IJRA 7:27 - Tanou Moonsoi Timugon

²⁷ Kopongo raginio indagu i Ijra, “Koompor noyo Tuhan, i Aki Kapuuno' ru kinamatuaan takau! Binuir no guang ru raja' saboi kinara' no timpokon Baloi ru Tuhan giu' ra Jirusalim.

IJRA 7:27 ပူးပေါင်းရင်းမြစ်များ

2 TUNUNG RU BANSA' ISRAIL 31:8

Paat ra Raja' Gijkia am pagawai-pagawai nakakito ra mapara' boo suang ru taak ondo' tinaakan no, nongompor ilo ra Tuhan am nongompor ra ulun Nano, ulun ru Israil.

IJRA 6:22

Buoi tulu' ngoorou, naansukan ilo nangiantak ra Pangiantakan Ruti' Kalo Linatakan ra Ragi. Naansukan ilo sabap ra Tuhan nangkinibit ra raja' ru pagun ru Asyur mataau guang risilo, saboi io nangindangan risilo nambaal saguli' ra Baloi ru Tuhan, i Aki Kapuuno' ru Israil.

NIGIMIA 2:12

kalo nambala' aku ra osoi ayuk pana ra inatang ri Aki Kapuuno' ralalom ru guang kuno intor ra atan ondo' baalon kuno ra tayar ru bandar Jirusalim. Kopongo raginio, paat ra tanga' rondom siminukal aku am miningkual nababaya' ra kukula' ngaulun rangan. Rorondo' ra bibiag ondo' inibit ku iono kaladai ondo' kurain ku.

NIGIMIA 2:8

Suai raginio, aku niayuk nakitaak ra surat tayar ri Asap, mantatamung ra kataunan ru raja', maa' raginio mangani' io raki' ra tataun balak tayar ra kulobon garabang ru kubu ondo' masauk ra rinding paninili ra Baloi ru Tuhan, am tayar ra timbok ru bandar, am niayuk baloi ondo' ayanin kuno. Nangiou raja' ra ngaangai' kinitaak kuno sabap i Aki Kapuuno' mabaya' raki'.

NIGIMIA 7:5

Kopongo raginio nangani' i Aki Kapuuno' raki' ra inatangan koson manimung ra mamagun am tingganai-tingganai am niayuk pagawai-pagawai nilo, maa' raginio makapanguntob aku risilo maya' ra suang ru sasambaloi ondo' natulisan. Paat raginio nakatuum aku ra tinulisan ru ulun ondo' kasaa' toojo minuli' intor ra pamatiran. Gitilo noyo pinabala' ra masusui ondo' nakito kuno intor ra tinulisan no:

KAINGKUALAN 8:9

Indagu i Musa ra raja', “Nakatampos aku noyo makiasi' rirun raja'. Aruo' noyo paat no am makiasi' aku rirun raja', pagawai muno am mamagun muno. Palabuson kou raja' intor ra antit-antit no, am kolondo' boo soroi ondo' ayuk am antit ondo' soroi ralalom ru Sungoi Nil.”

AMSAL 21:1

Pangkaraan ru raja' Tuhan noyo manguasa' koson ra Io nangaru' ra tulukan ru sungoi.

JISAYA 60:13

Tataun sipris, tataun juniper, am tataun pain, tataun ra moonsoi kaga' intor ra kataunan Libanon, ibiton koson manirong rirun, okou Jirusalim, koson mangindon ra Baloi Kuno am mapatulai ra bandar Kuno.

LUKAS 7:5

sabap ra moonsoi guang nano am motogom io ra bansa' takau. Ilai', tinambalayan no akai poyo ra baloi sambayangan.”

2 KORINTUS 8:16

Paringkuanangan mai ri Aki Kapuuno' ondo' nangani' ri Titus ra kapiratan masaga' mangindangan ramuyun mogondo' ramon.

PILIPI 4:10

Ralalom pasimpungan ku ra Tuhan, maayo toojo kaansukan kuno, sabap ra pupus no ra raino ti igondo' poyo makapangindangan kau raki'. Sotopot no nampaguang kano ragitio, kaa' kolondo' ayuk kaluagan min mangani' ra pangindangan ti.

IBRANI 10:16

“Gitio noyo nabantuan ondo' baalon Kuno risilo paat ra orou matong no, ragu ru Tuhan: ‘Pakaraan Ku ukum Kuno risilo am tulisin Ku poyo ra guang nilono.’ ”

IBRANI 8:10

Kaa' raino gitio noyo bantu' Ku ra ulun ru Israil paat ra orou matong no, kon ru Tuhan: Pakaraan Ku ukum Kuno risilo am patulison Ku poyo ra guang nilono. Masauk Aku ra Tuhan nilo am masauk ilo noyo ra ulun ondo' tagamin Kuno.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

PINAINTALANG 17:17

Sabap ri Aki Kapuuno' nakapangulau noyo ra guang nilono mampaugar ra kasagaan Nano. Pogogondoon ri Aki Kapuuno' guang nilono koson mampataak ra kuasa' nilono ra bibiag masigo no, ondo' mamarinta saboi masauk atan ondo' pinabala' ri Aki Kapuuno' i.