal altar raginio, giminuor kau ra Tuhan! Kalo boo maya' kau Riso!

JOSUA 23:16

Amon ru manggal kau ra nabantuan ondo' nanusuban ru Tuhan i Aki Kapuuno' min koson gagayaan, am amon mangandoi am niayuk sumambayang ra dewa-dewa, sumangit am mangukum Tuhan ramuyun. Sangkinolor ayuk am akau ngai' no maliom intor ra tana' ondo' moonsoi ti, ondo' tinaakan ru Tuhan ramuyun.”

1 PITRUS 3:12

Sabap ra Tuhan masalok magalung ra ulun ondo' sumugut ra kasagaan Nano am masalok mangkirongog ra pakiasian nilai no; kaa' gumula' Io ra ulun ondo' mambaal ra kalaatan.”