IJRA 6:3 - Tanou Moonsoi Timugon

³ “Paat ra bilor kasaa' ra pamarintaan ru Raja' Koris, nangani' io ra susuban maa' raginio Baloi ru Tuhan giu' ra Jirusalim baalon saguli', koson ra intok ru ulun magibit ra taak am monolob ra taak simbalui. Sawat ru Baloi no musiti' 27 ngamito am pila' no 27 ngamito.

IJRA 6:3 ပူးပေါင်းရင်းမြစ်များ

2 TUNUNG RU BANSA' ISRAIL 2:3

Nangator Raja' Salomo ra tanou ra Raja' Giram intor ra Tirus, “Pakimagamung raki' ra pantalanan koson ra okou nakimagamung ra pantalanan ra ama' kuli, Raja' Daut. Nantalan kou riso ra tataun sidar paat ra io nambaal ra istana nali.

2 TUNUNG RU BANSA' ISRAIL 2:6

Kaa' osoi kia ondo' totopot makabaal ra baloi ri Aki Kapuuno'? Titikop ru limbowon no pana kalo sama' gayo koson masauk ra intok ayanan Nano. Ginio ra baloi ondo' baalon kuno Riso koson ayuk ra intok koson monolob ra kaminyan ri Aki Kapuuno'.

2 TUNUNG RU BANSA' ISRAIL 36:22

Paat ra bilor kasaa' ra pamarintaan ru Raja' Koris, raja' Pirsia, inintopot ru Tuhan ragu Nano ondo' pinasaboi ru Nabi Jirimia. Namuir Tuhan ra guang ru Raja' Koris maa' raginio mangingkual ra susuban tinulisan koson basaan giu' ra titikop ru pamarintaan nano. Bolos ru surat no koon ragitio,

IJRA 1:1

Paat ra bilor kasaa' ra pamarintaan ru Raja' Koris, raja' ru Pirsia, sinugut ru Tuhan ragu Nano ondo' pinasaboi Nali pinabala' galing ra Nabi Jirimia. Inunsu' ru Tuhan guang ri Raja' Koris maa' raginio mangingkual ra susuban tinulisan, ondo' atarin koson basaan giu' ra titikop ru pamarintaan nano. Bolos no koson ragitio:

IJRA 1:2

“Koon ragitio susuban ru Raja' Koris, raja' ru Pirsia: Tuhan, i Aki Kapuuno' panguasa' giu' ra suruga', nampasauk noyo raki' ra raja' ru titikop ru tana' ti. Nangani' Io raki' ra kandoi koson mambaal ra Baloi tayar Nano giu' ra Jirusalim, giu' ra pagun ru Jiuda.

IJRA 3:7

Mamagun nanaak ra ruit koson pambayar ra gaji' ru ulun manukang ra batu am ulun manukang ra tataun. Ilo niayuk nangator ra akanon, inumon am umau jaitun giu' ra bandar Tirus am Sidon koson aligin ra tataun sidar intor ra Libanon. Tataun no inibit ra Japo pinaaya' ra raat. Ngaangai' kandoi no binaal ra pangiawan intor ra Raja' Koris, raja' ru Pirsia.

IJRA 6:14

Tingganai-tingganai ru ulun ru Jaudi namparayus ra pambaalan ra Baloi ru Tuhan no ra maribok. Inunsu' ilo ru Nabi Agai am i Jakaria. Nopongo nilo pambaalan ra Baloi no sumugut ra susuban ri Aki Kapuuno' ru Israil am susuban ru Raja' Koris, Raja' Darius am Raja' Artasasta, raja'-raja' ru Pirsia.

MAZMUR 122:4

Ra giti noyo nansalinut bansa' rumatong, bansa'-bansa' longgom ru Tuhan, koson maringkuanang ra Tuhan, sumugut ra panusuban Nano.

PINAINTALANG 21:16

Baal ru bandar no makaapat pisuk am gawar nano nogondo' ra pila' no. Tukuo' boo ru malaikat bandar no ra tutuku' no; gawar nano 2,400 kilomito. Pila' am sawat nano nogondo' ra gawar nano.