IJRA 3:13 - Tanou Moonsoi Timugon

¹³ Sabap raginio bolos magilakup ra maansukan kalo maalap katalinaasi' intor ra bolos ru tangi'; ginia' no morongog saboi ra maalur.

IJRA 3:13 ပူးပေါင်းရင်းမြစ်များ

1 RAJA'-RAJA' 1:40

Kopongo raginio namaya' ilo ra Raja' Salomo siminaguli' ra istana liliwa' giminolok-golok am nanamput ra tulali. Bolos nilono mosongou kaga' saboi tana' ti koson ra lumapak sabap ra gogolos no.

1 RAJA'-RAJA' 1:45

I Jadok am i Natan nampalantik ri Salomo nasauk ra raja' ra inumau ulu nano ra umau, giu' ra taur ru timug Gigon. Kopongo raginio minumpos ilo ra bandar liliwa' gogolos. Ginio noyo gogolos ondo' norongog min ra raitii' ni.

IJRA 3:12

Masuang intor ra imam, ulun ru Liwi am tingganai ru bansa' ondo' mangatutuo noyo igondo' nakakito ra Baloi ru Tuhan ragili. Paat ilo nakakito ra batu maatang ru Baloi ru Tuhan ondo' gitio pinabanta', nantangi' ilo ra mosongou. Kaa' ulun ra bokon ondo' siminaang ra giu' no nangilakup sabap ra naansukan.

IJRA 4:1

Pantula' ru ulun ru Jiuda am Binjamin nokorongog ra ilo ondo' minuli' intor ra pamatiran no tatanga' mambaal saguli' ra Baloi ru Tuhan, i Aki Kapuuno' ru Israil.

NIGIMIA 12:43

Paat ra orou raginio masuang taak simbalui pinataak ri Aki Kapuuno'. Naansukan mamagun sabap ri Aki Kapuuno' nambaal risilo naansukan. Bala ru ruandu' am lalaing niayuk minaya' naansukan, am bolos nilo morongog saboi ra maalur.

MAZMUR 5:11

Ukumi' noyo ilo, iou Aki Kapuuno'; polosoo' ilo malumaagan sabap ra ilo galama' nampaguang. Pagiruo' ilo no sabap ra tula nilono masuang kaga' am niayuk giminuor ilo no Rirun.

JIRIMIA 33:11

bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

JIRIMIA 50:4

Indagu Tuhan, “Masaboi paat no, mamagun ru Israil am Jiuda matong mababaya' liliwa' mantangi' am maguyum Raki', i Aki Kapuuno' nilo.

JAKARIA 4:7

Ompong maayo koson ra gunung pana inggion intor ra saang muno. Baalon mu sagulio' Baloi Kuno, am paat ra okou napabanta' ra batu ondo' pupus toojo ra intok nano, ulun gumolok, ‘Mapara' boo bonsoi no!’ ”

TINGGANAI RU BANSA' 2:5

Ginio sabap ra intok no ininggalanan ra Bokim. Giu' no nampataak ilo ra taak simbalui ra Tuhan.

1 SAMUIL 4:5

Paat ra Kaban Nabantuan no nakasaboi ra pangkiman, noloos saujor ru Israil ra mapuor kaga' sabap ra naansukan, saboi tana' ti mapuyu'.