IJRA 8:21 - Tanou Moonsoi Timugon

²¹ Kopongo raginio, giu' ra igig ru Sungoi Agawa, nampatanou aku ra musiti' akai mampali am minggana' guang ra saang ri Aki Kapuuno'. Makiasi' akai maa' raginio maningganai Io ramon ralalom pangkiralanan am manindung ramon, anak-anak maino, am ngaangai' longgom maino.

IJRA 8:21 ပူးပေါင်းရင်းမြစ်များ

2 TUNUNG RU BANSA' ISRAIL 20:3

Raja' Josapat malaa' am pakiasi' boo ra Tuhan nakitulu'. Io pana nanusub boo ra mamagun maa' raginio mampali.

2 TUNUNG RU BANSA' ISRAIL 20:4

Intor ra moonong bandar giu' ra Jiuda, mamagun mongoi ra Jirusalim koson makiindangan ra Tuhan.

IJRA 8:15

Nanimung aku ra ngaangai' ulun raginio giu' ra igig ru sungoi ondo' tumilis mongoi ra bandar Agawa, am nangkim akai ra giu' no buoi talu ngoorou. Natutunan ku ra mokoondo' kukula' ngaulun imam ra gino ngai' ilo kaa' kolondo' ulun ru Liwi.

IJRA 8:31

Nangiruan akai ra Sungoi Agawa paat ra orou koopor am ruo ra sila' kasaa' am minongoi ra Jirusalim. Ralalom pangkiralanan, i Aki Kapuuno' mai nabaya' am nanindung ramon intor ra awangin am bulunsaron ru pantula'.

NIGIMIA 9:1

Paat ra orou karuo ngoopor am apat ra sila' raginio niayuk, ulun ru Israil timinimung. Nampali ilo koson mampakito ra pansagulian ilo ra tula nilo. Timinuliar ilo intor ra ngaangai' ulun bansa' ra bokon. Nambayang ilo ra konoon karung am ulu tinaukan ra kaau koson tatandu' mangiluk guang. Kopongo raginio bigor ilo am nangiou ra ngaangai' tula nilo am tula ru kinamatuaan nilo.

ESTER 4:16

“Susubo' ngaangai' ulun ru Jaudi giti ra Susan ti tumimung. Susubo' ilo mampali am makiasi' ilo ra tayar raki'. Pai' pangakan kapoam panginum ra atan-atan pana buoi talu ngoorou am talu ngorondom. Aku galama' am ralaa-ralaa magayam kuno pana mambaal raginio. Mopongo raginio muma' aku ra raja', kabalu' pana binaal raginio manggal ra undang-undang. Amon ru musiti' aku matoi sabap ra baal raginio, polosoon aku no matoi!”

MAZMUR 137:1

Ra igig ru sungoi giu' ra Babilonia itakau manturung am mantangi', bulintok ra itakau mangkara' ra Sion.

MAZMUR 5:8

Kaa' intor ra kinaayo ru togom Muno, nakasubol aku ra baloi Muno. Makasamba aku Rirun ra ralalom ru Baloi Muno ra matulai, am migulatur ra tuma' Muno.

MAZMUR 5:9

Iou Tuhan, masuang kaga' pantula' kuno; ilaa' aku mambaal ra kasagaan Muno, am tului' aku ra ralan ondo' musiti' no mauma' kuno.

MAZMUR 8:2

Iou Tuhan, i Aki Kapuuno' mai, katulayan Muno makito ra titikop ru tana' ti! Suku' ra limbowon no katulayan Muno inompor,

AMSAL 3:6

Karaa' noyo Tuhan ralalom nansalinut baalon muno, am manulu' Io rirun ra ralan ru kaayagan moonsoi.

JISAYA 30:21

Amon lumisang kau ra pamiris kapoam kait, morongog min bolos Nano giu' ra talikuron mino mindagu, “Gitio noyo ralan ti, baya' kano ra ralan ragitio!”

JISAYA 35:8

Giu' no mokoondo' ra ralan maayo tiniir, ondo' sabiton ra “Ralan Sumuku' ra Pamayagan”. Ulun ra makatula kalo maya' ra giu' no, ulun sasambungon kalo mapalayau ra ulun ondo' mansail ra ralan no.

JISAYA 42:16

Kitangon Ku ulun Kuno ra nobolou maya' ra ralan ondo' kalo poyo igondo' nilo bayai'. Kulawon Ku kalandaman masauk ra sinda, am taubin ku tana' ra tangkilubok no risilo. Ginio noyo baal ondo' baalon Kuno, Musiti' no pongoon Ku ngaangai' no.

JISAYA 49:10

Kalo paason kapoam maitilan ilo, am kalo malasuan ilo giu' ra tana' kaagisan. Sabap ra Aku, motogom risilo, mangaak risilo, am mangitang risilo ra taur-taur ru timug.

JISAYA 58:3

Mangkuot bansa' raginio, “Atan pakuan mampali amon ru Tuhan kalo magilong? Atan pakuan itakau minggana' guang amon ru Io kalo mampalio?” Mindagu Tuhan, “Sotopot no, liliwa' akau mampali, maguyum kau ra kaatangan galama' am mangimbolo' ra ulun-ulun mangandoi mino.

JISAYA 58:5

Paat ra akau mampali, imboloon min inan mino; ulu pakukuon min koson ra raun ru sakot liminakut. Pabingkalon min konoon karung am manatak ra kaau, am mombolong ra rasawat nano. Ginio kia inggalanin min ra pali? Indoson min kasagain Kuno baal min raginio?

JIRIMIA 10:23

Iou Tuhan, makapandai aku ra kolondo' sangulun pana makakuasa' ra kaayagan nano; kolondo' sangulun pana mangaru' ra kiralan ru kaayagan nano.

JIRIMIA 42:3

Pakiasi' no gama' ru Tuhan, i Aki Kapuuno' takau manulu' ra ralan ondo' musiti' mai bayaan am atan ondo' musiti' mai baalon.”

DANIL 9:3

Aku pana makiasi' toojo ra Tuhan, i Aki Kapuuno', nakimasi' Riso, liliwa' nampali am nambayang ra karung, am niayuk nanturung ra rasawat ru kaau.

JOIL 1:14

Pangani' no ra susuban koson mampali; pambaal no rondo' pantimungan. Susubo' tingganai-tingganai am ngaangai' mamagun ru Jiuda matong ra Baloi ru Tuhan, i Aki Kapuuno' min am pampiau makiindangan Riso.

IMAMAT 16:29

Aturan ragitilo musiti' gagayaan ra sabuoi-buoi no. Paat ra orou ra koopor sila' katulu', ulun ru Israil am ulun bansa' ru bokon ondo' siminimpung risilo, musiti' mampali am kalo pongondoyon.

IMAMAT 16:31

Orou raginio iono orou ondo' matulai kaga', paat ra ulun ru Israil mampali am lingon kalo mangandoi. Musiti' aturan ragitilo gagayaan ra sabuoi-buoi no.

IMAMAT 23:29

Osoi ayuk ondo' mangakan paat orou raginio kalo boo karaan ra ulun ri Aki Kapuuno'.

JUNUS 3:5

Mamagun ru Niniwi mangintopot ra tanou ri Aki Kapuuno' no. Ngaangai' mamagun mamatas koson mampali, am ngaangai' ulun, ondo' langkaya' am poyo musikin, nambayang ra konoon karung koson mampakito ilo ra pansagulian guang ra tula nilo.

JUNUS 3:7

Raja' pana nampatanou niayuk ra susuban ragitio ra ngaangai' mamagun ru bandar Niniwi, “Gitio noyo ragu pamatasan intor ra raja' am ngaangai' menteri: Ngaangai' ulun, sapi', domba, am bibiag tinambiag ra bokon inggalarin mangakan am manginum.

UNTABAN 14:3

Kua kasaga' Tuhan magibit ramon giu' ra tana' no? Matoi akai ra pangayawan, am rokopon andu' anak mai. Kalo kia moonsoi poyo ru sumaguli' akai ra Misir?”

UNTABAN 14:31

Minindagu kau ra rokopon anak mino, kaa' ilo noyo ondo' ibiton Ku mongoi ra tana' ondo' impayin mino. Masauk tana' no ra ayanan nilo,

RINALATAN 2:39

Ginio binantu' ri Aki Kapuuno' ramuyun am papag mino poyo, am niayuk ra ngaangai' ulun ondo' mangaalur intok – ioginio osoi ayuk piawon ri Aki Kapuuno', Tuhan takau, koson matong Riso.”

TINGGANAI RU BANSA' 20:26

Igondo' poyo ulun ru Israil minongoi ra Bitil am nantangi' ra saang ru Tuhan. Nampali ilo ra giu' no saboi ra rondom. Napataak ilo ra taak simbalui koson makibarakat ra Tuhan am taak simbalui koson mapabansuk ra guang ru Tuhan.

1 SAMUIL 7:6

Ginio ra ilo ngaangai' timinimung giu' ra Mijpa. Nansagou ilo ra timug am sinasaran ginio ra tayar ru taak ra Tuhan. Nampali ilo niayuk buoi songorou. Indagu ilo, “Makatula akai noyo ra Tuhan.” (Giu' ra Mijpa nanalasai i Samuil ra baal pansangaran ru gino ngai' ru ulun ru Israil.)