IBRANI 9:1 - Tanou Moonsoi Timugon

¹ Nabantuan kasaa' i mokoondo' kaulayan sambayang am mokoondo' niayuk ra Kim Sambayangan ondo' binaal ru ulun.

IBRANI 9:1 ပူးပေါင်းရင်းမြစ်များ

KAINGKUALAN 25:8

Susubo' ulun raginilo mambaal Raki' ra rondo' kim matulai maa' raginio makaayan Aku risilo.

YEHEZKIEL 43:11

Amon ru mauyu' ilo boo ra binaal nilo, pambala' toojo risilo ra inatangan ru Baloi Kuno: model nano, kulobon-kulobon, kinaindon, tampos ru baloi maayo, am ngaangai' aturan am niayuk ukum nano. Tulisi' ngaangai' no maa' raginio makakito ilo am makailong toojo ra ralan manampos ra ngaangai' no, am gumagaya' ra ngaangai' ru aturan nano.

IMAMAT 18:30

Indagu Tuhan, “Gagayaa' noyo susuban Kuno am pai' tilu ra binaal ru ulun ondo' minayan giu' ra pagun no ragili. Pai' jamali' inan muno ra mambaal ra baal raginio. Aku noyo Tuhan i Aki Kapuuno' min.”

IMAMAT 22:9

“Musiti' ngaangai' imam gumagaya' ra aturan raginilo ondo' tinaakan Kuno. Amon ru kalo, makasala ilo am matoi sabap ra manggal ra aturan ra mangapasau no. Aku noyo Tuhan am Aku noyo napapasau risilo.

UNTABAN 9:12

Kalo panatangon io ra suwo ru akanon no saboi ra susuab ru suabon no, am kalo pamandakon io ra rondo' bungul pana intor ra bibiag no. Musiti' io mangiantak ra Paska sumugut ra ngaangai' kaulayan no.

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

ROMA 9:4

Ilo no ulun ru Israil ondo' pinili' ri Aki Kapuuno'. Piniau ilo noyo ri Aki Kapuuno' ra anak Nano galama', am pinakito No ilo ra katulayan Nano. Binantuan No ilo am inanian No ilo ra Ukum ri Musa. Tinuluan No ilo ra sambayang ondo' motopot am naapu nilo ondo' binantu' Nali.

KOLOSI 2:8

Ginio nga ra ilalai' min, maa' raginio kolondo' sangulun pana mamparuung ramuyun ra pangilaan ru ulun ondo' abau no ayuk am kolondo' onong, sabap ra mampakalayau ayuk ginio. Sala' ka i Jisus Kristus intor ru gitio, kaa' binaal ayuk ru ulun kapoam rondo' pangilaan ru kaulayan ayuk.

IBRANI 8:13

Paat ra pinabala' No ondo' nakabagu i, binantu' ra nakalair i kolondo' boo onong. Atan ayuk boo ondo' tumuo kapoam maapu', mapuso ra maagu.

IBRANI 8:2

Giu' no mampaugar Io ra kandoi koson ra Tingganai Maayo Imam ra Intok Matulai Kaga', ioginio Kim Sambayangan ra motopot ondo' binaal ru Tuhan am sala' ka ulun.

IBRANI 8:7

Amon ru nabantuan kasaa' i naukop noyo, atan pakuan makimabantu' poyo ra kainduo.

IBRANI 9:24

Ginio sabap ri Kristus kalo minumpos ra Intok Matulai binaal ru ulun ondo' tumilu ra Intok Matulai ra sotopot no. Kaa' minumpos Io ra suruga' am soroi Io ra giu' no raino koson makiindangan Io ri Aki Kapuuno' ritakau.