IJRA 3:2 - Tanou Moonsoi Timugon

² Ginio ra i Jisua anak ri Jojadak am kukula' ngaulun imam ra bokon, i Jirubabil anak ri Sialtiil am pabukat-pabukat nano, nambaal saguli' ra altar ri Aki Kapuuno' ru Israil. Koon raginio noyo ilo nokoponolob ra taak giu' ra rasawat ru altar no sumugut ra panuluan ondo' tinulisan ra ralalom kitab ru Ukum ri Musa, ulipon ri Aki Kapuuno'.

IJRA 3:2 ပူးပေါင်းရင်းမြစ်များ

KASAUKAN 12:7

Minintalang Tuhan ri Abram am indagu Io riso, “Gitio noyo pagun ondo' pataakon Ku ra papag muno.” Intok raginio, nambaal boo i Abram ra altar ru Tuhan ondo' minintalang noyo riso.

1 TUNUNG RU BANSA' ISRAIL 23:14

Anak-anak ungkuyon ri Musa, ulipon ri Aki Kapuuno' no, nakasimpung ra ralalom ru bansa' ru Liwi.)

1 TUNUNG RU BANSA' ISRAIL 3:17

Gitilo noyo papag ru Raja' Joyakin, raja' ondo' rinakop ru ulun ru Babilonia. I Joyakin mokoondo' tulu' anak ungkuyon: Sialtiil,

1 TUNUNG RU BANSA' ISRAIL 3:19

I Pidaya mokoondo' ruo anak ungkuyon, i Jirubabil am i Simii. I Jirubabil mokoondo' ruo anak ungkuyon ininggalanan ri Misulam am i Gananya, am sangulun anak ruandu' ininggalanan ri Silomit.

2 TUNUNG RU BANSA' ISRAIL 6:6

Kaa' raino nampili' Aku ra Jirusalim koson ra intok sambayangan Raki', am okou Daut, mamarinta ra ulun Kuno.’ ”

IJRA 10:18

Gitio noyo suang ru ungkuyon ondo' makaandu' ra bansa' ra bokon: Imam-imam, nakatulis sumugut ra bansa' nano; Bansa' ri Jisua am pabukat-pabukat nano, iono anak-anak ri Jojadak: I Maasiya, Iliijir, Jarib am Gidalia.

IJRA 10:20

Bansa' ru Imir: I Ganani am Jibaja.

IJRA 10:21

Bansa' ru Garim: I Maasiya, Ilia, Simaya, Jiwil am Ujia.

IJRA 10:22

Bansa' ru Pasyur: I Ilyoinai, Maasiya, Ismail, Nitaniil, Jojabad am Ilasa.

IJRA 2:2

Tingganai-tingganai nilo iono i Jirubabil, Jisua, Nigimia, Siraya, Riilaya, Mordikai, Bilsan, Mispar, Bigwai, Rigum am Baana. Gitilo noyo suang ru ulun ru Israil am suang ru ulun intor ra moonong bansa' ondo' siminaguli' intor ra pamatiran: Bansa' Suang ru Ulun

IJRA 3:8

Paat ra sila' karuo, ralalom ru bilor karuo kalupus ulun ru Israil siminaguli' ra Jirusalim, timinalimpuun ilo nambaal saguli' ra Baloi ru Tuhan. I Jirubabil, Jisua am ulun rondo' bansa' nilo, imam-imam am ulun-ulun ru Liwi, ontoson ragu, ngaangai' ulun ragili pinatiran, minaya' nangandoi. Ngaangai' ulun ru Liwi ondo' makaumur nasailan 20 ngambilor pinangandoi magalung ra pambaalan ra Baloi ru Tuhan.

IJRA 5:2

Paat ri Jirubabil anak ri Sialtiil am i Jisua anak ri Jojadak nokorongog ra tanou ru nabi-nabi no, ilo tumalimpuun poyo mambaal ra Baloi ru Tuhan giu' ra Jirusalim. Karuruo ngaulun nabi no pana nangindangan risilo.

NIGIMIA 12:1

Gitio noyo suang ru inggalan ru imam-imam am ulun ru Liwi ondo' minuli' intor ra pamatiran nababaya' ri Jirubabil anak ri Sialtiil am Tingganai Maayo Imam i Jisua:

NIGIMIA 12:8

Ulun ru Liwi: Ulun maningganai ra rimbai paringkuanangan: I Jisua, Binui, Kadmiil, Siribia, Jiuda am Matanya.

MAZMUR 78:68

Kaa' pinili' No bansa' ri Jiuda am Bulur Sion ondo' topot-topot tagamin No.

KAINGKUALAN 27:1

“Baalo' noyo rondo' altar intor ra tataun akasia. Altar no musiti' apat persegi, gawar no 2.2 ngamito, pila' no 2.2 ngamito am sawat no 1.3 ngamito.

AGAI 1:1

Paat ra bilor karuo ra pamarintaan ri Darius koson raja' ru Pirsia, paat ra orou kasaa' ra sila' koonom, mindagu Tuhan ondo' pinasaboi galing ra Nabi Agai. Tanou ru Tuhan no posoboyon ri Jirubabil anak ri Sialtiil, gabenor ru Jiuda, am niayuk ra Tingganai Maayo Imam Josua anak ri Jojadak.

AGAI 1:12

Kopongo raginio i Jirubabil am i Josua am niayuk ngaangai' ulun ru Israil ondo' siminaguli' noyo intor ra namatiran giu' ra Babilonia, giminagaya' ra ragu-ragu ri Nabi Agai, ulun sinusub ru Tuhan no. Nambaal ilo ra atan ondo' sinusub ru Tuhan risilo, sabap ra malaa' ilo ra Tuhan.

AGAI 1:14

Koson raginio noyo Tuhan nanugog ra guang ri Jirubabil, gabenor ru Jiuda no, Tingganai Maayo Imam i Josua, am ngaangai' ulun ondo' siminaguli' noyo intor ra pamatiran maa' raginio mambaal ra Baloi ru Tuhan Ondo' Maayo Kaga' Kuasa', i Aki Kapuuno' nilo.

AGAI 2:21

koson posoboyon ri Jirubabil, gabenor ru Jiuda. Indagu Tuhan, “Kalo boo mabuoi uyogon Ku limbowon am tana' ti,

AGAI 2:23

Paat orou raginio, okou Jirubabil, ulipon Kuno, pasaukon Tokou koson mamarinta ralalom ru inggalan Kuno, sabap okou noyo ondo' pinili' Kuno.” Ginio noyo ragu ru Tuhan Ondo' Maayo Kaga' Kuasa'.

JAKARIA 3:1

Ralalom ru pinaintalang ra bokon, nanulu' Tuhan ra Tingganai Maayo Imam Josua raki'. Tingganai Maayo Imam Josua tatanga' minigor ra saang ru malaikat ru Tuhan. Tingganai ru riwato ondo' nakatampos noyo koson manguu' ri Josua, minigor ra sapapa' ri Josua.

JAKARIA 3:8

Rongogo' noyo Tingganai Maayo Imam Josua, am niayuk akau imam ondo' nasauk ra rangan nano, akau ngaangai' tatandu' ru orou matong ondo' moonsoi. Paat raginio, susubon Ku ulipon Kuno ondo' sabiton ri ‘Talantar’.

JAKARIA 6:11

Baalo' rondo' karaun intor ra mas am pirok ondo' pinataak nilono, am pasampako' karaun no ra ulu ri Tingganai Maayo Imam i Josua anak ri Jojadak.

UNTABAN 28:2

mapasaboi ra susuban ti ra ulun ru Israil. Paat ra ondo' inaru', musiti' ilo mapataak ra taak akanon ondo' owou no mapabansuk ra guang ru Tuhan.

LUKAS 3:27

I Joda anak ri Joganan, i Joganan anak ri Risa, i Risa anak ri Jirubabil, i Jirubabil anak ri Sialtiil am Sialtiil anak ri Niri.

TINGGANAI RU BANSA' 6:24

Nambaal i Gidion rondo' altar tayar ru Tuhan ra giu' no am inggalani' no ra “Tuhan Puun ru Kaansayan”. Saboi raino altar no lakat poyo soroi giu' ra Opra, bandar longgom ru bansa' ru Abiijir.