IJRA 3:8 - Tanou Moonsoi Timugon

⁸ Paat ra sila' karuo, ralalom ru bilor karuo kalupus ulun ru Israil siminaguli' ra Jirusalim, timinalimpuun ilo nambaal saguli' ra Baloi ru Tuhan. I Jirubabil, Jisua am ulun rondo' bansa' nilo, imam-imam am ulun-ulun ru Liwi, ontoson ragu, ngaangai' ulun ragili pinatiran, minaya' nangandoi. Ngaangai' ulun ru Liwi ondo' makaumur nasailan 20 ngambilor pinangandoi magalung ra pambaalan ra Baloi ru Tuhan.

IJRA 3:8 ပူးပေါင်းရင်းမြစ်များ

1 TUNUNG RU BANSA' ISRAIL 23:4

Kopongo raginio 24,000 ngaulun risilo pinangandoi ru Raja' Daut koson manalingapu ra kandoi giu' ra Baloi ru Tuhan, 6,000 ngaulun koson manalingapu ra kandoi ru upis pamarintaan am mangakim ra pansangaran,

1 TUNUNG RU BANSA' ISRAIL 3:17

Gitilo noyo papag ru Raja' Joyakin, raja' ondo' rinakop ru ulun ru Babilonia. I Joyakin mokoondo' tulu' anak ungkuyon: Sialtiil,

IJRA 10:18

Gitio noyo suang ru ungkuyon ondo' makaandu' ra bansa' ra bokon: Imam-imam, nakatulis sumugut ra bansa' nano; Bansa' ri Jisua am pabukat-pabukat nano, iono anak-anak ri Jojadak: I Maasiya, Iliijir, Jarib am Gidalia.

IJRA 2:2

Tingganai-tingganai nilo iono i Jirubabil, Jisua, Nigimia, Siraya, Riilaya, Mordikai, Bilsan, Mispar, Bigwai, Rigum am Baana. Gitilo noyo suang ru ulun ru Israil am suang ru ulun intor ra moonong bansa' ondo' siminaguli' intor ra pamatiran: Bansa' Suang ru Ulun

IJRA 3:2

Ginio ra i Jisua anak ri Jojadak am kukula' ngaulun imam ra bokon, i Jirubabil anak ri Sialtiil am pabukat-pabukat nano, nambaal saguli' ra altar ri Aki Kapuuno' ru Israil. Koon raginio noyo ilo nokoponolob ra taak giu' ra rasawat ru altar no sumugut ra panuluan ondo' tinulisan ra ralalom kitab ru Ukum ri Musa, ulipon ri Aki Kapuuno'.

IJRA 4:24

Pambaalan ra Baloi ru Tuhan naputatan saboi ra bilor karuo ra pamarintaan ru Raja' Darius, raja' ru Pirsia.

IJRA 4:3

I Jirubabil, i Jisua am tingganai-tingganai ru ulun minindagu risilo, “Kalo makapakuan akai ra indangan min koson mambaal ra Baloi ru Tuhan, i Aki Kapuuno' mai. Akai galama' mambaal raginio, koson ra ondo' nanusuban ru Raja' Koris, raja' ru Pirsia.”

IJRA 5:16

Ginio ra i Sisbajar minatong ra Jirusalim am nampabanta' ra batu maatang ru Baloi ru Tuhan. Intor raginio saboi raino pambaalan no matanda' kinaugar no, kaa' lakat poyo kalo nopongo.’

IJRA 5:2

Paat ri Jirubabil anak ri Sialtiil am i Jisua anak ri Jojadak nokorongog ra tanou ru nabi-nabi no, ilo tumalimpuun poyo mambaal ra Baloi ru Tuhan giu' ra Jirusalim. Karuruo ngaulun nabi no pana nangindangan risilo.

AGAI 1:1

Paat ra bilor karuo ra pamarintaan ri Darius koson raja' ru Pirsia, paat ra orou kasaa' ra sila' koonom, mindagu Tuhan ondo' pinasaboi galing ra Nabi Agai. Tanou ru Tuhan no posoboyon ri Jirubabil anak ri Sialtiil, gabenor ru Jiuda, am niayuk ra Tingganai Maayo Imam Josua anak ri Jojadak.

JAKARIA 4:9

Indagu Io, “Jirubabil napabanta' noyo ra batu maatang ru Baloi Kuno, am mopongo no mambaal ra baloi no. Amon baal raginio masauk, ulun Kuno makapandai ra Aku noyo ondo' nanusub rirun, Jakaria, mongoi risilo.

JAKARIA 6:12

Balai' io ra Aku, Tuhan Ondo' Maayo Kaga' Kuasa' mindagu, ‘Ulun ondo' sabiton ri Talantar nakasugut giu' ra intok sinarayan nano, am mambaal io saguli' ra Baloi ru Tuhan.

UNTABAN 4:3

am maa' raginio maparijisto ra ngaangai' ungkuyon intor ra 30 am 50 ngambilor, ondo' maaya' mangandoi giu' ra Kim ru Tuhan.