IBRANI 9:12 - Tanou Moonsoi Timugon

¹² Igondo' ayuk i Kristus minumpos ra Intok Matulai Kaga' ti am ginio sama' ra sabuoi-buoi no. Kalo nagibit Io ra raraa' ru kambing am raraa' ru sapi' gawayan, kaa' inibit No raraa' Nano galama' ondo' nasauk ra puun ru pamayagan mantilayun takau.

IBRANI 9:12 ပူးပေါင်းရင်းမြစ်များ

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

IMAMAT 16:15

Musiti' i Arun manimbalui boo ra kambing no tayar ra taak simbalui koson mangampun ra tula ru ulun ru Israil. Musiti' io magibit ra raraa' ru kambing no mumpos ralalom ru Lamin Matulai Kaga', am mapatakis ra raraa' no giu' ra rasawat ru tataub ru Kaban Nabantuan am giu' ra saang ru Kaban no koson ra ondo' binaal no noyo ra raraa' ru sapi' gawayan no.

IMAMAT 4:3

Amon ru makatula Tingganai Maayo Imam, saboi mangkinibit ra ngaangai' ulun ru Israil makasala, musiti' io mapataak ra Tuhan ra sanginan sapi' gawayan mamulok ondo' kalo najamaran no, maa' raginio ampunon tula nano.

IMAMAT 8:2

“Ibito' i Arun am anak-anak nano mongoi ra kulobon ru Kim Kuno, am ibito' niayuk bayang ru imam, umau upacara, sapi' gawayan mamulok tayar ra taak simbalui koson mangampun ra tula, ruo ngainan domba gawayan, am sambakul ruti' ondo' kalo latakin ra ragi.

IMAMAT 9:15

Papataak boo i Arun ra taak simbalui koson mangampun ra tula ru ulun ru Israil. Alap io ra kambing ondo' pataakon, simbaluyo' no am pataako' kambing no koson ra ondo' binaal no ra taak simbalui koson mangampun ra tula nano galama'.

JAKARIA 3:9

Pabantaan Ku rondo' batu tulu' persegi giu' ra saang ri Josua. Tulisin Ku ra tulisan-tulisan ra batu no. Ralalom songorou, patirin Ku tula ru pagun ti.

MARKUS 3:29

Kaa' osoi ayuk magasab ra Ambiluo ri Aki Kapuuno', kalo ampunon io ra sabuoi-buoi no, sabap ra nambaal io ra tula mantilayun.” (

LUKAS 1:68

“Omporo' takau no i Aki Kapuuno', Tuhan ru ulun ru Israil, sabap ra minatong Io mangindangan am mampalabus ra ulun Nano.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

IPISUS 1:7

Sabap ra pinatayan ri Kristus ti noyo itakau pinalabus, ioginio tula takali naampun. Mumpara' boo gayo ru kataawan ri Aki Kapuuno' no ritakau,

KOLOSI 1:14

Ralalom ru Anak ti noyo itakau pinalabus; ioginio naampun noyo tula takau.

1 TISALONIKA 1:10

Am ati kulaan maginaa kau ra ratangan ru Anak Nano intor ra suruga', Io ondo' binayag saguli' intor ra kapatayan. Io no i Jisus Kristus ondo' mampalabus ritakau intor ra sangit am ukum ondo' matong no.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

IBRANI 10:19

Pabukat kau ngai', ragili malaa' ilo rumampus ra tabir am mumpos ra Intok Matulai Kaga', kaa' raino, mansail ra pinatayan ri Jisus, nangukab Io ra ralan nakabagu am makakau' takau ngai' magindagu ri Aki Kapuuno'.

IBRANI 10:4

Sabap ra sotopot no raraa' ru sapi' gawayan am kambing gawayan kalo noyo makapangiru' ra tula.

IBRANI 13:12

Ginio nai i Jisus pana minatoi giu' ra liwar ru bandar i, maa' raginio, mansail ra raraa' Nano galama' ondo' pinasasar makapamasau Io ra ulun intor ra tula.

IBRANI 5:9

Ginio ra kalupus Io pinasauk ra mamamayag ra kolondo' sala, nasauk Io boo ra puun ru pamayagan mantilayun ra ngaangai' ulun ondo' gumagaya' Riso.

IBRANI 7:27

Moonong orou Tingganai Maayo Imam ra bokon mampataak ra taak simbalui sabap ra tula ru ulun am tula nilo galama', kaa' i Jisus sala' ka koson raginio. Igondo' ayuk nampataak Io ra kaayagan Nano galama' am ginio sama' ra sabuoi-buoi no.

IBRANI 9:13

Maya' ra kaulayan ru ugama, ulun majamol impasawin ra takisin ulu nilo ra raraa' ru kambing am raraa' ru sapi' ungkuyon am poyo taukin ra kaau ru sapi' ruandu' mamulok sinimbalui.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.

IBRANI 9:15

Ginio nai ra mansail ri Kristus noyo i Aki Kapuuno' nakapambaal ra nabantuan bagu, maa' raginio ulun ondo' pinili' Nano makaapu ra barakat mantilayun ondo' binantu' Nali. Ngaangai' raginio masauk sabap ri Kristus minatoi noyo koson mampakaayag ra ulun intor ra sala ondo' binaal nilono nakapaat ra nabantuan kasaa' i iniou.

IBRANI 9:19

Pakapambala' i Musa ra ngaangai' ukum ri Aki Kapuuno' ra ulun ru Israil, alapo' no tutuu' Isop ondo' pinabangkos no ra bulu malia' ru domba, am pososopo' no boo ra raraa' ru sapi' am raraa' ru kambing ondo' pinaratok no ra timug, am patakiso' no galing ra Kitab ru Ukum ri Musa i am bagu no ra ngaangai' ulun ru Israil.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

IBRANI 9:7

Kaa' Tingganai Maayo Imam ayuk ondo' makaumpos ra lamin ra ralalom no ra igondo' ayuk sambilor. Magibit io ra raraa' am pataakon no ri Aki Kapuuno' koson pakiampunan ru tula nano galama' am niayuk ra tula ondo' kalo natutunan ru ulun.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.