IBRANI 9:21 - Tanou Moonsoi Timugon

²¹ Mogondo' ra raitii' ni ra patakiso' poyo ri Musa raraa' no ra Kim Sambayangan am niayuk ra ngaangai' kuliamos sambayangan.

IBRANI 9:21 ပူးပေါင်းရင်းမြစ်များ

KAINGKUALAN 24:6

Inalap ri Musa sampiruo intor ra raraa' ru bibiag no am pasasaro' no ralalom ru mangkuk-mangkuk no, am sampiruo no poyo pinasasar no ra rasawat ru altar.

KAINGKUALAN 29:12

Alapon koborok raraa' ru sapi' gawayan no, am kupilin ra kalindu' muno raraa' no ra sangau-sangau ru altar no. Mopongo ginio pasasaron suwo ru raraa' no ra ragana' ru altar.

KAINGKUALAN 29:20

Simbaluyon domba gawayan no. Alapon boo koborok raraa' no am pakupilon ra talingo ra pamiris ri Arun am anak-anak nano, am ra pangina' ru kalayam ra pamiris nilo. Pawason suwo ru raraa' no ra kaapat-apat sapapa' ru altar no.

KAINGKUALAN 29:36

Moonong orou musiti' kou mapataak ra sanginan sapi' gawayan koson taak simbalui koson mangampun ra tula. Taak simbalui ti mapakapasau ra altar. Kupilin boo altar no ra umau jaitun koson mapakapasau raginio.

KAINGKUALAN 40:9

Mopongo raginio patimpokon Kim no am ngaangai' kuliamos no ra luitin ra umau upacara, am masauk Kim no ra matulai.

IMAMAT 8:15

Simbaluyo' boo ri Musa sapi' no am alapo' sanganu raraa' no. Ra bubua' ru kalindu', pakupilo' boo ri Musa raraa' no ra sangau ru altar koson patimpokon no. Pasasaro' no suwo ru raraa' no ra tampilon ragana' ru altar. Ginio noyo ralan ri Musa napakapasau ra altar no am patimpokon no ra Tuhan.

IMAMAT 8:19

Simbaluyo' ri Musa domba gawayan no am pawaso' raraa' no ra kaapat-apat sapapa' ru altar.

IMAMAT 9:18

Panimbalui i Arun ra sanginan sapi' gawayan am sanginan domba gawayan koson ra taak simbalui koson makibarakat ra Tuhan tayar ru ulun ru Israil. Anak-anak ri Arun no nagibit ra raraa' no riso am pawaso' ri Arun ginio ra kaapat-apat sapapa' ru altar.