IJRA 6:21 - Tanou Moonsoi Timugon

²¹ Taak simbalui no inakan ru ngaangai' ulun ru Israil ondo' minuli' intor ra pamatiran, am mamagun ru pagun no ondo' nangiruan ra baal ru kaayagan ra makatula, am minatong koson sumamba ra Tuhan, i Aki Kapuuno' ru Israil.

IJRA 6:21 ပူးပေါင်းရင်းမြစ်များ

2 TUNUNG RU BANSA' ISRAIL 30:19

“Iou Tuhan, i Aki Kapuuno' ru kinamatuaan mai, sabap ru kinoonsoi Muno, ampuno' noyo ilo ondo' sumamba Rirun ra sotopot ru guang, kabalu' pana ilo kalo poyo namasau ra inan.”

IJRA 9:1

Kopongo ngaangai' no pinaugar, kukula' ngaulun tingganai ru Israil minatong raki'. Nambala' ilo ra mamagun ru Israil, nakaaya' imam-imam am ulun ru Liwi kalo siminuai intor ra bansa'-bansa' ondo' minayan giu' ra liliut nilo, iono bansa' ru Amon, Moab, Misir, Kanaan, Git, Piris, Jibusi am Amori. Nambaal ilo niayuk ra binaal malaat ru bansa'-bansa' raginio.

IJRA 9:11

ondo' tinaakan ramon ondo' pinabala' galing ra ulipon Muno, nabi-nabi. Nambala' ilo ramon ra tana' ondo' ayanin mai no najamalan noyo, sabap ra mamagun nano nampajamol noyo ra ngaangai' no ra binaal ondo' majamol am malaat.

NIGIMIA 10:28

Akai, mamagun ru Israil, imam-imam, ulun-ulun ru Liwi, ulun magalung ra Baloi ru Tuhan, ulun-ulun maririmbai, am ulun-ulun mangandoi giu' ra Baloi ru Tuhan, nababaya' ra andu' am anak mai ondo' nasukor koson makarati' ra baal ti, am niayuk ngaangai' ulun ondo' gumagaya' ra ukum ri Aki Kapuuno' ondo' siminuai noyo intor ra ulun bansa' ra bokon ondo' minayan ra pagun mai,

MAZMUR 93:5

Ukum Muno mantilayun, iou Tuhan, am Baloi Muno matulai ra sabuoi-buoi no.

JISAYA 52:11

Ugar no! Iruani' noyo bandar Babil, akau ondo' nagibit ra kuliamos ru baloi ri Aki Kapuuno'! Pai' kau kambong ra kuliamos ondo' majamol no, tulayo' min inan mino ra kalo poyo mintor kau.

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

2 KORINTUS 6:17

Sabap raginio, Inggalur kano ra ulun ondo' kalo makaulig ri Aki Kapuuno', am niayuk tuliar kau risilo. Pai' kau pangambong ra atan ayuk majamol, am apuon takamin.

2 KORINTUS 7:1

Pabukat kau ngaangai' ra tagamin ku! Binantu' noyo ri Aki Kapuuno' ngaangai' no ritakau. Sabap raginio musiti' takau magipasau intor ra ngaangai' baal am pamaguangan majamol, maa' raginio i Aki Kapuuno' urumaton takau am maayag takau toojo ayuk Riso.