IBRANI 9:28 - Tanou Moonsoi Timugon

²⁸ Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

IBRANI 9:28 ပူးပေါင်းရင်းမြစ်များ

JISAYA 25:9

Bulintok ra baal raginio masauk, ngaangai' ulun mindagu, “Io no i Aki kapuuno' takau! Io no inaanin takau koson mamayag ritakau. Io no Tuhan ra inaanin takau. Ragino magilakup takau koson maansukan sabap Io namayag ritakau.”

IMAMAT 10:17

“Kua kia kalo inakan min taak simbalui koson mangampun ra tula no giu' ra intok ondo' matulai? Taak simbalui raginio matulai kaga' am nanaak noyo Tuhan raginio ramuyun maa' raginio ampunon tula ru ulun ru Israil no.

JAKARIA 14:5

Magiru' kau mansail ra limayak ondo' nampalapak ra bulur no. Magiru' kau koson ra kinamatuaan min ragili paat nasauk tana' mogonggon bulintok ra pamarintaan ri Ujia, raja' ru Jiuda. Tuhan, i Aki Kapuuno' kuno matong mababaya' ra ngaangai' malaikat Nano.

UNTABAN 18:1

Indagu Tuhan ri Arun, “Okou, anak-anak ungkuyon muno am ulun-ulun ru Liwi musiti' mansaan ra kinibit ru kasalaan ondo' nasauk, ondo' makakulawit ra kandoi giu' ra Kim Kuno. Kaa' okou am anak-anak ungkuyon muno ayuk ondo' mansaan ra kasalaan ondo' makakulawit ra kandoi ru imam.

UNTABAN 18:23

Tumalimpuun raino, ulun ru Liwi ayuk ondo' manalingapu ra Kim Kuno am pinalansan toojo ngaangai' kandoi raginio. Aturan ragitio masauk niayuk tayar ru papag mino saboi ra sabuoi-buoi no. Ulun ru Liwi kalo makapanungkus ra tana' giu' ra Israil

MATIUS 20:28

Koson niayuk ra Anak ru Ulun minatong sala' ka makiindangan, kaa' mangindangan, am mampataak ra painawo Nano am mamayag ra masuang ulun.”

MATIUS 25:31

“Paat ra Anak ru Ulun sumaguli' koson ra raja' mabaya' ra ngaangai' malaikat Nano, manturung Io ra takhta matulai Nano.

MATIUS 26:28

Sabap ra gitio noyo raraa' Kutu ondo' mampainono' ra nabantuan ri Aki Kapuuno', ioginio raraa' Kuno ondo' pasasaron, maa' raginio tula ru masuang ulun ampunon.

JUANIS 14:3

Mopongo Ku intok min, sumaguli' Aku mongoi pangalap ramuyun, maa' raginio mabaya' kau Raki' ra intok Kuno.

RINALATAN 1:11

Konilo risilo, “Ulun Galilia kau ngai', kua bigor kau ayuk ragiti am pantingaa' ra rasawat? I Jisus, ondo' nakito min kinayang mongoi ra suruga', sumaguli' Io poyo mogondo' ra nakito min raitii' ni.”

ROMA 3:25

Ginio ra i Jisus Kristus pinataak ri Aki Kapuuno' ra potoyon maa' raginio ra pinatayan Nano, tula ru ulun ampunon amon ru mangintopot ilo Riso. Binaal ri Aki Kapuuno' ginio koson manulu' ra kinabanis ru guang Nano, sabap ra galing i mataan guang Nano ra tula ru ulun saboi kalo nangukum risilo.

ROMA 5:15

Kaa' taak ri Aki Kapuuno' mansuai toojo ra tula ri Adam. Motopot, masuang ulun minatoi sabap ra tula ru sangulun i, kaa' mumpara' poyo barakat ri Aki Kapuuno' ra ulun masuang am taak Nano risilo sabap ra kataawan ru sangulun, Io no i Jisus Kristus.

ROMA 6:10

Pinatayan ri Kristus no namuso ra kuasa' ru tula, ginio nasauk ra igondo' ayuk am sama' ra sabuoi-buoi no, kaa' raino kaayagan Nano masimpung noyo ri Aki Kapuuno'.

ROMA 8:23

Kaa' sala' ka tana' am ngaangai' suang nano ayuk ondo' maguros, kaa' itakau pana. Itakau ondo' inanian noyo ra Ambiluo ri Aki Kapuuno' koson taak Nano ra kasaa', maguros ralalom ru guang liliwa' mangkuliman ra i Aki Kapuuno' mampalabus am mampasauk ritakau ra anak Nano.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

1 KORINTUS 1:7

saboi kalo matatakan kau ra atan ayuk pana taak intor ri Aki Kapuuno', buoi min maginaa ra ratangan saguli' ru Tuhan takau, i Jisus Kristus.

1 KORINTUS 15:54

Paat ra ondo' mapuso no maaligan ra mantilayun, ioginio ondo' matoi maaligan ra kalo matoi, am masugut boo ragu ru Buuk Kitab ra, “Kapatayan mapuso noyo; namanang noyo i Aki Kapuuno'.”

1 TISALONIKA 1:10

Am ati kulaan maginaa kau ra ratangan ru Anak Nano intor ra suruga', Io ondo' binayag saguli' intor ra kapatayan. Io no i Jisus Kristus ondo' mampalabus ritakau intor ra sangit am ukum ondo' matong no.

2 TISALONIKA 2:1

Koson ra ratangan ru Tuhan takau, i Jisus Kristus, am pantimungan takau mongoi simpung Riso, pabukat kau ngai' kitaakon takamin:

2 TIMOTIUS 4:8

Am raino, taak kamanangan maginaa noyo raki'. Tuhan ondo' mangakim ra motopot, mangani' raki' ra taak ti paat ra Orou Pupus no. Pai' ru aku ayuk ondo' mokoowot raginio, kaa' ngaangai' ulun ondo' magiginaa ra ratangan Nano.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

IBRANI 1:14

Sabap ra sotopot no malaikat-malaikat no mangngandoi ri Aki Kapuuno' am ilo sinusub No mangindangan ra ulun ondo' makaapu ra pamayagan.

IBRANI 10:10

Sabap ra paat ri Jisus Kristus nampataak ra painawo Nano ra igondo' ayuk, itakau ngai' inimpasau intor ra tula am ginio sama' ra sabuoi-buoi no. Giminagaya' Io ra kasagaan ri Aki Kapuuno'.

IBRANI 12:14

Gogot kano pobonsoi ra ngaangai' ulun am poyo kaayag kano ra mapasau, sabap ra kolondo' sangulun pana makakito ra Tuhan, amon ru kalo maya' io raginio.

IBRANI 2:3

Ginio ra ati kulaan makapagiru' takau intor ra pangukuman amon ru impayin takau pamayagan maayo no. Sabap ra Tuhan no galama' ondo' kasaa' nampabala' ra pamayagan no, am ulun-ulun ondo' nokorongog kasaa' napaintopot ritakau raginio.

IBRANI 4:15

Sabap ra Tingganai Maayo Imam takano sala' ka sangulun ondo' kalo nakaliman ra paliso takau, kaa' sotopot no kininaman Io ralalom ngaangai' baal koson ritakau, kaa' kalo makatula Io.

IBRANI 5:9

Ginio ra kalupus Io pinasauk ra mamamayag ra kolondo' sala, nasauk Io boo ra puun ru pamayagan mantilayun ra ngaangai' ulun ondo' gumagaya' Riso.

IBRANI 7:27

Moonong orou Tingganai Maayo Imam ra bokon mampataak ra taak simbalui sabap ra tula ru ulun am tula nilo galama', kaa' i Jisus sala' ka koson raginio. Igondo' ayuk nampataak Io ra kaayagan Nano galama' am ginio sama' ra sabuoi-buoi no.

IBRANI 9:25

Moonong bilor Tingganai Maayo Imam Jaudi mumpos ra Intok Matulai Kaga' magibit ra raraa' ru taak simbalui. Kaa' i Kristus kalo misasaguli' mampataak ra painawo Nano galama'.

1 PITRUS 2:24

I Kristus galama' nansaan ra tula takau giu' ra salip. Ginio nai ra nakalabus takau intor ra kuasa' ru tula am maayag takau sumugut ra kasagaan ri Aki Kapuuno'. Pilat ri Kristus ti noyo ondo' namabas ramuyun.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

2 PITRUS 3:12

liliwa' ra akau magiginaa am mampakataki' ra orou pangukuman ri Aki Kapuuno'. Paat ra orou raginio limbowon makai' kosolob am intor ra lasu' ru apui ti lumiou ngaangai' suang nati.

1 JUANIS 3:2

Pabukat kau ngaangai' ondo' tagamin ku! Itakau raino ti anak ri Aki Kapuuno'. Kaa' kalo poyo natutunan toojo atan masauk ritakau ra tauli no. Kaa' nakapandai takau, paat i Jisus Kristus matong saguli', masauk takau koson Riso, sabap ra itakau makakito ra baal ru inan Nano toojo.

1 JUANIS 3:5

Nakapandai kano ra rinatangan ri Jisus Kristus ra tana' ti koson mamuso ra tula ru ulun. Am i Jisus galama' kolondo' tula.

JUDAS 1:21

Porondon kano ra kinotogom ri Aki Kapuuno' buoi ra akau maginaa ra i Jisus Kristus Tuhan takau, mangani' ramuyun ra kaayagan motopot am mantilayun ralalom ru asi' Nano.

PINAINTALANG 1:7

Ilai', matong Io intor ra limbowon! Ngaangai' ulun makakito Riso, am niayuk ilo ondo' nanura' Riso i. Ngaangai' bansa' ru tana' ti mantatangi' sabap ra ondo' binaal Riso i. Sotopot no ginio noyo! Amin.