IBRANI 9:4 - Tanou Moonsoi Timugon

⁴ Giu' no mokoondo' panalaban ra kaminyan ondo' binaal intor ra mas, am poyo Kaban Nabantuan ondo' inangkupan ra mas. Ralalom no mokoondo' rarapu' mas boborok makasuang ra akanon inggalanin ra manna, am poyo jujuga' ri Arun ondo' nanalantar ragili am ruo ngampila' batu ondo' tinulisan ra mopor panusuban.

IBRANI 9:4 ပူးပေါင်းရင်းမြစ်များ

1 RAJA'-RAJA' 7:50

sangkir, kakamot mangimpasau ra sumbu' ru lampung, mangkuk, pinggan intok pambulian ra kaminyan, baa ru apui, ingsil ru kulobon Lamin Matulai Kaga' am kulobon-kulobon ra liwar ru Baloi ru Tuhan. Ngaangai' ru kakamot no binaal intor ra mas.

1 RAJA'-RAJA' 8:21

Nambaal aku niayuk ra intok giu' ra ralalom ru Baloi ru Tuhan koson Kaban Nabantuan ondo' sinuangan ra batu nabantuan ru Tuhan am kinamatuaan takali, paat ra Io nagibit risilo miningkual intor ra Misir.”

1 RAJA'-RAJA' 8:9

Kaban Nabantuan sinuangan ayuk ra ruo batu ondo' pinabanta' ra giu' no ri Musa, giu' ra Gunung Sinai ragili, paat ra Tuhan nambaal ra nabantuan Nano ra ulun ru Israil, kalupus ilo miningkual intor ra Misir.

2 TUNUNG RU BANSA' ISRAIL 5:10

Kaban Nabantuan sinuangan ayuk ra ruo batu ondo' pinabanta' ra giu' no ri Musa giu' ra Gunung Sinai ragili, paat ra Tuhan nambaal ra nabantuan Nano ra ulun ru Israil, nalupus ilo miningkual intor ra Misir.

KAINGKUALAN 26:33

Patakinon tabir no ragana' ru pinatinting ra sangutan ra taap ru Kim. Pabantaa' Kaban Nabantuan ondo' makasuang ra ruo batu pamatikan no ra bakulung ru tabir no. Tabir no mapasuai ra Lamin Pansunuran am Lamin Matulai Kaga'.

KAINGKUALAN 31:18

Kopongo Tuhan minindagu ri Musa giu' ra Gunung Sinai, panaak i Aki Kapuuno' riso ruo batu pamatikan ondo' tinulisan ri Aki Kapuuno' galama' ra susuban Nano.

KAINGKUALAN 32:15

Tuun i Musa intor ra gunung liliwa' nagibit ruo batu pamatikan ondo' tinulisan ra susuban ri Aki Kapuuno' ra karuo-ruo ralimbou no.

KAINGKUALAN 34:29

Pakatuun i Musa intor ra Gunung Sinai liliwa' nagibit ra Mopor Ukum no, simininda bulos nano sabap ra nagindagu io ra Tuhan, kaa' i Musa galama' kalo nakapandai ra makasinda bulos nano.

KAINGKUALAN 37:25

Pambaal i Bijalil ra rondo' altar intor ra tataun akasia koson intok panalaban ra kaminyan. Baal ru altar no apat persegi; gawar no 45 ngasintimito, pila' no 45 ngasintimito am sawat no 90 ngasintimito. Sangau ra kaapat-apat pisuk no pogondoon ra altar no.

KAINGKUALAN 39:35

Kaban Nabantuan ondo' makasuang ruo batu pamatikan, am niayuk tataun bandasan no am niayuk panaub no;

KAINGKUALAN 40:3

Pabantaa' Kaban Nabantuan ondo' makasuang Mopor Ukum ralalom Kim no am tabirin ra tabir giu' ra saang ru Kaban.

IMAMAT 16:12

musiti' io magibit rondo' intok ru baa ondo' nototop ra baa ru apui intor ra altar am ruo ngogonggom kaminyan malumot, ibiton boo ngaangai' no mumpos ralalom ru Lamin Matulai Kaga'.

UNTABAN 17:10

Indagu boo Tuhan ri Musa, “Pabantaa' saguli' jujuga' ri Arun giu' ra saang ru Kaban Nabantuan. Jujuga' no musiti' buliin koson ra papakaraan ra ulun ru Israil ondo' masaga' gumuor, ra matoi ilo amon ru kalo lumonggo' ilo mambutok.”

UNTABAN 17:5

Jujuga' ru ulun ondo' pinili' Kuno manalantar. Koson raginio noyo Aku mopolonggo' ra butok ru ulun ru Israil rirun ondo' kalo mapuputat.”

UNTABAN 17:8

Suabon raginio, paat ri Musa mumpos ra ralalom Kim ru Tuhan, nakito no ra jujuga' ri Arun, jujuga' ondo' nanguakil ra bansa' ru Liwi, nanalantar noyo. Jujuga' no makapumput noyo, makabusak am makaampos kukula' kawa' ru badam ondo' matuo.

SAGULION 9:11

Nalupus apat ngoopor ngoorou am apat ngoopor ngorondom, nanaak Tuhan raki' ra ruo batu tulis raginio. Tinulisan No batu tulis no ra nabantuan no.

SAGULION 9:9

Nagaloi aku ra gunung raginio koson nangapu ra ruo batu tulis ondo' tinulisan ra nabantuan ondo' binaal ru Tuhan ramuyun. Minayan aku ra giu' buoi apat ngoopor ngoorou am apat ngoopor ngorondom, am kalo nangakan kapoam nanginum aku ra atan pana.

PINAINTALANG 11:19

Kaukab Baloi ri Aki Kapuuno' no giu' ra suruga' am Kaban Nabantuan i pana makito ra ralalom no. Nampaganit boo, nanimpalak, tana' ti mogonggon am riminasam ais batu ra maawas.

PINAINTALANG 8:3

Kopongo ragili ratong malaikat ra bokon ondo' nagibit ra pambulian ra kaminyan ondo' binaal intor ra mas, am bigor io ra saang ru panalaban no. Inanian io ra kaminyan masuang koson polotokon ra pakiasian ru ulun ri Aki Kapuuno' no. Solobon no boo ginio ra panalaban ra kaminyan ondo' binaal intor ra mas ondo' soroi ra saang ru takhta no.