Musiti' kou raja' makapandai ra ulun ru Jaudi ondo' minatong ragiti intor ra intok bokon no raino minayan giu' ra Jirusalim am tatanga' mambaal saguli' ra bandar ondo' gugumuor am malaat no. Timinalimpuun ilo noyo nambaal saguli' ra timbok no kalo boo mabuoi pambaalan no mopongo.
“Moogot akai mambala' rirun raja' ra minongoi akai noyo ra Jiuda am nakakito ra Baloi Sambayangan koson ri Aki Kapuuno' Ondo' Maayo, tatanga' baalon saguli' ra batu mangaayo am timbok ondo' linapisan ra tataun. Kandoi no binaal ra matuyu' kaga' am matanda'.