IJRA 10:14 - Tanou Moonsoi Timugon

¹⁴ Iowo' noyo tingganai-tingganai maino mayan giu' ra Jirusalim koson manalingapu ra baal ragitio. Kopongo raginio moonong ulun ondo' makaandu' ra bansa' ra bokon musiti' matong ra giu' no ra paat inaru' noyo, am mongoi mababaya' ra tingganai am akim ru bandar ru sigagama'. Koon ra ralan raginio i Aki Kapuuno' kalo boo sumangit ritakau sabap ra baal raginio.”

IJRA 10:14 ပူးပေါင်းရင်းမြစ်များ

2 RAJA'-RAJA' 23:26

Kaa' sangit ru Tuhan ra Jiuda ondo' pinasingkual ru Raja' Manasi nanimbula' toojo saboi paat raginio pana Tuhan lakat poyo sumangit.

2 TUNUNG RU BANSA' ISRAIL 28:11

Rongogo' noyo, ulun rinakop ti pabukat min. Palabuso' ilo! Amon ru kalo, Tuhan sumangit ramuyun am mangukum ramuyun.”

2 TUNUNG RU BANSA' ISRAIL 29:10

“Raino aruon ku koson mambaal ra nabantuan ra Tuhan, i Aki Kapuuno' ru Israil, maa' raginio Io kalo boo sumangit ritakau.

2 TUNUNG RU BANSA' ISRAIL 30:8

Pai' bambalingatan koson risilo. Gagaya' no ra Tuhan. Ratong no ra Baloi ru Tuhan giu' ra Jirusalim, ondo' paluntukon ayuk ra Tuhan, i Aki Kapuuno' min koson ra sabubuoi no. Sambayang no Riso maa' raginio Kalo boo sumangit Io ramuyun.

IJRA 10:13

Kaa' konilo poyo, “Pantimungan ti maayo kaga', rasam ti pana maawas. Kalo boo tumaan akai migor ra intok ondo' malimparang ti. Inambai poyo ra baal ragitio sala' ka baal ondo' maalap kasalasai ralalom ru songorou kapoam ruo ngoorou, sabap no ra masuang kaga' ra gino ngai' mai ondo' nakalabit ra tula ti.

IJRA 10:15

Kolondo' sangulun pana minansang ra inatangan raginio ondo' ak am i Jonatan anak ri Asail am i Jagjiya anak ri Tikwa. Sinaung ilo ri Misulam am i Sabitai, sangulun Liwi.

MAZMUR 78:38

Kaa' makaasi' i Aki Kapuuno' ra ulun Nano. Ampunon No tula nilono am kalo mamuso risilo. Masalok Io mongorot ra sangit Nano, am kalo paabuson no sangit Nano.

JISAYA 12:1

Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

UNTABAN 25:4

am indagu ri Musa, “Rokopo' ngaangai' tingganai ru ulun am potoyo' ilo paat ra matawang, sumugut ra susuban Kuno, maa' raginio kalo boo sumangit Aku ra ulun ragitio.”

SAGULION 13:17

Pai' alap ra atan pana ondo' inulas noyo ra pusoon, am tumalikur Tuhan intor ra sangit Nano am makaasi' ramuyun. Makaasi' Io ramuyun am masauk kau ra bansa' ondo' maayo suang nano, koson ra ondo' binantu' Nano ra kinamatuaan mini.

SAGULION 17:9

Giu' no, pabalaa' baal raginio ra imam ru bansa' ru Liwi, am ra akim ondo' mangandoi paat raginio. Polosoo' noyo ilo mangakim ra baal raginio.

JOSUA 7:26

Pumpuni' nilo boo ra batu saboi nasauk rondo' pumpun ondo' maayo. Pumpun ru batu no lakat poyo soroi saboi ra orou raiti'. Ginio sabap ra intok no lakat poyo ininggalanan ra Limayak Kapaganan. Kopongo raginio kalo boo siminangit Tuhan.