IJRA 7:16 - Tanou Moonsoi Timugon

¹⁶ Ibito' niayuk pirok am niayuk mas ondo' tinimung min giu' ra titikop ru wilayah Babilonia, am niayuk pataakon ru ulun ru Israil am niayuk imam-imam nilo ra tayar ru Baloi ru Tuhan, i Aki Kapuuno' nilo ondo' binaal giu' ra Jirusalim.

IJRA 7:16 ပူးပေါင်းရင်းမြစ်များ

1 TUNUNG RU BANSA' ISRAIL 29:6

Kopongo raginio tingganai-tingganai ru bansa', tingganai ru bansa' boborok, panglima, am ulun manalingapu ra longgom ru raja' nambala' ra kasagaan nilo koson mangani' ra paindanganon.

IJRA 1:6

Ngaangai' pasambalayan nilo niayuk nangindangan ra nangani' ra kuliamos ondo' makapakuan: kuliamos ru pirok, mas, lutu' koson ra pangkiralanan, bibiag koson magaut ra kuliamos, rapu' ra bokon am niayuk taak koson Baloi ru Tuhan.

IJRA 1:4

Amon ru mokoondo' sasangulun intor ra ulun Nano giti ra intok pamatiran ti ondo' gumogot ra indangan koson ra muli', pasambalayan nano musiti' mangindangan. Musiti' ilo mangani' riso ra pirok am mas, lutu' koson pangkiralanan am niayuk bibiag koson magaut ra kuliamos, am niayuk taak koson ra Baloi ru Tuhan giu' ra Jirusalim.”

1 TUNUNG RU BANSA' ISRAIL 29:9

Mamagun nangani' ra pinaindangan ra Tuhan ra kabanisan am kasagaan ru guang. Naansukan ilo sabap ra masuang taak pinaindangan am Raja' Daut pana naansukan.

2 KORINTUS 9:7

Pangani' kano sumugut ra ondo' inaru' mino. Pai' min paginduoon guang min mangani', kapoam koson ra jajalin kau, sabap ri Aki Kapuuno' motogom ra ulun ondo' mangani' intor ra guang maansayan.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

2 TUNUNG RU BANSA' ISRAIL 6:2

Raino binaalan Tokou ra rondo' baloi ondo' maindon, koson intok ayanan Muno ra sabubuoi no.”

2 TUNUNG RU BANSA' ISRAIL 6:5

‘Intor ra Aku nagibit ra ulun Kuno miningkual intor ra Misir, kalo igondo' aku nampili' ra bandar ra ati pana ra titikop ru Israil koson ra intok pambaalan ra rondo' baloi, intok sambayangan Raki', am kalo igondo' Aku nampili' ra osoi pana koson maningganai ra ulun Kuno Israil.

2 TUNUNG RU BANSA' ISRAIL 6:6

Kaa' raino nampili' Aku ra Jirusalim koson ra intok sambayangan Raki', am okou Daut, mamarinta ra ulun Kuno.’ ”

2 TUNUNG RU BANSA' ISRAIL 31:14

I Kori anak ri Jimna, sangulun Liwi ondo' ragili nasauk ra tingganai magalung giu' ra Kulobon Garabang Sirangon Baloi ru Tuhan, pinangandoi mangapu ra taak ondo' pinataak ra Tuhan am niayuk mantatayar raginio.

MAZMUR 135:21

Omporo' noyo Tuhan giu' ra Sion, giu' ra baloi Nano ra Jirusalim. Omporo' noyo Tuhan!