IJRA 10:6 - Tanou Moonsoi Timugon

⁶ Kopongo ilo nagibot, minongoi i Ijra intor ra tampilon ra saang ru Baloi ru Tuhan minongoi ra intok inayanan ri Joganan anak ri Ilyasib. Nombolong i Ijra ra giu' no ra rondom am mangiluk guang sabap ra mangkara' ra kolondo' gagaya' ru ulun intor ra pamatiran no. Kalo nangakan kapoam nanginum io ra atan pana.

IJRA 10:6 ပူးပေါင်းရင်းမြစ်များ

IJRA 10:1

Liliwa' nantangi' igulatur i Ijra koson makiasi' am mangiou ra saang ru Baloi ru Tuhan. Liliwa' raginio masuang ulun ru Israil – ungkuyon, ruandu' am lalaing – minatong timinimung limpu riso; ilo niayuk sasisikok nantangi'.

IJRA 10:7

Pinatanou boo giu' ra titikop ru Jirusalim am Jiuda ra ngaangai' ulun ondo' minuli' intor ra pamatiran, musiti' sumaang ra rondo' pantuuman giu' ra Jirusalim.

IJRA 9:4

Mangiluk kaga' guang kuno am nanturung ra giu' no saboi ra paat koson mampataak ra taak simbalui ra mai' ti. Masuang ulun minatong timung limpu raki'. Ngaangai' ulun no nangalaa' sabap ra lolob ri Aki Kapuuno' ra tula ondo' binaal nilo ondo' minuli' intor ra pamatiran.

NIGIMIA 12:10

Gitilo noyo suang ru papag ru Tingganai Maayo Imam Jisua: I Jisua ama' ri Joyakim; Joyakim ama' ri Ilyasib; Ilyasib ama' ri Joyada;

NIGIMIA 12:22

Suang ru inggalan ru tingganai-tingganai ru imam am ulun ru Liwi binaal bulintok ra Tingganai Maayo Imam ragitio: I Ilyasib, Joyada, Joganan am Jadua. Suang ru inggalan raginio nopongo bulintok ri Darius nasauk ra raja' ru Pirsia.

NIGIMIA 13:28

I Joyada iono anak ru Tingganai Maayo Imam Ilyasib, kaa' sangulun intor ra anak ri Joyada nagandu' ra anak ruandu' ri Sanbalat intor ra bandar Bit-Oron. Ginio ra nanusub aku ri Joyada nangiruan ra Jirusalim.

NIGIMIA 13:5

Nangiou i Ilyasib ri Tobia mamakai ra rondo' lamin maayo, ondo' sotopot no alapon ayuk koson pambulian ra papataakan unor-unor am kaminyan, kuliamos ondo' pakayon giu' ra Baloi ru Tuhan, papataakan tayar ru imam, papataakan sampiopor intor ra unor-unor, wain am umau jaitun tayar ra ulun ru Liwi, ulun mangkukuli ra miujik giu' ra Baloi ru Tuhan am ulun magalung ra Baloi ru Tuhan.

NIGIMIA 3:1

Gitio noyo ralan ra timbok ru bandar Jirusalim pinuna'. Tingganai Maayo Imam Ilyasib am imam-imam ra bokon nambaal saguli' ra Kulobon Garabang Domba, napatapuli' ra angob-angob ru kulobon no am patimpokon ngaangai' no. Patimpokon nilo timbok saboi ra Manara Maatus am Manara Gananil.

NIGIMIA 3:20

I Baruk anak ri Jabai nambaal ra tayar ru timbok ra tunggul no, saboi ra kulobon ru baloi ru Tingganai Maayo Imam Ilyasib;

AYUP 23:12

Susuban-susuban ri Aki Kapuuno' masalok gagayaan ku, sumugut aku ra kasagaan Nano, sala' ka kasagaan kuno galama'.

MAZMUR 102:4

Kaayagan kuno lumiot koson ra lisun; inan kuno koson ayuk ra nosolob.

KAINGKUALAN 34:28

Soroi i Musa ra intok no nabaya' ra Tuhan buoi apat ngoopor ngoorou am apat ngoopor ngorondom, kalo nangakan am nanginum. Nanulis i Musa ra ragu nabantuan no ra batu pamatikan no.

JISAYA 22:12

Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.

DANIL 9:3

Aku pana makiasi' toojo ra Tuhan, i Aki Kapuuno', nakimasi' Riso, liliwa' nampali am nambayang ra karung, am niayuk nanturung ra rasawat ru kaau.

SAGULION 9:18

Kopongo raginio igondo' poyo kubu samba aku ra saang ru Tuhan buoi apat ngoopor ngoorou am apat ngoopor ngorondom, am kalo nangakan kapoam nanginum ra atan pana. Binaal kuno koson raginio sabap ra akau makatula noyo ra Tuhan am nangkinibit Riso siminangit.