IJRA 1:5 - Tanou Moonsoi Timugon

⁵ Ginio ra tingganai ru bansa' intor ra bansa' ru Jiuda am Binjamin, imam-imam am niayuk ulun-ulun ru Liwi, am moonong ulun ondo' inunsu' guang no ri Aki Kapuuno', timinampos koson muli' ra Jirusalim am mambaal saguli' ra Baloi ru Tuhan.

IJRA 1:5 ပူးပေါင်းရင်းမြစ်များ

2 TUNUNG RU BANSA' ISRAIL 36:22

Paat ra bilor kasaa' ra pamarintaan ru Raja' Koris, raja' Pirsia, inintopot ru Tuhan ragu Nano ondo' pinasaboi ru Nabi Jirimia. Namuir Tuhan ra guang ru Raja' Koris maa' raginio mangingkual ra susuban tinulisan koson basaan giu' ra titikop ru pamarintaan nano. Bolos ru surat no koon ragitio,

IJRA 1:1

Paat ra bilor kasaa' ra pamarintaan ru Raja' Koris, raja' ru Pirsia, sinugut ru Tuhan ragu Nano ondo' pinasaboi Nali pinabala' galing ra Nabi Jirimia. Inunsu' ru Tuhan guang ri Raja' Koris maa' raginio mangingkual ra susuban tinulisan, ondo' atarin koson basaan giu' ra titikop ru pamarintaan nano. Bolos no koson ragitio:

IJRA 1:2

“Koon ragitio susuban ru Raja' Koris, raja' ru Pirsia: Tuhan, i Aki Kapuuno' panguasa' giu' ra suruga', nampasauk noyo raki' ra raja' ru titikop ru tana' ti. Nangani' Io raki' ra kandoi koson mambaal ra Baloi tayar Nano giu' ra Jirusalim, giu' ra pagun ru Jiuda.

IJRA 1:4

Amon ru mokoondo' sasangulun intor ra ulun Nano giti ra intok pamatiran ti ondo' gumogot ra indangan koson ra muli', pasambalayan nano musiti' mangindangan. Musiti' ilo mangani' riso ra pirok am mas, lutu' koson pangkiralanan am niayuk bibiag koson magaut ra kuliamos, am niayuk taak koson ra Baloi ru Tuhan giu' ra Jirusalim.”

NIGIMIA 2:12

kalo nambala' aku ra osoi ayuk pana ra inatang ri Aki Kapuuno' ralalom ru guang kuno intor ra atan ondo' baalon kuno ra tayar ru bandar Jirusalim. Kopongo raginio, paat ra tanga' rondom siminukal aku am miningkual nababaya' ra kukula' ngaulun rangan. Rorondo' ra bibiag ondo' inibit ku iono kaladai ondo' kurain ku.

AMSAL 16:1

Ulun mambaal ra inatangan, kaa' i Aki Kapuuno' mamatas.

AGAI 1:14

Koson raginio noyo Tuhan nanugog ra guang ri Jirubabil, gabenor ru Jiuda no, Tingganai Maayo Imam i Josua, am ngaangai' ulun ondo' siminaguli' noyo intor ra pamatiran maa' raginio mambaal ra Baloi ru Tuhan Ondo' Maayo Kaga' Kuasa', i Aki Kapuuno' nilo.

2 KORINTUS 8:16

Paringkuanangan mai ri Aki Kapuuno' ondo' nangani' ri Titus ra kapiratan masaga' mangindangan ramuyun mogondo' ramon.

PILIPI 2:13

Sabap ri Aki Kapuuno' no galama' magibit ra guang mino mangiou am poyo magagaya' min niayuk atan ondo' kasagaan Nano toojo.

3 JUANIS 1:11

Pabukat ondo' tagamin kuno! Pai' tiluo' paliso ra malaat, kaa' tiluo' ondo' matanda' no. Ulun ondo' mambaal ra matanda', io anak ri Aki Kapuuno'. Ulun ondo' mambaal ra malaat, io no kalo poyo nakaulig ri Aki Kapuuno'.