IJRA 1:11 - Tanou Moonsoi Timugon

¹¹ Ngaangai' no ra suang no 5,400 piring mangkuk intor ra mas am intor ra pirok am niayuk kuliamos ra bokon. Ngaangai' kuliamos no inibit ri Sisbajar intor ra Babilonia mongoi ra Jirusalim, nababaya' ra ulun pinatiran ra bokon.

IJRA 1:11 ပူးပေါင်းရင်းမြစ်များ

2 RAJA'-RAJA' 25:15

Inalap nilo ngaangai' kuliamos ondo' binaal intor ra mas am pirok, nakaaya' mangkuk-mangkuk boborok am intok papaulian ra baa.

IJRA 2:1

Masuang ra gino ngai' ru ulun pinatiran nangiruan ra Babilonia am siminaguli' ra Jiuda am Jirusalim, sigagama' minongoi ra bandar nano galama'. Minayan ilo giu' ra pamatiran ra Babilonia intor ra Raja' Nibukadnijar nagibit risilo ra giu' koson ra ulun rinakop.

IJRA 4:1

Pantula' ru ulun ru Jiuda am Binjamin nokorongog ra ilo ondo' minuli' intor ra pamatiran no tatanga' mambaal saguli' ra Baloi ru Tuhan, i Aki Kapuuno' ru Israil.

IJRA 6:19

Ilo ondo' minuli' noyo intor ra pamatiran no nangiantak ra Paska paat ra orou koopor am apat ra sila' kasaa' ru bilor ra siminunu' no.

MAZMUR 126:1

Rimbai ru ratangan. Bulintok ra Tuhan magibit ritakau sumaguli' ra Jirusalim, koson ayuk ra nagupi takau!

MAZMUR 85:1

Ra tingganai ru santimungan maririmbai. Mazmur ru bansa' ri Kora.

JIRIMIA 27:21

“Rongogo' noyo ragu Kutu, Tuhan Ondo' Maayo Kaga' Kuasa', i Aki Kapuuno' ru Israil, intor ra ngaangai' kuliamos ondo' natatang giu' ra Baloi Kuno am giu' ra istana ru raja' ra Jirusalim:

ROMA 9:23

Masaga' Io niayuk mampakito ritakau ra kaluaban ru kaansayan Nano. Ginio tinaakan Nano ritakau ondo' asiin Nano, ioginio itakau ondo' pinongo Nano makaapu ra kaansayan Nano.