IJRA 6:4 - Tanou Moonsoi Timugon

⁴ Timbok ru Baloi no musiti' baalon koson ragitio: giu' ra rasawat moonong talu ngalapis ru batu musiti' pakulaupon rondo' lapis ru tataun. Ngaangai' balanja' no musiti' tampilanin ru kausinan ru pamarintaan.

IJRA 6:4 ပူးပေါင်းရင်းမြစ်များ

1 RAJA'-RAJA' 6:36

Rondo' liliut binaal ra saang ru Baloi ru Tuhan. Liliut ti naliputan ru timbok ondo' binaal ra pinangkulaup: Rondo' kulaup ru tataun sidar ra moonong talu pinangkulaup ra batu.

MAZMUR 68:29

Patalango' noyo kuasa' Muno, iou Aki Kapuuno', kuasa' ra pinakai Muno ra tayar mai.

PINAINTALANG 12:16

Kaa' pangindangan tana' no ra ruandu' no koson ukabon kabang nano am tolono' no timug ondo' miningkual ra kabang ru tambuakal no.

JISAYA 49:23

Raja'-raja' koson ayuk ra pinakaama' mu ayuk, am andu'-andu' raja' pinakaina' mu ayuk. Migulatur ilo mangurumat rirun am kalo lumimbau ilo rirun. Okou pana makapandai ra Aku ti Tuhan; ulun ondo' lumansan raki' kalo sindualin guang.”

MAZMUR 72:10

Ngaangai' raja' ru Tarsis am ngaangai' pulu' mapataak riso ra tangguang; ngaangai' raja' ru pagun Syiba am Siba manaak niayuk riso ra tangguang.

IJRA 6:8

Susubon ku niayuk poyo maa' raginio akau ngaangai' mangindangan risilo mambaal raginio. Balanja' mambaal ra Baloi ru Tuhan no musiti' bayarin ra mataki' intor ra kausinan ru pamarintaan, intor ra ampos ru cukai wilayah Iprat Kalasaan. Pai' polosoo' pambaalan no maputat!

IJRA 3:7

Mamagun nanaak ra ruit koson pambayar ra gaji' ru ulun manukang ra batu am ulun manukang ra tataun. Ilo niayuk nangator ra akanon, inumon am umau jaitun giu' ra bandar Tirus am Sidon koson aligin ra tataun sidar intor ra Libanon. Tataun no inibit ra Japo pinaaya' ra raat. Ngaangai' kandoi no binaal ra pangiawan intor ra Raja' Koris, raja' ru Pirsia.

IJRA 5:8

“Moogot akai mambala' rirun raja' ra minongoi akai noyo ra Jiuda am nakakito ra Baloi Sambayangan koson ri Aki Kapuuno' Ondo' Maayo, tatanga' baalon saguli' ra batu mangaayo am timbok ondo' linapisan ra tataun. Kandoi no binaal ra matuyu' kaga' am matanda'.