IJRA 2:63 - Tanou Moonsoi Timugon

⁶³ Gabenor ru pagun Jiuda nanginggalar risilo mangakan ra akanon ondo' pinataak ri Aki Kapuuno', saboi mokoondo' sangulun imam ondo' nakaalap ra pakituluan ra namakai ra Urim am Tumim.

IJRA 2:63 ပူးပေါင်းရင်းမြစ်များ

IJRA 2:64

Suang ru ulun pinatiran ondo' minuli' ra pagun nilai iono 42,360 ngaulun. Ulun mangindangan risilo, ungkuyon am ruandu' suang no 7,337 ngaulun. Ulun maririmbai ungkuyon am ruandu' suang no 200 ngaulun. Nagibit ilo niayuk ra bibiag nilo: kuda 736 baghal 245 unta 435 kaladai 6,720

NIGIMIA 10:1

Ulun kasaa' ondo' siminain raginio iono Gabenor Nigimia anak ri Gakalia. Baya' boo i Jidikia, am tauli ti ulun ragitilo:

NIGIMIA 10:2

Imam-imam: Siraya, Ajaria, Jirimia, Pasyur, Amarya, Malkia, Gatus, Sibania, Maluk, Garim, Mirimot, Obaja, Danil, Giniton, Baruk, Misulam, Abia, Miyamin, Maajia, Bilgai am Simaya.

NIGIMIA 7:65

Gabenor ru wilayah Jiuda nanginggalar risilo mangakan ra akanon ondo' pinataak ri Aki Kapuuno', ra kalo poyo mokoondo' ra sangulun imam ondo' makapakitulu' mamakai ra Urim am Tumim.

NIGIMIA 8:9

Pokorongog mamagun ra pambasaan Taurat no, nalamawan ilo saboi nantangi' ilo. Ginio ra Gabenor Nigimia am Imam Ijra, ulun mapandai kaga' ra Taurat no, am ulun ru Liwi ondo' tatanga' mambala' ra liliwaan Taurat no nambala' ra mamagun, “Orou raiti' orou patimpokon koson ra Tuhan, i Aki Kapuuno' min. Ginio ra pai' kano mangiluk guang kapoam mantangi'.

KAINGKUALAN 28:30

Pabulio' Urim am Tumim ralalom ru utau no maa' raginio maibit ri Arun paat ra io matong ra saang Kuno ondo' matulai. Paat ra koson raginio musiti' io magail magutau raginio koson makapandai ra kasagaan Kuno ra ulun ru Israil.”

IMAMAT 2:10

Suwo ru taak simbalui no longgom ru imam-imam. Taak ti matulai kaga' sabap ra inalap intor ra akanon ondo' pinataak noyo ra Tuhan.

IMAMAT 2:3

Suwo ru taak simbalui koson paringkuanangan ra Tuhan no iono longgom ru imam-imam. Taak ti matulai kaga' sabap ra inalap intor ra akanon ondo' pinataak noyo ra Tuhan.

IMAMAT 22:10

“Ulun intor ra sasambaloi ru imam no ayuk ondo' makaakan intor ra taak simbalui ondo' palilion ayuk no. Ulun ra bokon kalo makaakan raginio, kabalu' pana mayan ulun no masimpung ra imam, kapoam ulun no mangngandoi ra imam.

IMAMAT 22:13

Kaa' anak ruandu' ru imam ondo' napuor noyo, kapoam ondo' inali am kolondo' anak, am minayan saguli' ra ama' nano am ama' nano mampakan riso, makaakan ra akanon ondo' maapu ru ama' nano ra imam no. Sasambaloi ru imam ayuk makaakan ra taak simbalui no.

IMAMAT 6:29

Moonong ungkuyon intor ra sasambaloi ru imam paakanon ra taak simbalui ti; taak simbalui ti matulai kaga'.

IMAMAT 7:16

Paat ra sasangulun mapataak ra taak simbalui koson makibarakat ra Tuhan, ra kuayan manugut ra nazar nano kapoam koson ra taak ondo' pataakon no ayuk toojo, kalo pana akanon ngaangai' taak simbalui raginio paat ra orou papataakan ra taak simbalui no. Suwo no maakan ra suabon no.

IMAMAT 8:8

Pautawo' niayuk ri Musa utau no ri Arun am pasuango' Urim am Tumim ralalom ru utau no.

UNTABAN 18:19

Ngaangai' indangan luntukon ondo' pataakon ru ulun ru Israil Raki', pataakon Ku rirun, anak-anak muno ra ungkuyon am ruandu' ra sabuoi-buoi no. Nabantuan ti kalo maalap kasulang; binaal Ku noyo ginio rirun am papag muno.”

UNTABAN 18:32

Kolondo' sala min paat ra akau mangakan raginio, malupus ayuk makataak min noyo tayar ondo' moonsoi kaga' ra Tuhan. Kalo pajamalin ramuyun taak ra mapasau intor ra ulun ru Israil ra mangakan ra atan pana intor ra taak no ra kalo poyo makataak tayar ondo' moonsoi kaga' ra Tuhan. Amon ru manggal kau ra aturan no, ukumin kau ra matoi.”

UNTABAN 27:21

I Josua musiti' makitaak ra panuluan intor ra Imam Iliajar, am i Iliajar musiti' mangkuot ra kasagaan Kuno ra mamakai ra Urim am Tumim. Kon ragitio noyo ralan ra makapanaak i Iliajar ra panuluan ri Josua am ra ngaangai' ulun ru Israil ralalom ru ngaangai' baal ondo' umaan nilo.”

SAGULION 33:8

Intor ra bansa' ru Liwi, indagu io, “Iou Tuhan, pabalaa' noyo kasaga' Muno ralalom ru Urim am Tumim, ralalom ru ulun ru Liwi, ulipon Muno ondo' gumagaya'. Nangkinam Kou noyo risilo giu' ra Masa, am napainono' ra gagaya' nilo giu' ra taur ru timug Miriba.

1 SAMUIL 28:6

Nangkuot io ra Tuhan intor ra atan musiti' baalon nano. Kaa' Tuhan kalo timinaam, iou pana ra inupi, kapoam ra Urim am Tumim, kapoam ra pinabala' galing ra nabi.