IBRANI 7:18 - Tanou Moonsoi Timugon

¹⁸ Ragino kaulayan nakalair i inimpayan, sabap ra kolondo' kuasa' am kolondo' onong.

IBRANI 7:18 ပူးပေါင်းရင်းမြစ်များ

ROMA 3:31

Motopot kia sabap ra pangintapatan takau ri Kristus Ukum ri Musa no patirin boo? Maaru' kalo! Sotopot no mangurumat takau ra Ukum ri Musa no.

ROMA 8:3

Atan ondo' kalo nabaal ru Ukum ri Musa sabap ra paliso ru ulun no ondo' malawo, binaal noyo ri Aki Kapuuno'. Koson mamuso ra kuasa' ru tula ralalom paliso ru ulun, nangator i Aki Kapuuno' ra Anak Nano galama'. Minayag Io koson ra ulun, ioginio baal ru ulun ondo' makatula am intor raginio kinala No kuasa' ru tula.

GALATIA 3:15

Pabukat kau ngaangai', moonsoi alapon ku ra popogondoon atan ondo' nailian takau ra moonong orou. Amon ru mokoondo' ruo ngaulun nangiou ra rondo' baal koson nanulis ra rondo' surat nabantuan, kolondo' sangulun pana makapampalulu' kapoam makapamparuang ra atan ayuk ondo' binantu' raginio.

GALATIA 3:17

Kon kutu am: i Aki Kapuuno' nambaal ra rondo' bantu', am poyo minindagu ra intopoton No ginio. Ukum ri Musa ondo' apat ngaatus talu ngoopor ngambilor nakatauli sinauk, kalo noyo maalap kapuso kapoam kalulu' nabantuan ni.

GALATIA 3:21

Gitio kia arati' ra Ukum ri Musa am binantu' ri Aki Kapuuno' mantula' boo? Sotopot no kalo noyo toojo! Sabap ra amon ru nataakan noyo rondo' ukum ugama ondo' makapangani' ra kaayagan ra ulun, am ulun boo mokopobonsoi saguli' ri Aki Kapuuno', amon ru mampagagaya' ilo ayuk ra ukum ugama no.

GALATIA 4:21

Akau ondo' mirot toojo mampagagaya' ra Ukum ri Musa, masaga' aku mangkuot ramuyun: kalo kia norongog min atan ondo' rinagu ru Ukum ri Musa no?

GALATIA 4:9

Kaa' raino nakaulig kano ri Aki Kapuuno', kapoam matanda' poyo raguon ra i Aki Kapuuno' nakaulig ramuyun. Kua saguli' kau poyo ra tuhan-tuhan ondo' kalo maikang am niayuk kolondo' onong? Kua guat kasaga' kau makiulipon poyo risilo?

1 TIMOTIUS 4:8

Mampalanat ra inan ayuk kalo kula' onong no, kaa' igigilaan ra kasagaan ri Aki Kapuuno' no mokoonong ra ngaangai' baal, sabap ra ginio mangani' ritakau ra kaayagan bagu raino am kaayagan mantilayun ra tauli no.

IBRANI 13:9

Pai' kano karuung ra nansalinut pangilaan ondo' mampakalayau, kaa' musiti' mangapu takau ra kataawan ri Aki Kapuuno', maa' raginio kaikangon guang takau Riso. Pai' takano boo baya' ra kaulayan intor ra atan kia maakan kapoam kalo, sabap raginio kalo noyo nakapangindangan risilo ondo' sumugut raginio.

IBRANI 7:19

Sabap ra Ukum ri Musa kalo mampakatanda' ra osoi ayuk pana. Ginio ra inanian takau ra kalansanan moonsoi poyo am mansail raginio makainggaar takau ri Aki Kapuuno'.