IJRA 6:16 - Tanou Moonsoi Timugon

¹⁶ Kopongo raginio ulun ru Israil, imam-imam, ulun ru Liwi am ngaangai' ulun ondo' minuli' noyo intor ra pamatiran, nampaugar ilo patimpokon Baloi ru Tuhan no mabaya' ra kaansukan.

IJRA 6:16 ပူးပေါင်းရင်းမြစ်များ

2 TUNUNG RU BANSA' ISRAIL 7:5

Nampataak Raja' Salomo ra 22,000 ngainan sapi' am 120,000 ngainan domba koson ra taak simbalui koson makibarakat ra Tuhan. Koon raginio noyo Raja' Salomo am ngaangai' ulun nampatimpok ra Baloi ru Tuhan.

1 RAJA'-RAJA' 8:63

Raja' Salomo nampataak ra 22,000 ngainan sapi' am 120,000 ngainan domba koson ra taak simbalui koson makibarakat ra Tuhan. Koon raginio noyo Raja' Salomo am ngaangai' ru mamagun napaugar ra patimpokon Baloi ru Tuhan.

PILIPI 4:4

Gama' ru masalok kau makaansuk sumimpung ra Tuhan. Sagulion ku poyo; pakaansuk kano!

JUANIS 10:22

Nasuku' noyo Pangiantakan Pangurumatan ra Baloi Tuhan giu' ra Jirusalim. Io no nakapaat ra bulintok masimu'.

MAZMUR 122:1

Rimbai ru ratangan ri Daut. Maansukan aku amon ulun mindagu raki', “Ibok no ongoi takau ra baloi ru Tuhan.”

IJRA 6:22

Buoi tulu' ngoorou, naansukan ilo nangiantak ra Pangiantakan Ruti' Kalo Linatakan ra Ragi. Naansukan ilo sabap ra Tuhan nangkinibit ra raja' ru pagun ru Asyur mataau guang risilo, saboi io nangindangan risilo nambaal saguli' ra Baloi ru Tuhan, i Aki Kapuuno' ru Israil.

NIGIMIA 7:73

Imam-imam, ulun-ulun ru Liwi, ulun magalung ra kulobon garabang ru Baloi ru Tuhan, ulun-ulun maririmbai am masuang intor ra mamagun toojo, ulun-ulun mangngandoi ra Baloi ru Tuhan, ontoson ragu ngaangai' ulun ru Israil, namagun giu' ra ngaangai' pekan am giu' ra bandar-bandar ru Jiuda.

IJRA 4:1

Pantula' ru ulun ru Jiuda am Binjamin nokorongog ra ilo ondo' minuli' intor ra pamatiran no tatanga' mambaal saguli' ra Baloi ru Tuhan, i Aki Kapuuno' ru Israil.

2 TUNUNG RU BANSA' ISRAIL 30:26

Titikop ru bandar Jirusalim naansukan, sabap ra intor ra pamarintaan ru Raja' Salomo anak ungkuyon ru Raja' Daut, kalo poyo igondo' baal koson ragitio nasauk.

2 TUNUNG RU BANSA' ISRAIL 30:23

ilo ngaangai' namatas koson mamparayus ra pangiantakan no tulu' ngoorou poyo. Nangiantak ilo ra pangiantakan ra naansukan.

1 TUNUNG RU BANSA' ISRAIL 15:28

Ngaangai' mamagun ru Israil namaya' ra Kaban Nabantuan saboi ra Jirusalim ra nagilakup ra naansukan, am niayuk bolos ru bujung, nafiri, simbal am jitor.

1 TUNUNG RU BANSA' ISRAIL 9:2

Intor risilo ondo' siminaguli' galing ra tana' longgom nilo giu' ra bandar-bandar iono ulun nasuangan, imam-imam, ulun ru Liwi am ulun-ulun mangngandoi ra Baloi ru Tuhan.

SAGULION 12:7

Giu' no, giu' ra saang ru Tuhan i Aki Kapuuno' min, ondo' nambarakat noyo ramuyun, mabaya' kau ra sasambaloi min mangakan am sumia' ra ngaangai' ampos ru kandoi min.

NIGIMIA 12:43

Paat ra orou raginio masuang taak simbalui pinataak ri Aki Kapuuno'. Naansukan mamagun sabap ri Aki Kapuuno' nambaal risilo naansukan. Bala ru ruandu' am lalaing niayuk minaya' naansukan, am bolos nilo morongog saboi ra maalur.

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

1 RAJA'-RAJA' 8:62

Kopongo raginio Raja' Salomo am ngaangai' ulun ondo' natitimung ra giu' no nampataak ra taak simbalui ra Tuhan.

DANIL 5:13

Nataki' i Danil inibit muma' ra raja'. Pangkuot raja' riso, “Okou kia i Danil, ulun ru Jaudi ra pinatiran ondo' inibit intor ra Jiuda minongoi ragiti ru raja', ama' kuno?

2 TUNUNG RU BANSA' ISRAIL 29:30

Raja' am tingganai-tingganai ru bansa' nanusub ra ulun-ulun ru Liwi marimbai ra rimbai pangamparan ra Tuhan, rimbai ondo' sinulabit ru Raja' Daut am Nabi Asap. Ngaangai' boo ru ulun narimbai ra naansukan liliwa' migulatur am samba ri Aki Kapuuno'.

NIGIMIA 12:27

Kopongo rinasmi timbok ru bandar Jirusalim, ulun ru Liwi piniau minongoi ra giu' intor ra ngaangai' intok inayanan nilo, maa' raginio sumimpung ilo ra parasmian no am marimbai ra rimbai paringkuanangan, sumbayaan ru miujik gambus am jitor.