IJRA 3:10 - Tanou Moonsoi Timugon

¹⁰ Paat ra ulun-ulun mangngandoi ra pambaalan timinalimpuun napabanta' ra batu maatang ru Baloi ru Tuhan, imam-imam ondo' nambayang ra sukub am nagibit ra bujung minongoi ra intok ru sigagama'. Ulun ru Liwi intor ra bansa' ru Asap niayuk minigor ra giu' no liliwa' nagibit ra agung-agung boborok. Nongompor-ngompor ilo ra Tuhan siminugut ra aturan ondo' inaru' intor ra paat ru Raja' Daut.

IJRA 3:10 ပူးပေါင်းရင်းမြစ်များ

1 TUNUNG RU BANSA' ISRAIL 15:27

Paat raginio Raja' Daut nansukub intor ra konoon linon malumis. Koon raginio niayuk ra bayang ru ulun mangkukuli ra miujik am i Kinanya, tingganai nilo, am niayuk ngaangai' ulun ru Liwi ondo' nangkayang ra Kaban no. Raja' Daut niayuk nambayang ra efod intor ra konoon linon.

1 TUNUNG RU BANSA' ISRAIL 16:37

Raja' Daut nampalantik ri Asap am gino ngai' ru ulun nano maa' raginio mangandoi ilo ayuk ralalom ru panalingapuan ra baal-baal ondo' makakulawit ra sambayang giu' ra intok napabantaan ra Kaban Nabantuan ru Tuhan. Moonong orou musiti' ilo mangandoi ra giu' no,

1 TUNUNG RU BANSA' ISRAIL 16:42

I Giman am i Jidutun niayuk manalingapu ra bujung, simbal am niayuk kuliamos miujik ra bokon ondo' pinakai koson kulion paiison ra rimbai-rimbai pangamparan. Ulun-ulun ru bansa' ri Jidutun pinangandoi koson magalung ra kulobon-kulobon garabang.

1 TUNUNG RU BANSA' ISRAIL 23:5

4,000 ngaulun koson ra ulun magalung, am 4,000 ngaulun koson mongompor ra Tuhan am kuliamos ru miujik ondo' tinampos ru raja'.

2 TUNUNG RU BANSA' ISRAIL 35:14

Kopongo raginio bagu no tinayar ru ulun ru Liwi ra ilo galama' am imam-imam papag ri Arun, sabap ra saboi ra rondom imam-imam nangandoi nonolob ra bibiag-bibiag ondo' pinataak koson ra taak simbalui koson mapabansuk ra guang ru Tuhan, am nonolob ra lomok intor ra taak-taak simbalui no.

2 TUNUNG RU BANSA' ISRAIL 35:15

Kukula' ngaulun mangkuli ra miujik intor ra bansa' ru Asap ralalom bansa' ru Liwi, iono i Asap, Giman am Jidutun nabi ru raja' no, minongoi ra intok nilo koson ondo' inaru' ru Raja' Daut. Ulun magalung ondo' nangandoi giu' ra kulobon garabang Baloi ru Tuhan kalo pana mangiruan ra intok-intok alungin nilo sabap ra ulun-ulun ru Liwi ra bokon nomongo noyo ra luntuk ra Pangiantakan Paska koson risilo.

IJRA 5:16

Ginio ra i Sisbajar minatong ra Jirusalim am nampabanta' ra batu maatang ru Baloi ru Tuhan. Intor raginio saboi raino pambaalan no matanda' kinaugar no, kaa' lakat poyo kalo nopongo.’

MAZMUR 150:5

Omporo' Io ra simbal boborok ondo' matangil! Omporo' Io ra simbal maayo ondo' makabinangung!

AGAI 2:15

Indagu Tuhan, “Ilai' noyo atan ondo' nasauk noyo ra kalo poyo orou raiti', paat ra Baloi Kuno kalo poyo pinuna'? Ati kulaan kia baal min paat ragili?

JAKARIA 4:6

Nanusub malaikat no raki' nampasaboi ra tanou ru Tuhan ti ri Jirubabil, “Makasugut kou sala' ka kaikangan ru saujor kapoam kaikangan muno galama', kaa' ra Ambiluo Kuno.

JAKARIA 4:7

Ompong maayo koson ra gunung pana inggion intor ra saang muno. Baalon mu sagulio' Baloi Kuno, am paat ra okou napabanta' ra batu ondo' pupus toojo ra intok nano, ulun gumolok, ‘Mapara' boo bonsoi no!’ ”

JAKARIA 6:12

Balai' io ra Aku, Tuhan Ondo' Maayo Kaga' Kuasa' mindagu, ‘Ulun ondo' sabiton ri Talantar nakasugut giu' ra intok sinarayan nano, am mambaal io saguli' ra Baloi ru Tuhan.

JAKARIA 7:3

Sinusub ilo niayuk mangkuot ra imam-imam am nabi-nabi, “Lakat poyo kia akai musiti' manulaboi ra kapusaan ru Baloi ru Tuhan ra mampali ra moonong sila' kalimo, koson ondo' binaal mai ra bibilor buoi no?”

1 SAMUIL 22:18

Ginio ra indagu Raja' Saul ri Doig, “Okou noyo mamatoi risilo!” Pinatoi boo ri Doig no ngaangai' ru imam no. Paat ra orou raginio namatoi io ra balu' ngoopor am limo ngaulun imam ondo' iniou mambayang ra efod.