IJRA 5:16 - Tanou Moonsoi Timugon

¹⁶ Ginio ra i Sisbajar minatong ra Jirusalim am nampabanta' ra batu maatang ru Baloi ru Tuhan. Intor raginio saboi raino pambaalan no matanda' kinaugar no, kaa' lakat poyo kalo nopongo.’

IJRA 5:16 ပူးပေါင်းရင်းမြစ်များ

IJRA 3:10

Paat ra ulun-ulun mangngandoi ra pambaalan timinalimpuun napabanta' ra batu maatang ru Baloi ru Tuhan, imam-imam ondo' nambayang ra sukub am nagibit ra bujung minongoi ra intok ru sigagama'. Ulun ru Liwi intor ra bansa' ru Asap niayuk minigor ra giu' no liliwa' nagibit ra agung-agung boborok. Nongompor-ngompor ilo ra Tuhan siminugut ra aturan ondo' inaru' intor ra paat ru Raja' Daut.

IJRA 3:8

Paat ra sila' karuo, ralalom ru bilor karuo kalupus ulun ru Israil siminaguli' ra Jirusalim, timinalimpuun ilo nambaal saguli' ra Baloi ru Tuhan. I Jirubabil, Jisua am ulun rondo' bansa' nilo, imam-imam am ulun-ulun ru Liwi, ontoson ragu, ngaangai' ulun ragili pinatiran, minaya' nangandoi. Ngaangai' ulun ru Liwi ondo' makaumur nasailan 20 ngambilor pinangandoi magalung ra pambaalan ra Baloi ru Tuhan.

IJRA 5:14

Pinasaguli' no poyo kuliamos mas am pirok ondo' pinakai giu' ra ralalom Baloi ru Tuhan. Kuliamos no ginaau ru Raja' Nibukadnijar intor ra Jirusalim am binulian giu' ra ralalom ru kuil nano giu' ra bandar Babil. Tinaakan ru Raja' Koris kuliamos no ra sangulun ondo' inggalan no i Sisbajar, ondo' linantik no nasauk ra gabenor ru Jiuda.

IJRA 5:15

Nanusub Raja' ri Sisbajar mamparuli' ra kuliamos no ra Baloi ru Tuhan giu' ra Jirusalim, am mambaal saguli' ra Baloi no.

IJRA 5:2

Paat ri Jirubabil anak ri Sialtiil am i Jisua anak ri Jojadak nokorongog ra tanou ru nabi-nabi no, ilo tumalimpuun poyo mambaal ra Baloi ru Tuhan giu' ra Jirusalim. Karuruo ngaulun nabi no pana nangindangan risilo.

IJRA 6:15

Nopongo nilo pambaalan no paat ra orou katalu ra sila' Adar, paat ra bilor koonom ra pamarintaan ru Raja' Darius.

AGAI 2:18

Paat ra orou raiti', orou karuo ngoopor am apat ra sila' kasiam, batu maatang ra Baloi Kuno nopongo pinabanta'. Ilai' noyo atan ondo' masauk intor raino.

JAKARIA 4:9

Indagu Io, “Jirubabil napabanta' noyo ra batu maatang ru Baloi Kuno, am mopongo no mambaal ra baloi no. Amon baal raginio masauk, ulun Kuno makapandai ra Aku noyo ondo' nanusub rirun, Jakaria, mongoi risilo.

JUANIS 2:20

Indagu ilo, “Apat ngoopor am onom ngambilor buoi Baloi Tuhan ti naangun, am matapuli' Mu kia buoi kataluan?”