IBRANI 9:15 - Tanou Moonsoi Timugon

¹⁵ Ginio nai ra mansail ri Kristus noyo i Aki Kapuuno' nakapambaal ra nabantuan bagu, maa' raginio ulun ondo' pinili' Nano makaapu ra barakat mantilayun ondo' binantu' Nali. Ngaangai' raginio masauk sabap ri Kristus minatoi noyo koson mampakaayag ra ulun intor ra sala ondo' binaal nilono nakapaat ra nabantuan kasaa' i iniou.

IBRANI 9:15 ပူးပေါင်းရင်းမြစ်များ

MAZMUR 37:18

Alungin ru Tuhan ulun ondo' gumagaya' Riso, am pagun ti masauk ra longgom nilo ra sabuoi-buoi no.

DANIL 9:26

Pompor ru paat raginio, tingganai ondo' pinili' ri Aki Kapuuno' no potoyon kabalu' pana kolondo' sala nano. Bandar Jirusalim am Baloi ru Tuhan pusoon ru pulalai ru saujor ru sangulun raja' ondo' makakuasa'. Pupus ru ginio sumaboi koson ra liur ondo' magibit ra pampatayan am kapusaan ondo' inaru' noyo ri Aki Kapuuno'.

MATIUS 19:29

Osoi ayuk mangiruan ra baloi, kapoam pabukat no ra ungkuyon, kapoam pabukat no ra ruandu', kapoam ina' am ama', kapoam anak nano, kapoam lanau am umo nano; ulun ragitio makaalap maatus ruli' ra raino ti am niayuk aniin io ra kaayagan mantilayun.

MATIUS 22:3

Raja' ti panusub ra ulipon-ulipon nano mongoi pambala' ra tambului ra binalaan nali matong ra bunsag ti. Kaa' ulun-ulun raginio kalo masaga' matong.

MATIUS 25:34

Raja' ti boo mindagu ra ulun ra pamiris Nano: ‘Akau ondo' binarakat ru Ama' Kuno, ayan kano ra pamarintaan ondo' inaru' ramuyun intor ra tana' ti biningkal.

MATIUS 25:36

Paat ra Aku kolondo' bayang, inanian min Aku ra bayang. Paat ra Aku narualan, tinapisan min Aku am paat ra Aku inaput, inongoi min Aku ilai'.’

MARKUS 10:17

Paat ri Jisus minintor, nanunggul ra pangkiralanan Nano, ratong sangulun nasisimbul rumampot Riso. Ulun no igulatur ra saang ri Jisus am pangkuot, “Mangingila' ra moonsoi, atan musiti' baalon kutu koson mokoowot ra kaayagan ondo' motopot am mantilayun?”

LUKAS 18:18

Pangkuot sangulun tingganai ru ulun ru Jaudi ri Jisus, “Mangingila' ra moonsoi, atan kia maaru' kuno baalon koson mokoowot ra kaayagan mantilayun?”

LUKAS 22:20

Koson niayuk raginii, kopongo ilo nangakan, pataako' No sangkir i risilo liliwa' minindagu, “Sangkir ragitio nabantuan bagu ri Aki Kapuuno', saukon ralalom ru raraa' Kuno, ondo' pasasaron ramuyun.

JUANIS 10:28

Mangani' Aku risilo ra kaayagan mantilayun koson kalo mapuso ilo. Kolondo' noyo mampagaau risilo intor Raki'.

RINALATAN 20:32

Raino, pataakin takamin ri Aki Kapuuno' am ra pambalaan ru asi' Nano ondo' makapagalung ramuyun. Io ti mokoondo' ra kuasa' mampaikang ramuyun am niayuk mangani' poyo ra barakat ondo' pinongo Nano ra ngaangai' ulun ondo' mangintopot Riso.

ROMA 5:10

Galing i mantutula' takau ri Aki Kapuuno', kaa' itakau pinobonsoi saguli' Riso mansail ra pinatayan ru Anak Nano. Raino, ra itakau rangan ri Aki Kapuuno', maaru' bayagon takau sabap ri Kristus maayag.

ROMA 5:6

Gili poyo, paat ra itakau kolondo' kaindanganan, nakaintuma' ra inaru' ri Aki Kapuuno', minatoi i Kristus koson mamayag ra ulun makatula.

ROMA 5:8

Kaa' i Aki Kapuuno' nampakito ritakau ra togom Nano sabap ri Kristus minatoi mamayag ritakau, paat ra itakau makatula ayuk poyo.

ROMA 6:23

Sabap ra tula no mangkinibit ra kapatayan, kaa' taak ri Aki Kapuuno' no kaayagan motopot am mantilayun mababaya' ri Kristus Jisus, Tuhan takau.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

ROMA 8:30

Koson niayuk risilo ondo' inaru' noyo ri Aki Kapuuno' kalalair, ilo niayuk piawon No. Ilo ondo' piniau ri Aki Kapuuno', ilo niayuk pobonsoyon saguli' poyo Riso. Ilo ondo' pinobonsoi saguli' ri Aki Kapuuno' no, ilo niayuk katulayon No.

ROMA 9:24

Itakau ti noyo ondo' piniau Nano, am sala' ka itakau ulun ru Jaudi ayuk, kaa' ulun sala' ka Jaudi pana.

2 KORINTUS 3:6

Io no napasauk ramon maaya' makapangandoi Riso ra Nabantuan Bagu no. Nabantuan no kalo boo inimpuun ra ukum tinulisan i, kaa' Ambiluo ri Aki Kapuuno'. Ukum ondo' tinulisan i mangkinibit ra kapatayan, kaa' Ambiluo ri Aki Kapuuno' manaak ra kaayagan.

GALATIA 3:20

Amon ru mokoondo' ruo ngantayaran, bagu no mokoonong sangulun papabilinan. Kaa' i Aki Kapuuno' kalo boo maguyum ra ulun ondo' papabilinan, sabap ra Io ayuk galama' ondo' mambala'.

IPISUS 1:7

Sabap ra pinatayan ri Kristus ti noyo itakau pinalabus, ioginio tula takali naampun. Mumpara' boo gayo ru kataawan ri Aki Kapuuno' no ritakau,

2 TISALONIKA 2:14

Sasaban ragitio noyo nampiau Io ramuyun mansail ra Tanou Moonsoi ondo' pinabala' mai ramuyun. Nampiau Io ramuyun koson mokoowot kau ra katulayan ru Tuhan takau, i Jisus Kristus.

1 TIMOTIUS 2:5

Sabap ra rorondo' ayuk i Aki Kapuuno' am rondo' niayuk ondo' mompobonsoi ritakau ri Aki Kapuuno', iono i Jisus Kristus, ondo' nasauk ra ulun.

2 TIMOTIUS 2:10

Ginio sabap ra tumaan aku ra ngaangai' ti koson ra kaatangan ru ilo ondo' pinili' noyo ri Aki Kapuuno', maa' raginio ilo pana mokoowot ra pamayagan ondo' taakin ralalom inggalan ri Jisus Kristus am ondo' mabaya' ra urumat mantilayun.

TITUS 1:2

Pangilaan raginio noyo puun ru kalansanan takau ra mokoowot takau ra kaayagan mantilayun ondo' binantu' ri Aki Kapuuno' ra kalo poyo tana' ti biningkal. Kalo noyo magabau i Aki Kapuuno'.

TITUS 3:7

Bagu, intor ra kataawan Nano mobonsoi takau saguli' ri Aki Kapuuno' am poyo mokoowot takau ra kaayagan mantilayun ondo' lansanin takau raino.

IBRANI 10:34

Nakaasi' kau risilo ondo' inaput ra lamin pangaputan, am paat ra rapu' mini kinai' gaawo' ru ulun, inapu min ginio mabaya' ra kaansukan niayuk, sabap ra napandayan min ra mokoondo' kau ra rapu' moonsoi poyo ondo' soroi ra sabuoi-buoi no.

IBRANI 10:36

Musiti' pantataan ayuk guang min, maa' raginio makapampagagaya' kau ra kasagaan ri Aki Kapuuno' am makaalap kau ra atan ondo' binantu' Nali.

IBRANI 11:13

Ngaangai' ulun raginio nampaguut ra pangintapatan saboi ra ilo minatoi, kabalu' ra kalo nokoowot ra atan ondo' binantu' ri Aki Kapuuno' risilo. Nakito ilo intor ayuk ra maalur am apuo' nilo. Ginio ra nangiou ilo ra giti ra tana' ti, ilo ti ulun bansa' ru bokon ondo' kolondo' intok karandanan galama'.

IBRANI 12:24

Mininggaar kau ri Jisus ondo' nampasauk ra nabantuan nakabagu ti, am pinatayan Nali magibit ritakau mobonsoi ri Aki Kapuuno', sala' ka koson ra pinatayan ri Abil ra galing i ondo' makimambalos.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

IBRANI 2:14

Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

IBRANI 3:1

Pabukat kau ngai' ra Kristian ondo' piniau noyo ri Aki Kapuuno', pampaguang kano ri Jisus ondo' nasauk koson ra rasul am Tingganai Maayo Imam ru pangintapatan takau.

IBRANI 6:13

Paat ri Aki Kapuuno' nangani' ra bantu' ri Abragam, nagibot Io ra atan ondo' baalon Nano totopot masauk. Kolondo' sangulun pana maayo kuasa' intor Riso, ginio ra inggalan Nano ayuk galama' inalap Nano ra Io nagibot i:

IBRANI 6:15

Naginaa ayuk i Abragam ra guang mataan, saboi nakaapu io ra atan ondo' binantu' ri Aki Kapuuno' i riso.

IBRANI 7:22

Intor raginio i Jisus noyo makapampasauk ra nabantuan ondo' moonsoi poyo.

IBRANI 8:13

Paat ra pinabala' No ondo' nakabagu i, binantu' ra nakalair i kolondo' boo onong. Atan ayuk boo ondo' tumuo kapoam maapu', mapuso ra maagu.

IBRANI 9:12

Igondo' ayuk i Kristus minumpos ra Intok Matulai Kaga' ti am ginio sama' ra sabuoi-buoi no. Kalo nagibit Io ra raraa' ru kambing am raraa' ru sapi' gawayan, kaa' inibit No raraa' Nano galama' ondo' nasauk ra puun ru pamayagan mantilayun takau.

IBRANI 9:16

Gitio mogondo' ra surat waris, ra musiti' aruon galing ra topot-topot minatoi noyo ulun nampawaris no.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

JAKUBUS 1:12

Pakaansuk noyo ulun ondo' tumaan paat ra io makatiu' ra pangkinaman. Sabap ra amon ru magula' no ra io kinamin, makaapu io ra ampos no, ioginio, kaayagan ondo' binantu' ri Aki Kapuuno' ra ulun ondo' motogom Riso.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

1 JUANIS 2:25

Am gitio binantu' galama' ri Jisus Kristus ritakau, io no kaayagan mantilayun.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.