IBRANI 6:19 - Tanou Moonsoi Timugon

¹⁹ Koson ra simbatu mampauog ra parau ra kalo maabas, koson niayuk ra kalansanan takau mambaal ritakau kalo minggalur intor ri Aki Kapuuno'. Am koson ra Tingganai imam nakarampus ra tabir ru Intok Matulai Kaga' giu' ra Baloi Tuhan, i Jisus niayuk nakarampus ra suruga'.

IBRANI 6:19 ပူးပေါင်းရင်းမြစ်များ

MAZMUR 39:7

kaayagan nilo mansail koson ra babara'. Ngaangai' ru baalon nilono kolondo' onong; mangumung ilo ra rapu', kaa' kalo napandayan nilo osoi manungkus no.

MAZMUR 42:11

Mangiluk aku kaga' mangkirongog ra ilo magasab. Magail ilo mangkuot, “Ati kia i Aki Kapuuno' muli?”

MAZMUR 42:5

Makuliagai guang kuno amon karaan orou ra nakasail, bulintok ra aku nakapasumbaya' ra ulun masuang minongoi ra Baloi ru Tuhan, am minugar aku ra siminigulu risilo, magilakup am marimbai ra rimbai mongompor.

MAZMUR 43:5

Kua kia pangiluk guang kuno? Kua kia pagalabo aku? Malansan aku ri Aki Kapuuno', am igondo' poyo aku mongompor Riso, i Aki Kapuuno' kuno am mamamayag raki'.

JISAYA 12:2

Aki Kapuuno' Mamamayag raki'; mangintopot aku Riso am kalo malaa' aku. Tuhan manaak ra kuasa' am kaikangan raki'; Io no Mamamayag raki'.

JISAYA 28:16

Kaa' gitio noyo ragu ru Tuhan Raja', “Pabantaan Ku batu maatang ondo' mologo am mokotog ra Sion; rondo' batu mokologo ra makabatik ragitio, ‘Osoi-osoi mangintopot am mirot, ilo kalo jumuung ayuk pakiala.’

IMAMAT 16:15

Musiti' i Arun manimbalui boo ra kambing no tayar ra taak simbalui koson mangampun ra tula ru ulun ru Israil. Musiti' io magibit ra raraa' ru kambing no mumpos ralalom ru Lamin Matulai Kaga', am mapatakis ra raraa' no giu' ra rasawat ru tataub ru Kaban Nabantuan am giu' ra saang ru Kaban no koson ra ondo' binaal no noyo ra raraa' ru sapi' gawayan no.

IMAMAT 16:2

“Balai' i Arun, maayo muno, ra paat ra ondo' inaru' ayuk, mokoongoi io ra talikuron ru tabir, mongoi ralalom ru Lamin Matulai Kaga', sabap ra giu' no mintalang Aku ralalom ru gaun rasawat ru tataub ru Kaban Nabantuan. Amon ru manggal i Arun ra susuban raginio, matoi io.

JAKARIA 9:12

Uli' kano, akau ulun pinatiran, raino makakalansanan kau; uli' kano ra intok sindungan min. Balain Takamin raino, ra barakaton Takamin induo ruli' no ra ngaangai' kaimbalaan ondo' nauma' min.

MATIUS 27:51

Tabir ondo' pinatair ralalom Baloi Tuhan napiruo karilak intor ra rasawat suku' ra ragana'. Tana' ti nauyog am bulur batu nangapilang.

RINALATAN 23:6

Kaa' pakakito boo ri Paulus ra mokoondo' sampiruo intor ra Majlis Ugama i ulun-ulun ru Saduki am sampiruo i poyo ulun-ulun ru Parisi, indagu io risilo ra mapuor, “Pabukat kau ngaangai'! Aku ti ulun ru Parisi am papag poyo ru ulun ru Parisi. Bisaraan aku ragiti sabap ra mangintopot aku ra ulun matoi bayagon saguli'.”

RINALATAN 27:29

Malaa' ilo ra kapal ti makajunjung ra batu maayo, ginio ra patapungo' nilo apat simbagat intor ra tinaulian ru kapal i. Pakiasi' ilo boo am malansan ra tumawang ra mataki'.

RINALATAN 27:40

Ginio ra pinutul nilo tali ru simbagat ru kapal i am pinoloso ayuk ilo luminjob ra raat. Paat ragili niayuk palabuso' nilo tali ondo' pinarilit nilo ra kemudi. Bingkalo' nilo boo layar ra saang ru kapal i maa' raginio maibit ru bagiu' mongoi ra nagas i.

ROMA 4:16

Bantu' no inimpuun ra pangintapatan ru ulun ri Aki Kapuuno', maa' raginio bantu' no aruon koson ra taak intor ri Aki Kapuuno' ra ngaangai' papag ri Abragam. Sala' ka ayuk risilo ondo' gumagaya' ra Ukum ri Musa, kaa' niayuk risilo ondo' mangintopot ri Aki Kapuuno' mogondo' ri Abragam ragili. Sabap ra i Abragam koson ra ama' ru itakau ngaangai'.

ROMA 4:18

Nangintopot am liminansan ayuk i Abragam ri Aki Kapuuno' kabalu' pana guang nano kolondo' boo kalansanan. Ginio boo ra sinauk io koson ra ama' ru masuang bansa', am koson tinulisan ra Buuk Kitab, “Papag muno masauk ra masuang kaga'.”

ROMA 5:4

am kaaratan no iowon ri Aki Kapuuno', am ginio mangani' ritakau ra kalansanan.

1 KORINTUS 13:13

Pupus no, ondo' pantilayunon am talu ringai': mangintopot ri Kristus, malansan ri Aki Kapuuno' am motogom ra ulun bokon. Ondo' maatang toojo intor ra katalu-talu, io no motogom ra ulun bokon.

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

IPISUS 2:6

Nampaluat Io ritakau nabaya' ri Jisus Kristus, maa' raginio makapabaya' takau Riso mamarinta ra orou matong giu' ra suruga'.

KOLOSI 1:27

Inatang noyo ri Aki Kapuuno' ra pabalaan No ondo' nakasibuni i risilo; ra mumpara' boo bonsoi ru barakat ondo' pataakon Nano ra ngaangai' ulun, ioginio i Jisus Kristus rumondon ra guang min, ondo' arati' no magapu kau ra katulayan ri Aki Kapuuno'.

KOLOSI 3:1

Sabap ra pasimpungan min ri Kristus inanian kau ra kaayagan bagu ondo' mogondo' ra akau binayag saguli'. Ginio nai ra kaikango' ayuk toojo guang mino koson mompogogot ra kalangkayaan ru suruga', ioginio panturungan ri Kristus ra takhta ra tampilon pamiris ri Aki Kapuuno'.

2 TIMOTIUS 2:19

Kaa' ondo' binaal ri Aki Kapuuno' no ra guang ru ulun Nano kalo maalap kauyog. Am minindagu Io noyo, “Tuhan makaulig ra osoi ulun Nano,” am poyo ra, “Osoi ayuk mangiou ra io ulun ru Tuhan, musiti' io tumalikur intor ra kasalaan nano.”

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.

IBRANI 9:3

Am lamin ra ralalom ru kim no, ondo' sinilian ru tabir, ininggalanan ra Intok Matulai Kaga'.

IBRANI 9:7

Kaa' Tingganai Maayo Imam ayuk ondo' makaumpos ra lamin ra ralalom no ra igondo' ayuk sambilor. Magibit io ra raraa' am pataakon no ri Aki Kapuuno' koson pakiampunan ru tula nano galama' am niayuk ra tula ondo' kalo natutunan ru ulun.

1 PITRUS 1:3

Paringkuanang takau no ri Aki Kapuuno', Ama' ru Tuhan takau i Jisus Kristus! Sabap ra intor ra asi' Nano ondo' maayo kaga', nangani' Io ritakau ra kaayagan nakabagu am Io namayag saguli' ri Jisus Kristus intor ra kapatayan. Gitio noyo mangani' ritakau ra kalansanan maayo ondo' mantilayun.