IBRANI 7:22 - Tanou Moonsoi Timugon

²² Intor raginio i Jisus noyo makapampasauk ra nabantuan ondo' moonsoi poyo.

IBRANI 7:22 ပူးပေါင်းရင်းမြစ်များ

1 KORINTUS 11:25

Nogondo' niayuk ra Io nopongo nangakan, alapo' No sangkir ru anggur am indagu, “Sangkir ti am nabantuan bagu ri Aki Kapuuno', ondo' saukon ru raraa' Kuno galama'. Moonong ra akau manginum raginio, baalo' min gitio koson pangkaraan min Raki'.”

KASAUKAN 44:32

Ginio nai poyo binantu' ku noyo ra ama' kuno ra alungin ku anak ti. Minindagu aku riso ra amon ru kalo saguliin ku anak ti riso, aku mangapu ra ukuman ra sabuoi-buoi no.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

IBRANI 12:24

Mininggaar kau ri Jisus ondo' nampasauk ra nabantuan nakabagu ti, am pinatayan Nali magibit ritakau mobonsoi ri Aki Kapuuno', sala' ka koson ra pinatayan ri Abil ra galing i ondo' makimambalos.

KASAUKAN 43:9

Aku noyo jaminan am sikaan mu aku amon ru kalo masagulian ku io ra maayag, aku mangapu ra ukum muno ra sabuoi-buoi no.

LUKAS 22:20

Koson niayuk raginii, kopongo ilo nangakan, pataako' No sangkir i risilo liliwa' minindagu, “Sangkir ragitio nabantuan bagu ri Aki Kapuuno', saukon ralalom ru raraa' Kuno, ondo' pasasaron ramuyun.

MATIUS 26:28

Sabap ra gitio noyo raraa' Kutu ondo' mampainono' ra nabantuan ri Aki Kapuuno', ioginio raraa' Kuno ondo' pasasaron, maa' raginio tula ru masuang ulun ampunon.

MARKUS 14:24

Indagu i Jisus risilo, “Gitio noyo raraa' Kutu, raraa' nabantuan ri Aki Kapuuno' ondo' pasasaron ra masuang ulun.

DANIL 9:27

Mambaal raja' no ra nabantuan ondo' mapiot ra masuang ulun buoi tulu' ngambilor. Malintanga' paat no, langgain ru raja' ngaangai' taak simbalui am pataakon. Rondo' ondo' sabiton ra ‘Karaat Ondo' Moporos’ pabantaan boo giu' ra Baloi ru Tuhan, am magulayun ra giu' no saboi ra ulun ondo' napabanta' no makatuum ra kapusaan ondo' inaru' noyo ri Aki Kapuuno' riso.”

AMSAL 20:16

Sasambungon ga ulun ondo' mansaan ra utang ru ulun bokon; longgom nano musiti' alapon koson jamin ru bantu' nano.

AMSAL 6:1

Anak kuno, amon ru mokoondo' bantu' min manampilon ra utang ru ulun bokon,

MAZMUR 119:122

Pangatang No ra bantu' ra Okou masaga' mangindangan raki'; pai' polosoo' ulun malilimbau mangulipon raki'!

JISAYA 38:14

Bolos kuno lumuku am malawo, malumpus aku koson ra susuit asang. Mato kuno maagui sabap ra mantingaa' ra limbowon. Iou Tuhan, bayago' aku no intor ra nansalinut kapaganan ragitio.

IBRANI 7:23

Mokoondo' rondo' baal poyo: ra galing i masuang noyo imam, kaa' kalo nakapanunggul ilo ra kandoi nilono sabap ra minatoi ilo ngai'.

IBRANI 8:13

Paat ra pinabala' No ondo' nakabagu i, binantu' ra nakalair i kolondo' boo onong. Atan ayuk boo ondo' tumuo kapoam maapu', mapuso ra maagu.