IBRANI 9:27 - Tanou Moonsoi Timugon

²⁷ Inaru' noyo ri Aki Kapuuno' ra igondo' ayuk ulun matoi am mopongo raginio akimin No.

IBRANI 9:27 ပူးပေါင်းရင်းမြစ်များ

KASAUKAN 3:19

Okou matipatoi mangandoi am rasangon koson mambaal ra tana' ti manangampos saboi sumaguli' kou ra tana' ti sabap intor ra tana' ti okou sinauk. Ginio nai ra okou sinauk intor ra tana' am sumaguli' kou niayuk ra tana'.”

2 SAMUIL 14:14

Matoi takau ngaangai'; itakau ti koson ra timug ondo' nasasar ra tana' am kalo maalap boo katimung. I Aki Kapuuno' pana kalo boo mamayag saguli' ra ulun ondo' minatoi, kaa' kalo ra kalo mapiratan mu maa' raginio ulun inimpayan no makauli' poyo.

AYUP 14:5

Inaru' Mu noyo umur ru ulun; inaru' Mu noyo suang ru sila' nano. Inaru' Mu noyo polos ru bayag nilo; kalo lair matundangan nilo ginio.

AYUP 19:25

Kaa' nakapandai aku ra giu' ra suruga' mokoondo' Mamamayag raki'; pupus nano matong Io mangindangan raki'.

AYUP 30:23

Nakapandai aku ra nagibit Kou raki' ra intok ru kapatayan, ra pamupusan ondo' musiti' umaan ru moonong ulun.

MAZMUR 89:48

Karaa' noyo, mapara' piboo kinariwa' ru umur ru ulun; karaa' noyo ra Okou namangun ra ulun koson ilo ondo' maayag ra kalo mantilayun.

MAMPATANOU 11:9

Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

MAMPATANOU 12:14

Mangakim i Aki Kapuuno' ra ngaangai' binaal takau, ondo' moonsoi, ondo' malaat, am poyo ondo' nakasibuni.

MAMPATANOU 12:7

Inan takau masauk saguli' ra kaau ra tana' ti. Painawo ru kaayagan takau sumaguli' ri Aki Kapuuno' ondo' nangani' ritakau.

MAMPATANOU 3:2

Io no nangaru' ra paat koson maganak am paat ra patayan, paat ra mantanom am paat ra bubulon,

MAMPATANOU 3:20

Karuruo no sumaguli' ra intok nogondo' – ralalom ru tana'. Karuruo no intor ra tana' am sumaguli' niayuk ra tana'.

MAMPATANOU 9:10

Tandaa' toojo kandoi min, sabap giu' ra tana' ru ulun minatoi kolondo' kandoi, pangkaraan, katutunan, kapoam kapintaran poyo; giu' noyo angayan min.

MAMPATANOU 9:5

Ulun ondo' lakat poyo maayag makapandai ra matoi ilo, kaa' ulun ondo' minatoi noyo kalo makapandai ra atan-atan pana. Kalo boo makaalap ilo ra gaji', am lilianin ilo ru ulun.

LUKAS 20:32

Pupus i, ruandu' i pana minatoi.

RINALATAN 17:31

Sabap ra inaru' No noyo rondo' orou koson mangukum ra ngaangai' ulun ru tana' ti ra matanda'. Ginio saukon No ralalom ru sangulun ondo' inaru' noyo Riso, am gitio noyo tatandu' no ra ngaangai' ulun; Ulun no binayag saguli' ri Aki Kapuuno' intor ra kapatayan.”

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

ROMA 5:12

Tula riminatong ra tana' ti mansail ra sangulun, am tula nano nagibit ra kapatayan. Am sonor no ngaangai' ulun matoi, sabap ra ngaangai' ulun makatula noyo.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

2 TIMOTIUS 4:1

I Jisus Kristus matong poyo saguli' mongoi pangukum ra ulun maayag am ulun ondo' namagatoi noyo. Io ti matong mamarinta koson ra raja'. Ralalom inggalan Nano am poyo ri Aki Kapuuno', gitio kitaakon kutu toojo rirun;

IBRANI 10:27

Ondo' ayuk inaanin takau ioginio pangakiman ri Aki Kapuuno' am apui ra makalalaa' ondo' mampaluus ra pantula' Nano.

IBRANI 6:2

pampariwan, mapabanta' ra kalindu' ra ulu ru ulun, sauk ru kaayagan saguli' ru ulun minatoi am poyo ra pangukuman mantilayun.

1 JUANIS 4:17

Togom tumilayun ralalom kaayagan takau, io no mampasauk ritakau makakau' paat ra Orou Pangukuman. Makakau' takau sabap ra bayag takau ra tana' ti mogondo' ra bayag ri Jisus Kristus.

JUDAS 1:15

Mongoi Io pangukum ra ngaangai' ulun. Mangukum Io ra ulun-ulun makatula sabap ra baal malaat nilo am sabap ra ngaangai' asab nilai Riso!”

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.