IJRA 7:6 - Tanou Moonsoi Timugon

^6-7 I Ijra sangulun ondo' nakaigigila' am mapandai am makatutun toojo ra Ukum ondo' tinaakan ru Tuhan, i Aki Kapuuno' ru Israil ri Musa. Nangani' Raja' ri Ijra ra atan ayuk kinitaak no sabap ra binarakat i Ijra ru Tuhan, i Aki Kapuuno' nano. Paat ra bilor katulu' ra pamarintaan ru Raja' Artasasta, minugar i Ijra intor ra pagun ru Babilonia minongoi ra Jirusalim nababaya' ra santimungan ulun ru Israil, nakaaya' kukula' ngaulun imam, ulun ru Liwi, ulun maririmbai, am niayuk ulun magalung ra kulobon ru Baloi ru Tuhan am ulun-ulun mangngandoi.

IJRA 7:6 ပူးပေါင်းရင်းမြစ်များ

KASAUKAN 32:28

Indagu ulun no, “Inggalan muno sala ka boo i Jakub. Giminabu' kou ri Aki Kapuuno' am ra ulun, am namanang kou. Ginio ra inggalan muno i Israil.”

IJRA 5:5

Kaa' i Aki Kapuuno' nagilong am nanindung ra tingganai ru ulun ru Jaudi no, saboi pagawai-pagawai ru pamarintaan ru Pirsia namatas koson kalo mampajajou risilo ra ilo kalo poyo mangator ra surat ra Raja' Darius am mangapu ra balos intor riso.

IJRA 6:22

Buoi tulu' ngoorou, naansukan ilo nangiantak ra Pangiantakan Ruti' Kalo Linatakan ra Ragi. Naansukan ilo sabap ra Tuhan nangkinibit ra raja' ru pagun ru Asyur mataau guang risilo, saboi io nangindangan risilo nambaal saguli' ra Baloi ru Tuhan, i Aki Kapuuno' ru Israil.

IJRA 7:21

“Manusub aku maa' raginio atan ayuk ondo' kinitaak ru Imam Ijra, ondo' mapandai kaga' ra Ukum ri Aki Kapuuno' panguasa' giu' ra suruga', musiti' pataakin ra mataki' ru ngaangai' pagawai kausinan giu' ra wilayah Iprat Kalasaan.

IJRA 7:28

Mabaya' ra indangan ri Aki Kapuuno', kasagain aku ru raja', ulun-ulun maminson nano am niayuk ngaangai' pagawai mangaatang nano. Tuhan i Aki Kapuuno' kuno nangani' raki' ra kabaanian saboi makimaitan ku masuang tingganai ru bansa' ru Israil muli' ra Jirusalim mabaya' raki'.”

IJRA 7:5

anak ri Abisua, anak ri Pinigas, anak ri Iliajar, anak ri Arun.

IJRA 8:1

Gitio no suang ru tingganai ru bansa' ondo' pinatiran ra pagun Babilonia, am ondo' siminaguli' nababaya' raki', i Ijra, giu' ra Jirusalim paat ra pamarintaan ru Raja' Artasasta:

IJRA 8:18

Sabap no ra kinoonsoi ru guang ri Aki Kapuuno', nangani' ilo ramon ri Siribia, sangulun Liwi ondo' maligag intor ra bansa' ru Magli. Nababaya' ra Siribia, minatong niayuk anak-anak nano am pabukat-pabukat nano, ra suang no mopor am balu' ngaulun.

IJRA 8:22

Manangguang aku makitaak ra pulalai mangkuda intor ra raja' koson magalung ramon intor ra pamulunsaran ru pantula' ralalom ru pangkiralanan. Binaal ku koon raginio sabap ra mambala' aku ra raja' ra i Aki Kapuuno' takau nambarakat ra moonong ulun ondo' lumansan Riso, kaa' sumangit Io am mangukum ra osoi pana ondo' kalo gumagaya' Riso.

IJRA 8:31

Nangiruan akai ra Sungoi Agawa paat ra orou koopor am ruo ra sila' kasaa' am minongoi ra Jirusalim. Ralalom pangkiralanan, i Aki Kapuuno' mai nabaya' am nanindung ramon intor ra awangin am bulunsaron ru pantula'.

NIGIMIA 12:26

Ngaangai' ulun no maayag bulintok ri Joyakim anak ri Jisua, akupu ri Jojadak am bulintok ru Gabenor Nigimia am Imam Ijra, ulun mapandai kaga' ra Taurat no.

NIGIMIA 12:36

Siminunu' riso ulun ra bokon intor ra bansa' nano, iono i Simaya, Ajariil, Milalai, Gilalai, Maai, Nitaniil, Jiuda am i Ganani. Ilo ngaangai' nagibit ra kuliamos miujik, nogondo' ra ondo' kinuli ru Raja' Daut, ulipon ri Aki Kapuuno' no. Imam Ijra, ulun mapandai kaga' ra Taurat no, minugar pagulu ra ugar mababaya' ti.

NIGIMIA 2:12

kalo nambala' aku ra osoi ayuk pana ra inatang ri Aki Kapuuno' ralalom ru guang kuno intor ra atan ondo' baalon kuno ra tayar ru bandar Jirusalim. Kopongo raginio, paat ra tanga' rondom siminukal aku am miningkual nababaya' ra kukula' ngaulun rangan. Rorondo' ra bibiag ondo' inibit ku iono kaladai ondo' kurain ku.

NIGIMIA 2:18

Tunungo' ku boo ati kulaan i Aki Kapuuno' mabaya' am mangindangan raki', am atan ondo' rinagu ru raja' raki'. Taam ilo, “Ibok kano talimpuun takau mambaal!” Kopongo raginio tampos ilo koson manalimpuun ra kandoi no.

NIGIMIA 2:8

Suai raginio, aku niayuk nakitaak ra surat tayar ri Asap, mantatamung ra kataunan ru raja', maa' raginio mangani' io raki' ra tataun balak tayar ra kulobon garabang ru kubu ondo' masauk ra rinding paninili ra Baloi ru Tuhan, am tayar ra timbok ru bandar, am niayuk baloi ondo' ayanin kuno. Nangiou raja' ra ngaangai' kinitaak kuno sabap i Aki Kapuuno' mabaya' raki'.

NIGIMIA 4:15

Pantula' mai nokorongog ra inatang malaat nilo napandayan mai noyo. Ginio ra nakaliman ilo ri Aki Kapuuno' nanulang noyo ra inatangan nilo. Akai ngaangai' pana siminaguli' boo nangandoi namuna' ra timbok no.

NIGIMIA 8:1

Paat ra sila' katulu', ulun ru Israil namagun noyo giu' ra bandar ru sigagama'. Paat ra orou kasaa' sila' raginio, ilo ngaangai' timinimung giu' ra Jirusalim, giu' ra tana' malimparang mamaar ra Kulobon Garabang ru Timug. Nakitaak ilo maa' raginio kitab Taurat alapon ri Imam Ijra, sangulun mapandai kaga' ra Taurat ondo' pinataak ru Tuhan ra Israil ondo' pinabala' galing ri Musa.

NIGIMIA 8:13

Paat ra suabon no, tingganai-tingganai ru bansa', imam-imam am ulun-ulun ru Liwi minongoi ri Ijra koson mintutun ra pangilaan ru Taurat.

NIGIMIA 8:4

Minigor i Ijra giu' ra rasawat ru pantas tataun ondo' binaal timpoko' koson kuayan raginio. I Matisa, Sima, Anaya, Uria, Ilkia am Maasiya minigor ra tampilon pamiris nano; liliwa' i Pidaya, Misail, Malkia, Gasum, Asbadana, Jakaria am Misulam minigor tampilon ra kait nano.

NIGIMIA 8:9

Pokorongog mamagun ra pambasaan Taurat no, nalamawan ilo saboi nantangi' ilo. Ginio ra Gabenor Nigimia am Imam Ijra, ulun mapandai kaga' ra Taurat no, am ulun ru Liwi ondo' tatanga' mambala' ra liliwaan Taurat no nambala' ra mamagun, “Orou raiti' orou patimpokon koson ra Tuhan, i Aki Kapuuno' min. Ginio ra pai' kano mangiluk guang kapoam mantangi'.

NIGIMIA 9:13

Intor ra limbowon timinuun Kou ra Gunung Sinai; Minindagu Kou ra ulun Muno galama'. Nangani' Kou risilo ra ukum, aturan am susuban ondo' matimpok, motopot am mokoonong.

MAZMUR 109:27

Moonsoi makapandai pantula' kuno raginio binaal Muno, ra Okou noyo namayag raki'.

MAZMUR 147:19

Potonowon No ragu Nano ra ulun Nano, aturan am ukum Nano ra Israil.

MAZMUR 45:1

Mazmur ru bansa' ri Kora. Rimbai ru togom. Ra tingganai santimungan maririmbai. Sumugut ra rimbai: Bunga' Bakung.

MAZMUR 80:18

Sindungi' am alungi' noyo ulun ondo' pinili' Muno, bansa' ra sinauk Muno maikang toojo.

AMSAL 3:6

Karaa' noyo Tuhan ralalom nansalinut baalon muno, am manulu' Io rirun ra ralan ru kaayagan moonsoi.

JISAYA 50:2

Kua kolondo' sangulun pana ulun Kuno tumaam, Paat ra Aku matong mampiau risilo? Mongkoror ilo ayuk kia sabap ra mampaguang kalo makakau' Aku mapalabus am mamayag risilo? Sotopot no, maya' ra panusuban Kuno raat masauk mapua', sungoi-sungoi saukon Ku ra tana' kaagisan saboi papait matoi am mongootong.

JISAYA 59:1

Pai' karaa' ra Tuhan no malawo kaga' koson mamayag ramuyun, kapoam barat kaga' koson mangkirongog ra pampiawan mino.

JIRIMIA 8:8

Baani kau kaga' mindagu ra mapintar kau am makapandai ra ukum Kuno! Ilai' ga boo, ukum Kuno kinulau noyo ru mangingila' ra ugama ondo' kalo mabanis guang.

MATIUS 13:52

I Jisus pana mindagu poyo, “Moonong mangingila' ra Ukum ri Musa ondo' nasauk ra ulun ri Aki Kapuuno', io ti koson ra sangulun puun baloi ondo' mapaingkual ra kuliamos nakabagu am lairon intor ra kaban ru rapu' nano.”

MATIUS 23:2

“Mangingila' ra Ukum ri Musa am ulun ru Parisi ti noyo inanian ra kuasa' mampaintutun ra Ukum ri Musa.

MATIUS 28:20

Ilaa' ilo ti mampagagaya' ra atan ondo' panusuban Kuli. Karaa' noyo, soroi Aku mabaya' ramuyun saboi ra orou pupus ru tana' ti.”

1 KORINTUS 1:20

Intor raginio, atan onong ru ulun mapintar? Atan onong ru ulun mapandai? Am atan poyo onong ru ulun ru tana' ti ondo' mapandai tumaam? Sabap ra i Aki Kapuuno' nampakito noyo ra kapintaran ru ulun ru tana' ti sotopot no sasambungon.

1 KORINTUS 15:1

Pabukat kau ngaangai', raino masaga' aku mampakara' saguli' ramuyun ra Tanou Moonsoi intor ri Aki Kapuuno' ondo' pinasaboi kuno ramuyun ragili. Ginio inapu min am nangintopot kau ri Kristus sabap ra tanou raginio.

SAGULION 28:1

“Amon ru gumagaya' kau ra Tuhan i Aki Kapuuno' min, am totopot mambaal ra ngaangai' panusuban Nano ondo' taakin kuno ramuyun ra orou raiti', am Io pana mapasauk ramuyun ra bansa' ondo' mauligan kaga' ra tana'.

SAGULION 4:5

“Nangila' aku noyo ramuyun ra ngaangai' ukum no, koson ra nanusuban ru Tuhan i Aki Kapuuno' kuno. Gagayaa' noyo ngaangai' ukum raginio giu' ra tana' ondo' gaawon am ayanin min.