IJRA 3:7 - Tanou Moonsoi Timugon

⁷ Mamagun nanaak ra ruit koson pambayar ra gaji' ru ulun manukang ra batu am ulun manukang ra tataun. Ilo niayuk nangator ra akanon, inumon am umau jaitun giu' ra bandar Tirus am Sidon koson aligin ra tataun sidar intor ra Libanon. Tataun no inibit ra Japo pinaaya' ra raat. Ngaangai' kandoi no binaal ra pangiawan intor ra Raja' Koris, raja' ru Pirsia.

IJRA 3:7 ပူးပေါင်းရင်းမြစ်များ

2 SAMUIL 5:11

Raja' Giram, intor ra pagun Tirus, nangator ra ulun-ulun sinusub nano mongoi ra Raja' Daut. Nangani' Raja' Giram ri Raja' Daut ra tataun sidar, manukang ra tataun am manukang ra batu koson mambaal ra istana.

1 RAJA'-RAJA' 5:6

Susubo' mamagun muno mongoi ra Libanon koson mantagar raki' ra tataun sidar. Mamagun kuno maguyu ra mamagun muno. Bayarin ku mamagun muno, sumugut ra suang ondo' aruon muno. Koson ra napandayan mu noyo, mamagun muno mapandai poyo mantagar ra tataun intor ra mamagun kuno.”

2 RAJA'-RAJA' 12:10

Pogonong raginio, paat ra ruit ralalom ru kaban no masuang noyo, mamamatik ru raja' am Tingganai Maayo Imam matong koson manguntob ra ruit ondo' soroi ra giu' no, am pasubolon ginilo ra ralalom ru kantungan.

2 RAJA'-RAJA' 12:13

Ruit no kalo pinakai koson mambayar ra mambaal ra sangkir pirok, mangkuk, bujung kapoam kuliamos ru lampung, kapoam kuliamos ra bokon ondo' binaal intor ra pirok kapoam mas.

2 TUNUNG RU BANSA' ISRAIL 34:10

Ruit no pinataak ra talu ngaulun ondo' pinangandoi koson magalung ra pamunaan ra Baloi ru Tuhan. Ilo pana nampataak boo ra ruit no

IJRA 3:6

Kabalu' pana mamagun kalo poyo timinalimpuun mambaal saguli' ra Baloi ru Tuhan, timinalimpuun ilo noyo monolob ra taak simbalui tayar ra Tuhan paat ra orou kasaa' ru sila' katulu'.

YEHEZKIEL 27:17

Jiuda am Israil nambali ra kuliamos muno am binayaran ra gandum, ruu' maningot, umau jaitun am apa' pampagamis ra akanon.

JUNUS 1:3

Kaa minongoi i Junus ra intok ru bokon koson minggalur ra Tuhan. Minongoi i Junus ra Jopi, am nakainamot ra kapal ondo' mongoi ra Sipanyol. Pakapambayar ra tambang, sakoi i Junus ra kapal; nasundoi io nababaya' ra ulun-ulun ru kapal mongoi ra Sipanyol, maa' raginio makainggalur io intor ra Tuhan.

RINALATAN 12:20

Mokoondo' kasisangan ru raja' Irodis ra ulun ru Tirus am Sidon. Ginio ra nababaya' ilo minuma' ra raja' Irodis. Ragui' nilo galing i Blastus, pagawai istana, koson makiindangan risilo. Kopongo ragili ongoi ilo uma' ri Irodis koson makimobonsoi riso, sabap ra pagun nilo makaalap ra akanon intor ra pagun ru raja' Irodis.

RINALATAN 9:36

Giu' ra Jopi mokoondo' poyo sangulun ruandu' makainggalan ri Tabita. Nangintopot io ri Jisus. (Inggalan nano ralalom ragu ru Junani am i Dorkas ondo' makaarati' “Tambang”.) Masalok moonsoi baalon nano am mangindangan io niayuk ra ulun musikin.

RINALATAN 9:38

Jopi ti kalo maalur intor ra Lida. Paat ra ulun nangintopot ri Jisus intor ra Jopi nokorongog ra i Pitrus soroi ra Lida, pambilin ilo ra ruo ngaulun intor risilo mongoi ri Pitrus. Pambala' ilo riso, konilai, “Ribaki' noyo am ratong ra Jopi.”

RINALATAN 9:43

Minayan i Pitrus ra kukula' ngoorou poyo ra Jopi, giu' ra baloi ri Simon, io ti sangulun mambaal ra kuliamos intor ra kungkung ru bibiag.