IJRA 10:8 - Tanou Moonsoi Timugon

⁸ Ginio noyo susuban ra tingganai-tingganai ru mamagun. Osoi ayuk ondo' kalo makasaang ralalom ru talu ngoorou, ngaangai' rapu' longgom nano talingaawon, am io kalo boo karaan koson ra ulun ru bansa' ru Israil.

IJRA 10:8 ပူးပေါင်းရင်းမြစ်များ

IJRA 10:7

Pinatanou boo giu' ra titikop ru Jirusalim am Jiuda ra ngaangai' ulun ondo' minuli' intor ra pamatiran, musiti' sumaang ra rondo' pantuuman giu' ra Jirusalim.

IJRA 10:9

Ralalom ru buoi talu ngoorou, iono paat ra orou karuo ngoopor ra sila' kasiam, ngaangai' ungkuyon ondo' minayan giu' ra tampilon ru Jiuda am Binjamin minatong ra Jirusalim am natimung giu' ra liliut Baloi ru Tuhan. Paat ra orou raginio, riminasam ra maawas. Ngaangai' ulun nonontol sabap ra nasimuan am niayuk sabap ra maatang pantuuman raginio.

IJRA 7:26

Osoi ayuk ondo' kalo gumagaya' ra ukum ri Aki Kapuuno' muno kapoam undang-undang ru pamarintaan, musiti' ukumin ra pulaliin ra ukuman matoi, kapoam patirin, kapoam gaawon rapu' kapoam ukumin ra aputon.”

NIGIMIA 13:28

I Joyada iono anak ru Tingganai Maayo Imam Ilyasib, kaa' sangulun intor ra anak ri Joyada nagandu' ra anak ruandu' ri Sanbalat intor ra bandar Bit-Oron. Ginio ra nanusub aku ri Joyada nangiruan ra Jirusalim.

NIGIMIA 13:3

Pokorongog ulun ru Israil ra tayar ru Taurat no binasa', pinasuai nilo ngaangai' bansa' ra bokon intor risilo.

IMAMAT 27:28

Kolondo' sangulun pana makapantalan kapoam mamuli' ra atan ondo' patimpokon ra kolondo' syarat koson ra Tuhan, ondo' kia ulun, bibiag kapoam tana'. Ngaangai' no masauk ra Tuhan tatangan ra sabubuoi no.

MATIUS 18:17

Amon ru kalo niayuk mangkirongog io ti, pabalaa' baal raginio ra pasimpungan ulun makapangintapatan. Pupus ti, amon ru kalo niayuk mangkirongog io ra ragu ragitio, karaa' noyo io ti koson ra kalo nakaulig ri Aki Kapuuno' kapoam sangulun mampalulur ra cukai.”

JUANIS 16:2

Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

JUANIS 9:22

Matuo nano minindagu koson raginio sabap ra nalaa' ilo ra tingganai ru ulun ru Jaudi no, sabap ra nakapaguguum ilo noyo ra osoi ayuk mangiou ra i Jisus noyo Mamamayag ondo' sinusub ri Aki Kapuuno', inggalarin ulun no mumpos ra baloi sambayangan.

JUANIS 9:34

Konilo riso, “Okou ti makatula noyo intor ra okou inanak ayuk poyo; am mangila' kou boo kia ramon?” Ininggalaran nilo boo io mumpos ra baloi sambayangan i.

JOSUA 6:19

Ngaangai' kuliamos ondo' binaal intor ra pirok, mas, gangsa' kapoam basi' musiti' pasuayon tayar ru Tuhan. Kuliamos-kuliamos raginio ibiton ra intok pambulian ra rapu' ru Tuhan.”

TINGGANAI RU BANSA' 21:5

Pangkuot ilo boo, “Mokoondo' kia bansa'-bansa' ra gino ngai' ru ulun ru Israil ondo' kalo maya' sambayang ra Tuhan giu' ra Mijpa ragili?” (Nakapagibot noyo ulun ru Israil ra osoi kalo mongoi ra Mijpa paat raginio musiti' ukumin ra potoyon).

1 SAMUIL 11:7

Nangalap Raja' Saul ra ruo ngainan sapi' am tinata'-tata' no nasauk ra masuang tata'. Kopongo raginio nanusub io ra kukula' ngaulun nagibit ra tata'-tata' ru sapi' no ra titikop ru pagun ru Israil nabaya' ra susuban, “Osoi ayuk kalo maya' ra Raja' Saul am i Samuil mongoi pangayou, sapi' nano tataan koson ragitio!” Nalaa' ulun ru Israil ra atan lair ondo' baalon ru Tuhan, am ngaangai' ru ulun, kalo ra sangulun pana nakasuai, minongoi baya' ra mangayou.