IBRANI 7:19 - Tanou Moonsoi Timugon

¹⁹ Sabap ra Ukum ri Musa kalo mampakatanda' ra osoi ayuk pana. Ginio ra inanian takau ra kalansanan moonsoi poyo am mansail raginio makainggaar takau ri Aki Kapuuno'.

IBRANI 7:19 ပူးပေါင်းရင်းမြစ်များ

MAZMUR 73:28

Kaa' guang ku, moonsoi poyo sumoroi mumbir ri Aki Kapuuno'. Makaalap aku ra sindungan intor ra Tuhan Raja', am potonowon ku ngaangai' ondo' binaal Nano.

SULABOI 3:57

Iowon Mu pakiasian kuno, am mindagu raki', ‘Pai' kalaa'.’

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

ROMA 5:2

Sabap ra pangintapatan takau ri Kristus, nagibit Io ritakau mimong ra barakat ri Aki Kapuuno' ondo' malimanan takau raino. Sabap raginio maansukan takau am malansan ra magapu takau ra katulayan ri Aki Kapuuno'.

ROMA 7:7

Amon ru ginio poyo, atan boo paraguon takau? Malaat kia Ukum ri Musa no? Maaru' kalo! Kaa' Ukum ri Musa niayuk ondo' mampatutun raki' ra atan sotopot no tula. Amon ru kolondo' tinulisan ra Ukum ri Musa no, “Pai' pagingkaut,” maaru' kalo makapandai aku ra arati' ru magingkaut.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

GALATIA 2:16

Kaa' mapandayan noyo ra sasangulun no mobonsoi saguli' ri Aki Kapuuno' sabap ra mangintopot io ayuk ri Jisus Kristus, am pai' ru maya' ra Ukum ri Musa. Akai pana nangintopot ri Jisus Kristus, maa' raginio mobonsoi akai saguli' ri Aki Kapuuno' sabap ra pangintapatan mai ti, am sala' ka maya' ra Ukum ri Musa. Kolondo' sangulun pana mobonsoi saguli' ri Aki Kapuuno' maya' ra Ukum ri Musa.

GALATIA 3:21

Gitio kia arati' ra Ukum ri Musa am binantu' ri Aki Kapuuno' mantula' boo? Sotopot no kalo noyo toojo! Sabap ra amon ru nataakan noyo rondo' ukum ugama ondo' makapangani' ra kaayagan ra ulun, am ulun boo mokopobonsoi saguli' ri Aki Kapuuno', amon ru mampagagaya' ilo ayuk ra ukum ugama no.

GALATIA 3:24

Koson raginio noyo Ukum ri Musa nagalung ritakau saboi ra rinatangan ri Kristus, maa' raginio mobonsoi takau saguli' ri Aki Kapuuno' sabap ra pangintapatan takau ri Kristus.

IPISUS 3:12

Sabap ra pasimpungan am pangintapatan takau ri Kristus makakau' takau minggaar ri Aki Kapuuno' am intopoton noyo ra itakau rongogon No.

KOLOSI 1:27

Inatang noyo ri Aki Kapuuno' ra pabalaan No ondo' nakasibuni i risilo; ra mumpara' boo bonsoi ru barakat ondo' pataakon Nano ra ngaangai' ulun, ioginio i Jisus Kristus rumondon ra guang min, ondo' arati' no magapu kau ra katulayan ri Aki Kapuuno'.

1 TIMOTIUS 1:1

Aku i Paulus, sangulun rasul ri Jisus Kristus maya' ra susuban ri Aki Kapuuno', Mamamayag takau, am ri Jisus Kristus ondo' kalansanan takau.

IBRANI 10:1

Ukum ri Musa no koson ra babara' ayuk ru baal giu' ra suruga', kapoam asilan ayuk ru barakat moonsoi ondo' matong ra tauli no. Gumagaya' ra ukum raginio kalo makapangindangan ra ulun ondo' matong ri Aki Kapuuno' masauk ra matanda', kabalu' pana moonong bilor ruli'-ruli' ilo magibit ra taak simbalui.

IBRANI 11:40

sabap ra nangaru' Io noyo ra rondo' baal moonsoi poyo ritakau ngai', ioginio, ra mabaya' ayuk ritakau, ilo no saukon ra matanda'.

IBRANI 11:6

Kolondo' sangulun pana makapapabansuk ra guang ri Aki Kapuuno' amon ru kalo mangintopot io Riso. Osoi ayuk masaga' mulig ri Aki Kapuuno', musiti' mangintopot galing ra i Aki Kapuuno' totopot soroi am mambalos ra ulun ondo' toojo masaga' mulig Riso.

IBRANI 3:6

Kaa' i Kristus gumagaya' koson ra Anak ondo' maningganai ra ngaangai' ulun ri Aki Kapuuno'. Itakau ti noyo ulun Nano amon ru makakau' takau am mangintopot ra makaalap atan ondo' lansanin takau.

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.

IBRANI 7:11

Mimpuun ra papag ru imam-imam Liwi ti Ukum ri Musa pinataak ra ulun ru Israil. Amon ru kandoi ru imam papag ri Liwi i mampakatanda' raan ra ulun, kalo pana pasalulaan sangulun imam ra bokon koson i Milkisidik, ondo' sala' ka papag ri Arun.

IBRANI 7:20

Mulu' poyo raginio, mokoondo' ibot i Aki Kapuuno'. Paat ra nangaruan ru imam ra galing i, naaru' kalo minindagu i Aki Kapuuno' risilo kon raginio.

IBRANI 7:25

Intor raginio makapamayag Io ra mantilayun ra ulun ondo' matong ri Aki Kapuuno' mumbaya' Riso, sabap ra maayag Io ra mantilayun koson makitaak ri Aki Kapuuno' mangindangan risilo.

IBRANI 8:6

Kaa' raino i Jisus no inanian ra kandoi ru sangulun imam ondo' matulai toojo intor ra kandoi ru imam ra bokon. Sabap ra nabantuan ri Aki Kapuuno' ondo' pinasuku' Nano ra ulun, moonsoi poyo intor ra nakalair i, sabap ra inimpuun No ra bantu' ondo' mangkinibit ra baal-baal ondo' moonsoi poyo.

IBRANI 9:9

Ngaangai' raginio rondo' tatandu' ra atan baalon ri Kristus paat ra raino ti. Atan ayuk taak kapoam taak-taak simbalui ondo' pinataakan ri Aki Kapuuno', kalo noyo nampakatanda' ra guang ru ulun.

JAKUBUS 4:8

Inggaari' noyo i Aki Kapuuno', am i Aki Kapuuno' pana minggaar ramuyun. Ulun kau ra makatula, langgai' min noyo baal ra malaat. Ulun kau ra maginduo guang, kapasawo' noyo guang mino!