IBRANI 7:5 - Tanou Moonsoi Timugon

⁵ Maya' ra Ukum ri Musa, imam-imam ru papag Liwi mangapu ra mopor piatus intor ra ampos ru kandoi ru ulun ru Israil, ioginio bansa' nilo galama', kabalu' pana mogondo' ilo ra papag ri Abragam.

IBRANI 7:5 ပူးပေါင်းရင်းမြစ်များ

KASAUKAN 35:11

Indagu poyo i Aki Kapuuno', “Aku noyo i Aki Kapuuno' Ondo' Maayo Kaga' Kuasa'. Pakaanak no ra masuang. Papag muno intaran ru bansa'-bansa' am masauk kou ra kinamatuaan ru raja'-raja'.

KASAUKAN 46:26

Papag ri Jakub ondo' minongoi ra Misir ngaangai' no suang onom ngoopor am onom ngaulun, kalo nakasimpung anak-anak mangiwan ruandu' nano.

1 RAJA'-RAJA' 8:19

kaa' okou kalo mambaal raginio. Anak muno, anak muno galama' mambaal ra baloi Kuno.’

NIGIMIA 13:10

Napandayan ku niayuk ulun-ulun mangkuli ra miujik am ulun ru Liwi nangiruan noyo ra Jirusalim am riminuli' ra umo nilo, sabap ra mamagun kalo nangukop ra pakuan ru kaayagan nilo.

KAINGKUALAN 1:5

Ngaangai' suang ru papag ri Jakub tulu' ngoopor ngaulun. I Jusup anak ri Jakub nokosoroi noyo giu' ra Misir.

KAINGKUALAN 28:1

“Piawo' noyo maayo muno i Arun am anak ungkuyon nano i Nadab, Abigu, Iliajar am i Itamar. Timpokon ilo intor ra popolos ulun ru Israil, maa' raginio mangandoi ilo Raki' koson ra imam.

UNTABAN 18:7

Kaa' okou am anak-anak ungkuyon muno ayuk pambaalon ra ngaangai' kandoi toojo ru imam ondo' makakulawit ra altar am atan pana ondo' giu' ralalom ru Lamin Matulai Kaga'. Ngaangai' baal raginio pinakandayan rirun, sabap ra nanaak Aku noyo rirun ra kandoi ru imam. Osoi ayuk ondo' kolondo' kuasa' mapaugar ra kandoi raginio ukumin ra matoi paat minggaar ra kuliamos-kuliamos mapasau.”

SAGULION 26:12

“Moonong bilor, akau musiti' manaak sampiopor ra ampos ru tinanom min ra Tuhan. Kaa' moonong bilor katalu, taaki' noyo sampiopor ra ampos ru tinanom min ra ulun ru Liwi, ulun bansa' ru bokon, anak nailusan ra matuo am napuor, maa' raginio giu' ra moonong bandar min, makaalap ilo ra akanon ondo' makapakuan. Mopongo kau mambaal koson raginio,

IBRANI 5:4

Kolondo' sangulun galama' mampili' sumauk ra Tingganai Maayo Imam, kaa' piawon io ri Aki Kapuuno', koson i Arun piniau ra galing i.

IBRANI 7:10

Sabap ra kabalu' pana i Liwi kalo poyo inanak, naratian poyo ra soroi io ra inan ri Abragam, kinamatuaan nali, paat ri Milkisidik nanguma' ri Abragam.