IBRANI 9:2 - Tanou Moonsoi Timugon

² Mokoondo' ra kim ondo' lamin ra saang no ininggalanan ra Intok Matulai, am giu' no tampakan ra lampung am mija' papabantaan ra ruti' ondo' pataakon ri Aki Kapuuno'.

IBRANI 9:2 ပူးပေါင်းရင်းမြစ်များ

KAINGKUALAN 25:23

Pambaal rondo' mija' intor ra tataun akasia; musiti' mija' no makagawar 88 ngasintimito, pila' no 44 ngasintimito am sawat no 66 ngasintimito.

KAINGKUALAN 25:30

Musiti' mija' no pabantaan ra saang ru Kaban Nabantuan, am musiti' rasawat ru mija' no magail pabantaan ruti' ondo' pataakon Raki'.”

KAINGKUALAN 25:31

Pambaal rondo' tampakan ra lampung intor ra mas kopoyo. Pambaal ra tampakan am tanggayan no intor ra mas ra tinuyu'; pabungaan, makaaya' pumput am tapi' no am moonsoi mogondo' ra tampakan am tanggayan no.

KAINGKUALAN 26:1

“Baalo' noyo ra tampilon ralalom ru Kim ru Tuhan am mopor ngaputul konoon linon molomos ondo' binaal intor ra banang bulu makabatik motomou, matanggilung am malia'. Baali' konoon no ra gambar kirub.

KAINGKUALAN 26:33

Patakinon tabir no ragana' ru pinatinting ra sangutan ra taap ru Kim. Pabantaa' Kaban Nabantuan ondo' makasuang ra ruo batu pamatikan no ra bakulung ru tabir no. Tabir no mapasuai ra Lamin Pansunuran am Lamin Matulai Kaga'.

KAINGKUALAN 26:35

Liwar ru Lamin Pansunuran, pabantaa' mija' ru taak ra tampilon ralayo ru Kim, am pabantaa' tampakan ra lampung ra tampilon rabugus ru Kim.

KAINGKUALAN 29:1

“Gitio noyo ondo' matanda' muno baalon koson patimpokon i Arun am anak-anak nano maa' raginio makapangandoi Raki' ayuk koson ra imam. Alap ra sanginan anak sapi' gawayan am ruo ngainan anak domba gawayan ondo' kalo najamaran.

KAINGKUALAN 29:35

“Paugaron upacara patimpokon ri Arun am anak-anak nano buoi katuluan koson ra nanusuban Kuno rirun.

KAINGKUALAN 40:2

“Paat ra orou kasaa' ra sila' kasaa', baalo' min Kim Kuno.

KAINGKUALAN 40:4

Ibito' mija' ra ralalom am pabantaa' kuliamos ra rasawat ru mija' no. Ibito' niayuk tampakan ra lampung am pabantaa' lampung ra rasawat no.

MATIUS 12:4

Subol io ralalom Baloi Tuhan. Io am ulun-ulun nali pana nangakan ra ruti' ondo' pinataak noyo ri Aki Kapuuno', kabalu' pana baal raginio manggal ra Ukum ri Musa. Imam-imam ayuk ondo' makapangakan ra ruti' no.

MATIUS 5:15

Kolondo' sangulun pana mansikit ra lampung am taubin boo ra pasu', kaa' patampakon ra tatampakan ru lampung maa' raginio masilau no ngaangai' ulun ralalom ru baloi no.

IBRANI 9:25

Moonong bilor Tingganai Maayo Imam Jaudi mumpos ra Intok Matulai Kaga' magibit ra raraa' ru taak simbalui. Kaa' i Kristus kalo misasaguli' mampataak ra painawo Nano galama'.