IJRA 1:4 - Tanou Moonsoi Timugon

⁴ Amon ru mokoondo' sasangulun intor ra ulun Nano giti ra intok pamatiran ti ondo' gumogot ra indangan koson ra muli', pasambalayan nano musiti' mangindangan. Musiti' ilo mangani' riso ra pirok am mas, lutu' koson pangkiralanan am niayuk bibiag koson magaut ra kuliamos, am niayuk taak koson ra Baloi ru Tuhan giu' ra Jirusalim.”

IJRA 1:4 ပူးပေါင်းရင်းမြစ်များ

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

1 TUNUNG RU BANSA' ISRAIL 29:3

Suai raginio, pinataak ku noyo pirok am mas intor ra rapu' longgom kuno galama' sabap ra togom kuno ra baloi ri Aki Kapuuno' kuno.

1 TUNUNG RU BANSA' ISRAIL 29:9

Mamagun nangani' ra pinaindangan ra Tuhan ra kabanisan am kasagaan ru guang. Naansukan ilo sabap ra masuang taak pinaindangan am Raja' Daut pana naansukan.

2 TUNUNG RU BANSA' ISRAIL 31:14

I Kori anak ri Jimna, sangulun Liwi ondo' ragili nasauk ra tingganai magalung giu' ra Kulobon Garabang Sirangon Baloi ru Tuhan, pinangandoi mangapu ra taak ondo' pinataak ra Tuhan am niayuk mantatayar raginio.

IJRA 1:3

Gama' ru i Aki Kapuuno' manindung ramuyun ngaangai' ondo' nasauk ra ulun Nano. Musiti' kau sumaguli' ra Jirusalim am mambaal saguli' ra Baloi ru Tuhan, i Aki Kapuuno' ru Israil, i Aki Kapuuno' ondo' sambaan giu' ra Jirusalim.

IJRA 1:5

Ginio ra tingganai ru bansa' intor ra bansa' ru Jiuda am Binjamin, imam-imam am niayuk ulun-ulun ru Liwi, am moonong ulun ondo' inunsu' guang no ri Aki Kapuuno', timinampos koson muli' ra Jirusalim am mambaal saguli' ra Baloi ru Tuhan.

IJRA 9:15

Iou Tuhan, i Aki Kapuuno' ru Israil, matimpok Kou kaga'. Kabalu' pana koon raginio, nangiou Kou ramon maayag. Mangiou akai ra tula mai. Kalo maaya' akai matong ra saang Muno.”

KAINGKUALAN 35:29

Ngaangai' ulun ru Israil ondo' moogot am masaga' mangani' ra atan pana, magibit ra taak nilono ra Tuhan koson ra kandoi ondo' nanusuban Nano ri Musa.

JISAYA 10:21

Kalo masuang ulun ru Israil sumaguli' ri Aki Kapuuno' ondo' matulai.

RINALATAN 24:17

Kukula' ngambilor kalio aku ra Jirusalim am bagu siminaguli' aku. Inangayan ku ra giu' i koson magibit ra ruit paindanganon ra bansa' kuno galama' am poyo mangani' ra taak ri Aki Kapuuno'.

GALATIA 6:2

Pangindangan kano ra rondo' am bokon. Am koson ragitio noyo akau gumagaya' ra susuban ri Kristus.