IJRA 10:7 - Tanou Moonsoi Timugon

⁷ Pinatanou boo giu' ra titikop ru Jirusalim am Jiuda ra ngaangai' ulun ondo' minuli' intor ra pamatiran, musiti' sumaang ra rondo' pantuuman giu' ra Jirusalim.

IJRA 10:7 ပူးပေါင်းရင်းမြစ်များ

2 TUNUNG RU BANSA' ISRAIL 30:5

Nampiau ilo ra ngaangai' ulun ru Israil, intor ra Dan giu' ra ralayo saboi ra Birsyiba giu' ra rabugus, maa' raginio tumimung giu' ra Jirusalim koson mangiantak ra Paska sumugut ra inaru' giu' ra ralalom ru Ukum ri Musa. Masaga' ilo mangiantak ra Paska ra maayo.

IJRA 1:1

Paat ra bilor kasaa' ra pamarintaan ru Raja' Koris, raja' ru Pirsia, sinugut ru Tuhan ragu Nano ondo' pinasaboi Nali pinabala' galing ra Nabi Jirimia. Inunsu' ru Tuhan guang ri Raja' Koris maa' raginio mangingkual ra susuban tinulisan, ondo' atarin koson basaan giu' ra titikop ru pamarintaan nano. Bolos no koson ragitio:

IJRA 10:6

Kopongo ilo nagibot, minongoi i Ijra intor ra tampilon ra saang ru Baloi ru Tuhan minongoi ra intok inayanan ri Joganan anak ri Ilyasib. Nombolong i Ijra ra giu' no ra rondom am mangiluk guang sabap ra mangkara' ra kolondo' gagaya' ru ulun intor ra pamatiran no. Kalo nangakan kapoam nanginum io ra atan pana.

IJRA 10:8

Ginio noyo susuban ra tingganai-tingganai ru mamagun. Osoi ayuk ondo' kalo makasaang ralalom ru talu ngoorou, ngaangai' rapu' longgom nano talingaawon, am io kalo boo karaan koson ra ulun ru bansa' ru Israil.