IBRANI 9:19 - Tanou Moonsoi Timugon

¹⁹ Pakapambala' i Musa ra ngaangai' ukum ri Aki Kapuuno' ra ulun ru Israil, alapo' no tutuu' Isop ondo' pinabangkos no ra bulu malia' ru domba, am pososopo' no boo ra raraa' ru sapi' am raraa' ru kambing ondo' pinaratok no ra timug, am patakiso' no galing ra Kitab ru Ukum ri Musa i am bagu no ra ngaangai' ulun ru Israil.

IBRANI 9:19 ပူးပေါင်းရင်းမြစ်များ

MAZMUR 51:7

Malaat aku no intor poyo ra aku inanak; makatula aku no intor poyo ra aku tininai'.

KAINGKUALAN 12:22

Alap sabangkos Isop am pososopon ralalom mangkuk ondo' makasuang ra raraa' ru bibiag no, am pakupilon ra lugu' ru kulobon am angob ru kulobon ru baloi mino. Kolondo' sangulun pana paingkualon intor ra baloi saboi ra susuab ti.

JISAYA 52:15

Kaa' ragino masuang bansa' binaal no mangimuag, raja'-raja' kalo makaindagu sabap ra mangimuag. Magilong am makarati' ilo, ondo' buoi ti kalo makapandai ilo.”

YEHEZKIEL 36:25

Takisin Takamin ra timug mapasau, am mampapasau ramuyun intor ra ngaangai' sinungkalalaing min am ngaangai' no ondo' nampajamol ramuyun.

IMAMAT 1:10

Amon ru mapataak ulun no ra sanginan intor ra domba kapoam kambing nano, bibiag no musiti' ungkuyon am kalo najamaran.

IMAMAT 3:6

Amon ru domba kapoam kambing ondo' pataakon ra tayar ru taak simbalui koson makibarakat ra Tuhan, bibiag no gawayan kapoam ruandu', kaa' kalo najamaran no.

UNTABAN 19:18

Tayar ru baal ondo' kasaa', iono paat mokoondo' ulun matoi giu' ralalom ru kim, sangulun ondo' kalo majamol no musiti' mangalap ra satanggayan Isop am pososopon ginio ra timug no, am patakison boo ginio ra kim am niayuk ngaangai' kuliamos am ra ulun ondo' soroi giu' ralalom ru kim. Tayar ru baal karuo, iono paat sasangulun nangambong ra baangkai, lobong kapoam bungul ru ulun minatoi, sangulun ondo' kalo majamol no musiti' mapatakis ra timug no ra ulun ondo' majamol ra ralan ondo' nogondo' niayuk.

UNTABAN 19:6

Imam no pana musiti' mangalap ra sanganu tataun sidar, satanggayan Isop am rondo' tali malia', am papatiron boo ngaangai' no ra apui ondo' tatanga' monolob ra sapi' malia' no.

MATIUS 27:28

Aluso' nilo bayang ri Jisus am pambayango' ra sukub malia'.

MARKUS 15:17

Pambayango' nilo i Jisus ra sukub matanggilung, am pambaal ra karaun intor ra bulisang ra makaruui am pasampako' ra ulu ri Jisus.

MARKUS 15:20

Kaasabi' nilo i Jisus, iruo' nilo sukub matanggilung i am pambayango' nilo ra bayang Nali galama'. Ibito' nilo boo i Jisus miningkual ra ongoyon salipo'.

JUANIS 19:2

Saujor-saujor pana nambaal ra karaun intor ra bulisang ra makaruui am pasampako' ra ulu Nali. Pinambayang nilo poyo Io ra sukub ra matanggilung.

JUANIS 19:5

Ingkual boo i Jisus, pinangkaraun ra bulisang makaruui am pinambayang ra sukub matanggilung. Indagu i Pilatus risilo, “Ilai' noyo ulun ti!”

IBRANI 1:1

Paat ra galing i, ingkukula' noyo i Aki Kapuuno' nampasaboi ra bala' ra nansalinut bayaan ra kinamatuaan takali ondo' pinabala' galing ra nabi-nabi.

IBRANI 10:22

Intor raginio, pagindagu takau no ri Aki Kapuuno' mabaya' ra guang mabanis am pangintapatan maikang; mabaya' ra guang kolondo' sala am pampariwan ondo' mampakito ra itakau mapasau noyo.

IBRANI 10:4

Sabap ra sotopot no raraa' ru sapi' gawayan am kambing gawayan kalo noyo makapangiru' ra tula.

IBRANI 12:24

Mininggaar kau ri Jisus ondo' nampasauk ra nabantuan nakabagu ti, am pinatayan Nali magibit ritakau mobonsoi ri Aki Kapuuno', sala' ka koson ra pinatayan ri Abil ra galing i ondo' makimambalos.

IBRANI 9:12

Igondo' ayuk i Kristus minumpos ra Intok Matulai Kaga' ti am ginio sama' ra sabuoi-buoi no. Kalo nagibit Io ra raraa' ru kambing am raraa' ru sapi' gawayan, kaa' inibit No raraa' Nano galama' ondo' nasauk ra puun ru pamayagan mantilayun takau.

IBRANI 9:13

Maya' ra kaulayan ru ugama, ulun majamol impasawin ra takisin ulu nilo ra raraa' ru kambing am raraa' ru sapi' ungkuyon am poyo taukin ra kaau ru sapi' ruandu' mamulok sinimbalui.

IBRANI 9:18

Ginio nai ra nabantuan kasaa' i pana iniou mansail ra raraa' ayuk.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.